غزہ پر اسرائیلی فضائی حملہ، ایک فلسطینی لڑکا شہید،بہن شدیدزخمی
اسرائیلی لڑاکا طیاروں نے حماس کے عزالدین القسام بریگیڈ کے ایک ٹھکانے کو نشانہ بنایا،فلسطینی وزارت صحت
ہفتہ 12 مارچ 2016 19:37
غزہ (اُردو پوائنٹ اخبارتازہ ترین - این این آئی۔12 مارچ۔2016ء) فلسطینی شہر غزہ پر ہفتے کی صبح اسرائیلی لڑاکا طیاروں کے حملے میں ایک فلسطینی بچہ شہید جبکہ اس کی بہن شدید زخمی ہو گئی۔ عرب ٹی وی کے مطابق اس امر کی تصدیق فلسطینی وزارت صحت نے کی ۔اطلاعات کے مطابق اسرائیلی لڑاکا طیاروں نے شمالی غزہ کی پٹی میں بیت لاھیا میونسپلٹی میں متاثرہ بچوں کے گھر کے قریب اسلامی تحریک مزاحمت (حماس)کے عسکری بازو عزالدین القسام بریگیڈ کے ایک ٹھکانے کو نشانہ بنایا ۔
غزہ میں وزارت صحت کے ترجمان ڈاکٹر اشرف القدرہ نے بتایا کہ حملے میں دس سالہ یاسین سلیمان ابوخوصہ شہید جبکہ اس کی چھ سالہ بہن یاسمین شدید زخمی ہو گئیں۔دونوں بچے اس وقت اسرائیلی بربریت کا شکار ہوئے جب اس کے جنگی طیاروں نے بیت لاھیا میں ایک عسکری اہمیت کے ٹھکانے کو نشانہ بنانا چاہا۔(جاری ہے)
سیکیورٹی ذرائع کے مطابق اسرائیلی لڑاکا طیاروں نے متاثرہ علاقے پر پانچ حملے کئے۔
اس سے قبل اسرائیلی فوج نے اعلان کیا تھا کہ جمعہ کے روز غزہ کی پٹی سے جنوبی اسرائیل پر متعدد میزائل فائر کئے گئے جس سے کسی قسم کا نقصان نہیں ہوا۔ اسرائیلی فوج نے ایک بیان میں بتایا کہ "میزائل حملوں سے کوئی شخص ہلاک یا زخمی نہیں ہوا۔اسرائیلی اعداد وشمار کے مطابق دو ہزار چار غزہ پر اسرائیلی جنگ کے خاتمے کے بعد سے حماس نے غزہ کی پٹی سے اسرائیل پر کم سے کم 30 میزائل داغے ہیں۔ حالیہ چند مہینوں سے ایسے حملوں کی ذمہ داری متعدد مسلح گروپ تسلیم کرتے چلے آ رہے ہیں، تاہم اسرائیل کی ان حملوں کی ذمہ داری اسلامی تحریک مزاحمت حماس کے کاندھوں پر ہی ڈالتا چلا آ رہا ہے۔مزید بین الاقوامی خبریں
-
بھارت ، ڈاکٹر نے اپنی ماں، بیوی اور دوبچوں کو قتل کرکے خودکشی کرلی
-
امریکی صدرنے چین ، جاپان، روس اوربھارت کو زینو فوبیا کا شکار قرار دے دیا
-
امریکا میں فریج سے 4 نومولود بچوں کی لاشیں ملنے کا کیس معمہ بن گیا
-
قطرامریکی دبا ئوپرحماس قیادت کو ملک سے بے دخل کرنے پرتیار
-
اسرائیل اور حماس میں غزہ جنگ بندی پر معاہدہ ہونے کا امکان
-
جرمنی میں مسلمان طلبہ کے زیراثر بڑی تعداد میں عیسائی بچے اسلام قبول کرنے لگے
-
سعودی عرب میں پچھلے سال انٹرنیٹ کے استعمال کا تناسب 99 فی صد تک پہنچ گیا
-
کینیڈا نے ہردیپ سنگھ کے قتل کے الزام میں تین بھارتی شہری گرفتارکرلیے،فرد جرم عائد
-
شمالی غزہ مکمل قحط کا شکار ہو چکا ہے، اقوام متحدہ
-
نیویارک میں ہوٹلز کے کرایے آسمان سے باتیں کرنے لگے
-
اسرائیل نے رفح سے لوگوں کو نکالنے کا منصوبہ امریکہ اورامدادی تنظیموں کو بتا دیا
-
بھارت،ڈاکٹر نے اپنی ماں، بیوی اور دوبچوں کو قتل کرکے خودکشی کرلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.