آپریشن ضرب عضب منطقی انجام کی طرف بڑھ رہا ہے، طویل مدتی استحکام کیلئے اس کے ثمرات سے فائدہ اٹھانا ہو گا،آپریشن ضرب عضب میں جوانوں اور افسروں کی قربانیاں قابل تحسین ہیں ،ان کامیابیوں پر کوئی سمجھوتہ نہیں کیا جائیگا،عارضی بے گھر افراد کی واپسی مقررہ وقت پر ہونی چاہیے ، دہشتگردی کے انفراسٹرکچر کو مکمل طور پر ختم کرنے کیلئے ملک بھر میں انٹیلی جنس آپریشز کا دائرہ کار بڑھا یا جائے،آرمی چیف جنرل راحیل شریف کا کور کمانڈرز کانفرنس سے خطاب
آپریشن ضرب عضب کی کامیابیوں پر اطمینان کا اظہار ، جوانوں اور افسروں کی قربانیوں کو سراہا گیا،آئی ایس پی آر
پیر 14 مارچ 2016 18:00
راولپنڈی (اُردو پوائنٹ اخبارتازہ ترین - آئی این پی۔14 مارچ۔2016ء ) چیف آف آرمی سٹاف جنرل راحیل شریف نے کہا ہے کہ فاٹا میں جاری آپریشن ضرب عضب منطقی انجام کی طرف بڑھ رہا ہے، اب طویل مدتی استحکام کیلئے آپریشن کے ثمرات سے فائدہ اٹھانا ہو گا،آپریشن ضرب عضب میں جوانوں اور افسروں کی قربانیاں قابل تحسین ہی، ان کامیابیوں پر کسی بھی قیمت پر کوئی سمجھوتہ نہیں کیا جائے گا،پاکستان سے دہشتگردی کے انفراسٹرکچر کو مکمل طور پر ختم کرنے کیلئے ملک بھر میں انٹیلی جنس آپریشز کا دائرہ کار وسیع کیا جائے۔
پیر کو پاک فوج کے شعبہ تعلقات عامہ (آئی ایس پی آر ) کے مطابق آرمی چیف جنرل راحیل شریف کی زیر صدارت کور کمانڈرز کانفرنس ہوئی جس میں آپریشن ضرب عضب کی کامیابیوں پر اطمینان کا اظہار کیا گیا اور جوانوں اور افسروں کی قربانیوں کو سراہا گیا۔(جاری ہے)
آئی ایس پی آر کے مطابق اجلاس میں ملک کی اندرونی و بیرونی سیکیورٹی کا جائزہ لیا گیا جبکہ شوال اور شمالی وزیرستان میں جاری آپریشن پر بھی اطمینان کا اظہار کیا گیا۔
آرمی چیف نے فاٹا میں ریاست کی رٹ برقرار رکھنے، بارڈر مینجمنٹ کو مزید موثر بنانے کی ہدایت کی اور کہا کہ قبائلی متاثرین کی جلد از جلد واپسی کو یقینی بنانا چاہئے۔آرمی چیف جنرل راحیل شریف کا کہنا تھا کہ آپریشن کا اختتامی مرحلہ کامیابی سے جاری ہے، اب آپریشن کے بعد کے امور پر توجہ دینے کی ضرورت ہے۔ انہوں نے آپریشن ضرب عضب کے دوران جوانوں اور افسروں کی قربانیوں کو خراج عقیدت پیش کرتے ہوئے کہا کہ ان کامیابیوں پر کسی بھی قیمت پر کوئی سمجھوتہ نہیں کیا جائے گا۔آرمی چیف نے اس بات پر زور دیا کہ پاکستان سے دہشتگردی کے انفراسٹرکچر کو مکمل طور پر ختم کرنے کیلئے ملک بھر میں انٹیلی جنس آپریشز کا دائرہ کار بڑھا یا جائے۔متعلقہ عنوان :
مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.