جموں وکشمیر میں عملاًماشل لاء نافذہے بھارتی فوج نے تمام امور اپنے ہاتھ میں لیے ہیں سید علی گیلانی کی علالت پر فکر مندی بزرگ قائد کے ساتھ اہل کشمیر کے والہانہ لگاؤ کا مظہر ہے، حریت کانفرنس
اتوار 13 مارچ 2016 12:40
سرینگر ۔ (اُردو پوائنٹ اخبارتازہ ترین - اے پی پی۔13 مارچ۔2016ء) مقبوضہ کشمیر میں کل جماعتی حریت کانفرنس کی مجلس شوریٰ کا ایک اجلاس سرینگر میں کانفرنس کے معاون جنرل سیکریٹری غلام نبی سمجھی کی صدارت میں منعقد ہوا جس میں تحریکِ آزادی کی تازہ ترین صورتحال کا جائزہ لیاگیا۔ کشمیرمیڈیا سروس کے مطابق اجلاس میں حریت چیئرمین سید علی گیلانی کی علالت پرکشمیریوں کی تشویش اور فکر مندی کو بزرگ قائد کے ساتھ اہل کشمیر کی عقیدت اور والہانہ لگاؤ کا مظہر قرار دیا گیا۔
اجلاس میں لوگوں سے اپیل کی گئی کہ وہ اپنے بے باک قائد کی شفایابی کے لیے اجتماعی اور انفرادی طور پر دعائیں کریں۔اجلاس میں عوام سے اپیل کی گئی کہ وہ ا فواہوں پر کان نہ دھریں اور نظم وضبط اور پورے اخلاص کے ساتھ تحریکِ آزادی کے ساتھ جڑے رہیں اور انتشار کو اپنی صفوں میں جگہ نہ دیں۔(جاری ہے)
اجلاس میں بھارتی فوج کی طرف سے پُرامن مظاہرین کے خلاف سخت کارروائی کرنے کے اعلان کو آمریت قرار دیتے ہوئے کہا گیا کہ فوج کا یہ طرزِ عمل بھارت کے جمہوری دعووٴں کی نفی کرتا ہے۔
اجلاس کے شرکا نے کہا کہ جموں وکشمیر میں عملاً ماشل لاء نافذہے جہاں بھارتی فوج نے تمام امور اپنے ہاتھ میں لیے ہیں۔ انہوں نے کہا کہ ایک طرف کشمیریوں کے حقوق کے لیے بھارت میں سنجیدہ اور دانشور طبقے کی حمایت میں اضافہ ہورہاہے جبکہ دوسری طرف چند شکست خوردہ بھارت نواز کشمیری سیاستدان محض اپنے اقتدار کیلئے کنن پوشپورہ ، شوپیاں ولر اور دیگر سانحات میں ملوث بھارتی فورسز کے اہلکاروں کی پردہ پوشی کر رہے ہیں ۔جلاس میں بھارتی فوج کے جارحانہ اقدامات کے خلاف سفارتی اور سیاسی سطح پر رائے عامہ کو منظم کرنے کے لیے ایک جامع پروگرام پیش کرنے کا فیصلہ کیا گیا۔ اجلاس میں حریت چیئرمین سید علی گیلانی کی شفایابی کے لیے دعا کی گئی اور گزشتہ ہفتے شہید ہونے والے کشمیریوں کو شاندار خراج عقیدت پیش کیا گیا۔ اجلاس میں شبیر احمد شاہ، مسرت عالم بٹ، نعیم احمد خان، ڈاکٹر قاسم فکتو، امیرِ حمزہ شاہ، میر حفیظ اللہ، عبدالغنی بٹ اور دیگر نظربند حریت رہنماؤں کے عزم و ہمت کو خراج تحسین پیش کیا گیا۔متعلقہ عنوان :
مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.