پرائیویٹ سکولز فیڈریشن نے گورنر کی طرف سے مذاکرات کی دعوت کے بعد غیر معینہ مدت کیلئے ہڑتال کا فیصلہ ایک ہفتے کیلئے موخر کردیا
بدھ 9 مارچ 2016 16:51
لاہور( اُردو پوائنٹ اخبارتازہ ترین - این این آئی۔09 مارچ۔2016ء) آل پاکستان پرائیویٹ سکولز فیڈریشن نے گورنر پنجاب کی طرف سے مذاکرات کی دعوت کے بعد غیر معینہ مدت کیلئے ہڑتال کا فیصلہ ایک ہفتے کیلئے موخر کرتے ہوئے کہا ہے کہ آج سے سکول دوبارہ کھولیں گے اوراگر ہمارے مطالبات تسلیم نہ کئے گئے تو ہڑتال کا فیصلہ اٹل ہے ،امید ہے گورنر اور وزیر اعلیٰ پنجاب ہماری دادرسی کریں گے اوراگر ایسا نہ ہوا تو امتحانات کے بعد تعلیمی اداروں کو تالے لگا کر چابیاں حکومت کے حوالے کر دیں گے ،فیسوں کیلئے نہیں بلکہ متنازعہ ایکٹ کے خلاف احتجاج کر رہے ہیں۔
فیڈریشن کے اجلاس کے بعد صدر مرزا کاشف بیگ نے پریس کانفرنس کرتے ہوئے کہا کہ گورنر پنجاب نے مذاکرات کی دعوت دی ہے جس کا احترام کرتے ہیں ۔(جاری ہے)
ہم اپنے آئینی حق کے لئے احتجاج کر رہے ہیں اور اپنے اصولی موقف سے کسی صور ت پیچھے نہیں ہٹیں گے۔انہوں نے کہا کہ ہمارے تحفظات پر کمیٹی بنائی گئی لیکن اس کی سفارشات کے بغیر ہی آرڈیننس کو ایکٹ میں تبدیل کردیا گیا ۔
ہم حکومت سے چھ ماہ سے مذاکرات کر رہے ہیں لیکن ہم گورنر پنجاب سے با مقصد مذاکرات چاہتے ہیں ۔ اس سلسلہ میں ایجنڈا طے کیا ہے اور اسے گورنر پنجاب کو مذاکرات میں پیش کیا جائے گا اور ہم یقین رکھتے ہیں کہ ہماری داد رسی ہو گی ۔انہوں نے کہا کہ وزیر تعلیم رانا مشہود نے کہا ہے کہ یہ معاملہ اب میرے بس سے باہر ہے اور وزیر اعلیٰ ہی اس پر کوئی حکم صادر کر سکتے ہیں اس لئے ہم وزیر اعلیٰ سے بھی اپیل کرتے ہیں کہ ہمارے تحفظات کو سنیں اور ہماری دادرسی کریں ۔ انہوں نے کہا کہ ہم حکومت کی رٹ کو چیلنج نہیں کر رہے بلکہ ہم اپنا احتجاج ریکارڈ کرا رہے ہیں۔ والدین اپنے بچوں کو اچھی تعلیم دلانا چاہتے ہیں اگر ایسا نہ ہوتا تو وہ اپنے بچوں کو سرکاری سکولوں میں مفت تعلیم دلوانے کو ترجیح دیتے ۔ اگر حکومت کو والدین کا اتنا ہی درد ہے تو پرائیویٹ سکولوں پر عائد پچیس ٹیکسز واپس لینے کا اعلان کرے ۔ ہم فیسوں میں اضافے کیلئے نہیں بلکہ متنازعہ ایکٹ کے خلاف احتجاج کر رہے ہیں اور یہ ہمارا آئینی حق ہے ۔ مرزا کاشف بیگ نے کہا کہ گورنر پنجاب صوبے کے آئینی سربراہ ہیں اور وہ حکومت کو حکم دے سکتے ہیں۔ گورنر پنجاب کی طرف سے مذاکرات کی دعوت کا احترام کرتے ہوئے ہم نے غیر معینہ مدت کیلئے ہڑتال کے فیصلہ کو ایک ہفتے تک موخر کر دیا ہے ۔ ہم کھلے دل سے مذاکرات میں شریک ہوں گے لیکن ہماری داد رسی نہ ہوئی تو غیر معینہ مدت کے لئے ہڑتال شروع کر دیں گے تب تک بچوں کے امتحانات بھی ہو چکے ہوں گے اور اس کے بعد تعلیمی اداروں کو تالے لگا کر چابیاں حکومت کے حوالے کر دیں گے۔ مرزا کاشف بیگ نے ایک سوال کے جواب میں کہا کہ پنجاب میں 70ہزار نجی تعلیمی ادارے ہیں ، ہماری دو روزہ ہڑتال سے بچوں کے امتحانات پر کوئی حرج نہیں ہوا ۔ہم بھی بچوں کے مستقبل کو داؤ پر نہیں لگانا چاہتے اس لئے امتحانات کو متاثر ہونے سے بچانے کے لئے ہڑتال کوایک ہفتے کے لئے موخر کیا ہے۔ ہم اپنے اصولی موقف سے پیچھے نہیں ہٹ رہے اور اب گیند حکومت کی کورٹ میں ہے کہ وہ کیا فیصلہ کرتی ہے ۔مزید اہم خبریں
-
پنجاب حکومت کا خصوصی افراد کیلئے ”ہمت کارڈ“ اور”نگہبان کارڈ“جاری کرنے کافیصلہ
-
بشریٰ بی بی کی بنی گالہ سے اڈیالہ جیل منتقلی کی درخواست دوبارہ بحال
-
جنرل (ر) فیض حمید کیخلاف انکوائری، نجی ہاؤسنگ سوسائٹی معاملے پر کمیٹی بنادی گئی
-
ٹیکس نیٹ بڑھانے اورحکومتی ملکیتی اداروں کی نجکاری کویقینی بنائیں گے
-
دبئی میں مقیم پاکستانیوں کے لیے پاکستان قونصل خانہ دبئی کا بڑا اعلان
-
ترقی پذیر ممالک میں توانائی کی منتقلی کو تیز کرنے کے لئے فنانسنگ اور سرمایہ کاری کو متحرک کرنے کے لئے بین الاقوامی تعاون کو بڑھایا جانا چاہئے، پاکستانی سفیر برائے متحدہ عرب امارات
-
کمیشن نے مجھ سے بالکل نہیں پوچھا کہ دھرنے کے پیچھے فیض حمید تھے یا نہیں؟
-
وزیر خارجہ محمد اسحاق ڈار کو جمہوریہ چیک کے وزیر خارجہ کا ٹیلی فون، باہمی دلچسپی کے علاقائی اور عالمی امور پر روابط اور بات چیت کو بڑھانے پر اتفاق
-
موسم گرما کی مناسبت سے اسکولوں کے نئے اوقات کار کا اعلان
-
نوازشریف، آصف زرداری اورعمران خان اگرمل بیٹھیں تو مسائل حل ہوسکتے ہیں
-
خلیجی ممالک میں ریکارڈ توڑ بارشوں کا باعث بننے والے سسٹم نے بلوچستان پہنچ کر تباہی مچا دی
-
شاہد خاقان عباسی اچھے آدمی ہیں،انہیں پارٹی میں بیٹھ کر اپنی بات کرنی چاہیئے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.