ملکی حالات خراب ہونے کی وجہ سے آج پاکستانی دنیا میں اپنا تعارف کروانے سے شرماتے ہیں،گھر کے حالات خراب ہوں تو باہربھی عزت نہیں ہوتی، سیاستدان جمہوریت کا چرچا کرتے ہیں مگر جمہوریت کے ثمرات عوام کو نہیں پہنچاتے،معاشرے کی تعمیرمیں خواتین کا بنیادی کردار ہے،اپنے دور حکومت میں خواتین کے حقوق کے لئے تاریخی کام کئے
آل پاکستان مسلم لیگ کے چیئرمین پرویز مشرف کا اے پی ایم ایل شعبہ خواتین کے ورکرز کنونشن سے خطاب
منگل 8 مارچ 2016 22:15
اسلام آباد(اُردو پوائنٹ اخبارتازہ ترین - آئی این پی۔08 مارچ۔2016ء) آل پاکستان مسلم لیگ کے چیئرمین جنرل(ر)پرویز مشرف نے کہا ہے کہ ملکی حالات خراب ہونے کی وجہ سے آج پاکستانی دنیا میں اپنا تعارف کروانے سے شرماتے ہیں،گھر کے حالات خراب ہوں تو باہربھی عزت نہیں ہوتی، سیاستدان جمہوریت کا چرچا کرتے ہیں مگر جمہوریت کے ثمرات عوام کو نہیں پہنچاتے،معاشرے کی تعمیرمیں خواتین کا بنیادی کردار ہے،اپنے دور حکومت میں خواتین کے حقوق کے لئے تاریخی کام کئے۔
وہ منگل کو خواتین کے عالمی دن کے موقع پر آل پاکستان مسلم لیگ شعبہ خواتین کے ورکرز کنونشن سے خطاب کر رہے تھے ۔ جوپارٹی کے مرکزی دفتر میں پارٹی کے شعبہء خواتین کے زیراہتمام منعقد کیاگیا۔ورکرز کنونشن میں ملک بھر سے پارٹی کی خواتین کارکنان نے بڑی تعداد میں شرکت کی۔(جاری ہے)
اس موقع پر پارٹی سیکرٹری جنرل ڈاکٹر محمد امجد،مہرین ملک آدم، فاطمہ سکندر ملہی، صام علی دادا، سنیٹرگلشن سعید، ڈاکٹر فرحت، سعیدہ خٹک، تقدیرہ اجمل، سیدہ فردوس،سبین ترین اورسیدہ یثرب جعفری کے علاوہ دیگر نے بھی خطاب کیا۔
پارٹی سربراہ جنرل(ر)پرویز مشرف نے کہا کہ خواتین کے عالمی دن کے موقع پرپارٹی کی خواتین کے اتنے بڑے اجتماع سے ظاہر ہوتا ہے کہ آل پاکستان مسلم لیگ خواتین کو نمایاں مقام دیتی ہے۔ انہوں نے اپنے دور میں خواتین کے حقوق کے لئے تاریخی کام کروائے اور پوری کوشش کی کہ خواتین کو ان کی عزت اور مقام مل سکے۔اس مقصد کے لئے اسمبلیوں ، سینیٹ اور مقامی حکومتوں میں خصوصی نشستیں ،ان کے تحفظ کے لئے قوانین میں ترامیم اور انہیں معاشی اور سیاسی طور پر بااختیار بنانے جیسے اقدامات کئے گئے۔انہوں نے کہا کہ خواتین کو ہر جگہ نمائندگی دی گئی تا کہ وہ بڑے سے بڑے پلیٹ فارم پر اپنے حقوق کے لئے آواز بلند کرسکیں۔انہوں نے مزید کہا کہ 2008جبکہ انہوں نے اقتدار چھوڑا تھا،تب اور اب کے پاکستان میں بہت فرق آ چکا ہے۔اس وقت دنیا بھر میں پاکستان اور پاکستانیوں کی عزت تھی مگر آج بیرون ملک پاکستانی اپنا تعارف کروانے سے شرماتے ہیں۔انہوں نے کہا کہ یہ اس وجہ سے ہے کہ پاکستان کے اندرونی حالات خراب ہیں۔جب اندر کے حالات خراب ہوں تو باہر بھی عزت نہیں ہوتی۔آج ملک میں مہنگائی،غربت،بے روزگاری ہے۔ بجلی،گیس،پٹرول جیسی چیزوں کی قلت ہے۔حکمران جمہوریت کا چرچا کرتے ہیں مگر جمہوریت کے ثمرات عوام کو نہیں پہنچاتے۔انہوں نے کہا کہ جمہوریت ایک نظام حکومت ہے اور اس نظام حکومت سے ملکی حالات تبدیل ہوں گے مگر اس کے لئے ہم سب کو مل کر کام کرنا ہوگا۔انہوں نے پارٹی کارکنان کو ہدایت کی کہ آپس کے اختلافات ختم کر کے پارٹی کو ایک نئی سیاسی قوت کے طور پر سامنے لائین۔انہوں نے کہا کہ آل پاکستان مسلم لیگ کی شروعات تسلی بخش ہیں اور آج کے کنونشن سے ظاہر ہوتا ہے کہ پارٹی بہت جلد ترقی کرے گی۔انہوں پارٹی سیکرٹری جنرل داکٹر محمد امجد، اور دیگر انتظامیہ کا شکریہ بھی ادا کیا۔اس موقع پر ڈاکٹر محمد امجد نے اپنے خطاب میں کہا کہ اے پی ایم ایل واحد جماعت ہے جس نے آج کے دن کی مناسبت سے اتنا بڑا پروگرام منعقدکیاہے۔انہوں نے کہا کہ اے پی ایم ایل نے ہمیشہ خواتین کے حقوق کے لئے نہ صرف آواز اٹھائی ہے بلکہ عملی اقدامات بھی کئے ہیں۔ہمارے پارٹی سربراہ جنرل(ر)پرویز مشرف کے دور میں خواتین کے حقوق کے لئے تاریخی کام کئے گئے۔اس کے بعد بھی پرویز مشرف فاؤنڈیشن اور شلٹر کے زیرانتظام ملک بھر میں رفاعی سینٹر کام کررہے ہیں جہاں خواتین مختلف کورسز کر کے معاشی طور پر مستحکم ہورہی ہیں۔انہوں نے کہا کہ اس کنونشن میں پاکستان کے چاروں صوبوں اور آزاد کشمیر سے بڑی تعداد میں خواتین آئی ہیں جو بہت بڑی کامیابی ہے۔ اس موقع پر پرویز مشرف فاؤنڈیشن اور شلٹر کے زیرانتظام چلنے والے رفاعی سینٹرز کی طالبات، اساتذہ اور کوآرڈینیٹرز کو تعریفی اسناد اور شیلڈز سے بھی نوازا گیا۔متعلقہ عنوان :
مزید قومی خبریں
-
ایرانی صدر کی کراچی آمد،سکیورٹی ڈویژن کے 800سے زائد اہلکارتعینات
-
ایبٹ آباد میں پروٹیکٹوریٹ آف امیگرینٹس کا دفتر جون 2024ء سے اپنا کام شروع کر دے گا، اعظم نذیرتارڑ
-
وفاقی حکومت کی طرف سے منڈا، داسو اور دیامر بھاشا ڈیموں کے منصوبوں کی تعمیر پر کام جاری ہے، یہ بروقت مکمل ہونگے، اعظم نذیر تارڑ
-
ای بائیکس پورٹل کے ذریعے 1 لاکھ سے زائد طلبہ نے رجسٹریشن کروالی
-
پتوکی،مسلح ملزمان 22سالہ لڑکی کو اسلحہ کے زور پر اغوا کرکے فرار
-
سعد رفیق کا اپنی پرانی تقریر ایڈٹ کرکے جاری کرنے پر قانونی کارروائی کا اعلان
-
راولپنڈی ،چوری کی وارداتوں میں مطلوب دو ملزمان گرفتار
-
وزیراعلیٰ پنجاب نے صوبائی انفورسمنٹ اتھارٹی کے قیام کی منظوری دیدی
-
پاکستان چھوڑنے والے غیرقانونی افغانیوں کی تعداد 5لاکھ 42ہزار سے متجاوز
-
ایران سے سالانہ بنیادوں پر درآمدات میں 25فیصد کا بڑا اضافہ
-
لاہور : بارش سے بجلی کا ترسیلی نظام متاثر، 46 سے زائد فیڈر ٹرپ کر گئے
-
صوبائی وزیر صحت کی زیر صدارت فاطمہ جناح میڈیکل یونیورسٹی کا سینڈیکیٹ اجلاس
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.