امریکی حکومت نے غیر ملکی طلبا کے ویزا قوانین میں تبدیلی کا اعلان کردیا
بیرون ملک سے آنے والے نوجوانوں کو ڈگری کے بعد تربیت کیلئے 3 سال تک ملازمت کی اجازت ہوگی
اتوار 13 مارچ 2016 15:09
نیو یارک(اُردو پوائنٹ اخبارتازہ ترین - آئی این پی۔13 مارچ۔2016ء ) امریکی حکومت نے غیر ملکی طلبا کے ویزا قوانین میں تبدیلی کا اعلان کردیا، جس کے تحت بیرون ملک سے آنے والے نوجوانوں کو ڈگری کے بعد تربیت کیلئے 3 سال تک ملازمت کی اجازت ہوگی۔غیر ملکی میڈیا کے مطابق امریکی حکومت نے غیر ملکی طلبا کے ویزا قوانین میں تبدیلی کا اعلان کیا ہے جس کے تحت صرف وہ طلبہ جنہوں نے سائنس، ٹیکنالوجی، انجینئرنگ اور حساب کے شعبوں میں اعلی تعلیمی اداروں سے ڈگریاں حاصل کی ہوں اور انہیں ای۔
ویریفائے میں شامل آجروں کی جانب سے ملازمت فراہم کی جائیں ، وہ ہی اوپٹیکل پریکٹیکل ٹریننگ پروگرام (او پی ٹی) کیلئے اہل ہونگے۔اس سے پہلے قوانین کے مطابق ایسے طالبعلموں کو 17 ماہ تک تربیتی بنیادوں پرملازمت کی اجازت تھی اور اب اس میں مزید 7ماہ کا اضافہ کیا جارہا ہے، جس پر عمل درآمد کا آغاز 10 مئی 2016 سے ہوگا۔(جاری ہے)
مذکورہ توسیع کا مقصد آجروں کو ہنر مند اور باصلاحیت کارکنوں کی تلاش کے لیے زیادہ سے زیادہ وقت فراہم کرنا ہے۔
اس سے قبل طلبہ کو ایچ-ون بی ویزا کیلئے درخواست دینا ہوتی تھی، جو لاٹری کے ذریعے000 65افراد کو دیا جاتا تھا جس میں 20000ایڈوانس ڈگری کے حامل افراد کیلئے مختص تھا۔یاد رہے کہ ان دونوں امریکا میں امیگریشن اصلاحات، بے روزگاری، مستقل امریکی ملازمین اور غیر ملکی طلبہ کی تنخواہوں کے حوالے سے گرمہ گرم بحث جاری ہے۔متعلقہ عنوان :
مزید بین الاقوامی خبریں
-
اسرائیل کا شام پرراکٹ حملہ،معمولی نقصان کی اطلاع
-
ساحل پرگم ہوجانے والی ہیرے کی انگوٹھی معجزانہ طور پر مل گئی
-
بھیڑوں میں آپس کی لڑائی روکنے کیلئے انوکھا طریقہ متعارف
-
چینی سائنسدانوں نے پھول سے خوبصورت ہیرا بنا لیا
-
چین، 41 ویں وائی فانگ بین الاقوامی پتنگ میلے کا آغاز، آسمان رنگین پتنگوں سے بھر گیا
-
امریکہ میں فائرنگ، 5 طلبا زخمی، ملزم فرار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.