داعش کی 22 ہزار فائلیں مصدقہ ہیں ‘ جرمنی کااعلان

ہفتہ 12 مارچ 2016 12:33

برلن (اُردو پوائنٹ اخبارتازہ ترین - این این آئی۔12 مارچ۔2016ء) جرمنی نے اعلان کیا ہے کہ داعش کی 22 ہزار فائلیں مصدقہ ہیں، داعش میں برطانیہ اور امریکہ سمیت 51 ممالک کے شہری شامل ہیں۔خلیجی اخبار کی رپورٹ کے مطابق جرمنی کی وفاقی پولیس نے داعش سے متعلق ایسی ہزاروں فائلیں حاصل کر لی ہیں جن کی مدد سے دوسرے ممالک سے تعلق رکھنے والے جنگجوؤں کا سراغ لگایا جاسکتا ہے۔

(جاری ہے)

ان جنگجوؤں کی آبائی ممالک کو واپسی کی صورت میں ان کے خلاف مقدمے چلانے میں بھی ان فائلوں سے مدد لی جاسکتی ہے۔جرمنی کی وفاقی پولیس کا یہ اعلان برطانوی ٹیلی ویژن چینل کی اس رپورٹ کے بعد منظرعام پر آیا جس میں اس نے داعش سے متعلق بائیس ہزار فائلیں حاصل کرنے کی اطلاع دی تھی۔ان میں جنگجوؤں کے اصل نام لکھے ہوئے ہیں ‘ان کے آبائی ممالک کے نام ، ٹیلی فون نمبرز اور انھیں اسپانسر اور بھرتی کرنے والوں کے نام درج ہیں۔جرمن میڈیا ایک رپورٹ میں بتایا تھا کہ انھوں نے داعش سے متعلق دستاویزات کے سینکڑوں صفحات حاصل کر لیے ‘یہ وسیع تر ڈیٹا ہے اور اس میں بائیس ہزار سے زیادہ نام ہیں۔

Facebook Twitter Google + Share on Whatsapp

داعش کی 22 ہزار فائلیں مصدقہ ہیں ‘ جرمنی کااعلان

متعلقہ عنوان :

مزید بین الاقوامی خبریں