وزیراعلیٰ کی زیر صدارت اجلاس، عوام کو بہترین خدمات کی فراہمی کیلئے مختلف تجاویز کا جائزہ لیا گیا
عوام کو ہرسطح پر بہترین خدمات کی فراہمی کیلئے بنیادی اصلاحات متعارف کرائی جا رہی ہیں،وسائل کے درست اور بروقت استعمال کے لئے بھی انفارمیشن ٹیکنالوجی کے ذریعے جدت لانا ہو گی،ماہرین معاشیات کی سفارشات کی روشنی میں پالیسی گائیڈ لائن کی تیاری میں مدد ملے گی،وزیر اعلیٰ شہباز شریف کا اجلاس سے خطاب
جمعرات 10 مارچ 2016 22:16
لاہور(اُردو پوائنٹ اخبارتازہ ترین - آئی این پی۔10 مارچ۔2016ء) وزیراعلیٰ پنجاب محمد شہباز شریف کی زیر صدارت اعلیٰ سطح کا اجلاس منعقد ہواجس میں صوبے کے عوام کو بہترین خدمات کی فراہمی، سرکاری محکموں کی استعداد کار میں اضافے اور سماجی شعبوں کی بہتری کے حوالے سے متعدد تجاویز کا تفصیلی جائزہ لیا گیا-اجلاس کے دوران ملکی و غیر ملکی ماہرین معاشیات کی سماجی شعبوں کی بہتری ، وسائل میں اضافے ، ٹیکس نظام کو بہتر بنانے اور عوام کو اچھی خدمات کی فراہمی کے حوالے سے مختلف ریسرچ پر تبادلہ خیال بھی ہوا-وزیر اعلی محمد شہباز شریف نے اجلاس سے خطاب کرتے ہوئے کہا کہ صوبے کے عوام کو ہرسطح پر بہترین خدمات کی فراہمی کے لئے کئی بنیادی اصلاحات متعارف کرائی جا رہی ہیں - تعلیم اور صحت کے شعبوں میں عوام کو زیادہ سے زیادہ سہولتیں فراہم کرنے کے لئے کوشاں ہیں - انہوں نے کہا کہ معیاری تعلیم ہربچے کا حق ہے اور پنجاب حکومت فروغ تعلیم پر اربوں روپے کے وسائل صرف کر رہی ہے - پنجاب ایجوکیشنل انڈوومنٹ فنڈ کے ذریعے مستحق اور ذہین طلباء و طالبات کو اعلی تعلیمی اداروں میں حصول تعلیم کے لئے سکالرشپ دیئے جا رہے ہیں- انہوں نے کہا کہ صوبے میں ای گورننس کے فروغ کے لئے متعدد اقدامات کئے گئے ہیں- انفارمیشن ٹیکنالوجی سے استفادہ کر کے نہ صرف عوام کو اچھی خدمات کی فراہمی یقینی بنائی جا سکتی ہے بلکہ سرکاری اداروں کی کارکردگی میں بھی اضافہ کیا جا سکتا ہے - پنجاب حکومت نے انفارمیشن ٹیکنالوجی کے فروغ کے لئے متعدد اقدامات کئے ہیں اور مختلف محکموں میں انفارمیشن ٹیکنالوجی کو فروغ دیا گیا ہے - وزیر اعلی نے کہا کہ عوام کو بہترین خدمات کی فراہمی، وسائل کے درست اور بروقت استعمال کے لئے بھی انفارمیشن ٹیکنالوجی کے ذریعے جدت لانا ہو گی اور ماہرین معاشیات کی جانب سے پیش کی جانے والی سفارشات کی روشنی میں پالیسی گائیڈ لائن کی تیاری میں مدد ملے گی- صوبائی وزراء عائشہ غوث پاشا، راجہ اشفاق سرور، چوہدری محمد شفیق ، مشیر ڈاکٹر اعجاز نبی،رکن صوبائی اسمبلی مخدوم ہاشم جوان بخت، متعلقہ سیکرٹریز، اعلی حکام اور ملکی و غیر ملکی ماہرین معاشیات نے اجلاس میں شرکت کی-
متعلقہ عنوان :
مزید اہم خبریں
-
وزیر صحت خواجہ سلمان رفیق کی زیر صدارت فاطمہ جناح میڈیکل یونیورسٹی کا 36 واں سینڈیکیٹ اجلاس
-
چین کے لیے جاسوسی کا الزام، یورپی پارلیمنٹ میں جرمن عملے کا رکن گرفتار
-
صدر مملکت آصف علی زرداری سے پاکستان نیشنل ہارٹ ایسوسی ایشن (پناہ) کے وفد کی ملاقات
-
قوموں کی برادری میں نمایاں مقام حاصل کرنے کے لئے علم اور ہنر،سائنس اور ٹیکنالوجی پر خصوصی توجہ دینا وقت کی اہم ضرورت ہے،ایران کے صدر ابراہیم رئیسی کا جی سی یو میں خطاب
-
مارچ کے مہینے میں ملک میں غیر ملکی سرمایہ کاری 25 کروڑ 80 لاکھ ڈالر تک پہنچ گئی
-
بانی پی ٹی آئی اس ماہ کے آخر تک جیل سے باہر آجائیں گے،اسد قیصر
-
یونیسیف کے نمائندے کی وزیر تعلیم سے ملاقات ،تعلیمی شعبے میں یونیسیف کی خدمات کا اعتراف
-
صدرمملکت سے ایئر ایشیا ایوی ایشن گروپ کے وفد کی ملاقات ، مختلف امورپر غور
-
سعودی عرب جلد پاکستان میں 5 ارب ڈالر کی سرمایہ کاری کریگا ،احسن اقبال
-
سوئی سدرن گیس کے ہزاروں ملازمین کو ریگولرائز کرنے سے متعلق درخواستیں مسترد
-
اڈیالہ جیل والے صاحب کے دور میں پاکستان تنہائی کا شکار تھا، اب وہ معاملہ ختم ہو چکا، خارجہ پالیسی کے خلاف باتیں کرنے والے ماضی کا قصہ بن چکے ہیں، وفاقی وزیر اطلاعات عطاءاللہ تارڑ کی پریس کانفرنس
-
دیگر ممالک کے ساتھ فضائی روابط کو فروغ دینے کی ضرورت ہے، عوامی روابط بڑھا کر سیاحتی شعبے کی صلاحیت سے بھرپور استفادہ کیا جا سکتا ہے، صدر آصف علی زرداری کی وفد سے گفتگو
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.