آئیوری کوسٹ کے سیاحتی قصبے کے ساحل پر مسلح افراد کے حملے میں 4 یورپی سیاحوں سمیت 16افراد ہلاک ہوگئے
میاں محمد ندیم پیر 14 مارچ 2016 12:02
آئیوری کوسٹ(ا ردو پوائنٹ اخبارتازہ ترین-انٹرنیشنل پریس ایجنسی۔14مارچ۔2016ء) مغربی افریقہ کے ملک آئیوری کوسٹ کے ایک معروف سیاحتی قصبے کے ساحل پر مسلح افراد کے حملے میں چار یورپی سیاحوں سمیت کم از کم 16افراد ہلاک ہوگئے ہیں۔حکام کے مطابق فائرنگ کا واقعہ آئیوری کوسٹ کے معاشی مرکز اور سب سے بڑے شہر عابد جان سے 40 کلومیٹر مشرق میں واقع قصبے گرینڈ بسام میں پیش آیا۔
مذکورہ قصبہ اپنے ساحل، قہوہ خانوں اور ہوٹلوں کے باعث مغربی سیاحوں میں خاصا مقبول ہے جب کہ عابد جان کے رہائشی بھی تفریح کی غرض سے یہاں کا رخ کرتے ہیں۔آئیوری کوسٹ کے صدر الاسان اوتارا نے اپنے ایک بیان میں کہا ہے کہ حملہ آوروں کی تعداد چھ تھی جنہوں نے گرینڈ بسام کے ساحل پر واقع ہوٹلوں کو دوپہر کے وقت نشانہ بنایا۔(جاری ہے)
عینی شاہدین کے مطابق تمام حملہ آور سیاہ لباس پہنے ہوئے تھے جنہوں نے ساحل پر واقع ریستورانوں میں کھانے پینے میں مصروف سیاحوں پر فائرنگ کی۔
صدر کے مطابق فائرنگ سے ہلاک ہونے والوں میں 14 عام شہری جب کہ اسپیشل فورس دستے کے دو اہلکار شامل ہیں۔صدر کے مطابق تمام چھ حملہ آور فورسز کی جوابی کارروائی میں مارے گئے ہیں۔ایک پولیس افسر نے بتایا ہے کہ ہلاک ہونے والوں میں کم از کم چار یورپی سیاح شامل ہیں۔فرانس کی وزارتِ خارجہ نے تصدیق کی ہے کہ حملے میں ہلاک ہونے والوں میں فرانس کا ایک شہری بھی شامل ہے۔ دیگر تین غیر ملکیوں کی شہریت کی تصدیق نہیں ہوسکی ہے۔خطے میں سرگرم القاعدہ کی مقامی شاخ 'القاعدہ فی بلاد المغرب' نے حملے کی ذمہ داری قبول کرلی ہے۔آئیوری کوسٹ فرانس کی نو آبادی رہا ہے جو اپنے خوب صورت ساحل، ثقافت اور جنگلات کے باعث مغربی خصوصاً فرانسیسی سیاحوں میں خاصا مقبول ہے۔فائرنگ کے اس واقعے سے لگ بھگ دو ماہ قبل مسلمان شدت پسندوں نے آئیوری کوسٹ کے پڑوسی ملک برکینسا فاسو کے دارالحکومت ااوگادوگو کے معروف ہوٹل اور قہوہ خانے پر حملہ کیا تھا جس میں درجنوں افراد مارے گئے تھے۔متعلقہ عنوان :
مزید اہم خبریں
-
وزیر اعظم کے دورہ سعودی عرب کا امکان
-
بحیرہ احمر میں جبوتی کے ساحل کے قریب 77 افراد کو لے جانے والی کشتی الٹ گئی 23 افراد ہلاک جبکہ21 لاپتہ ہیں.اقوام متحدہ
-
ایرانی صدر ابراہیم رئیسی کے دورہ پاکستان کے دوران پاک ایران گیس پائپ لائن کا تذکرہ سامنے نہیں آسکا
-
نواز شریف نے قمر باجوہ کو مدت ملازمت میں دوسری توسیع کی یقین دہانی کرائی تھی
-
حکومت کے معاشی اشاریوں میں بہتری کے دعوﺅں میں کتنی حقیقت ہے؟ماہانہ اعداد و شمار کو بنیاد بناکرنہیں کہا جا سکتا کہ بہتری آچکی ہے.معاشی ماہرین
-
صدر زرداری سے ائیر ایشیا ایوی ایشن گروپ کی ملاقات
-
عدالت نے علیمہ خان کی عبوری ضمانت کی درخواست منظور کرلی
-
سعودیہ سے دیر آنے والی خاتون 22 سالہ نوجوان کے ساتھ لاپتا، تلاش شروع
-
ایرانی صدر کا دورہ کراچی، (کل) صبح 8 بجے تک موبائل سروس معطل رہے گی
-
کم سے کم اجرت 32000 ہے ، عمل نہ کرنے والے اداروں کے خلاف کارروائی کی جائیگی ، وزیرخزانہ
-
مجھے مسلم لیگ ن سے کیوں نکالا گیا؟ اس کی وجہ شہباز شریف پسند نہیں کرتے تھے
-
اٹک ریفائنری بند ہونے کے دہانے پر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.