ہواوے نے عاطف اسلم کو برانڈ ایمبسیڈر مقرر کردیا

اسلام آباد(اُردو پوائنٹ اخبارتازہ ترین - آئی این پی۔08 مارچ۔2016ء) دنیا میں ٹیلی کمیو نیکیشنز ٹیکنالوجی اور الیکٹرانکس کی سرکردہ انٹر پرائز ہواوے نے پاکستان میں اپنی تشہیری مہم کیلئے معروف گلوکار اور پاپ آئیکون عاطف اسلم کو اپنا نیا برانڈ ایمبسیڈر مقرر کردیا ہے۔برانڈ ایمبسیڈر مقرر کئے جانے کے بعد عاطف اسلم کی جانب سے ہواوے کی پہلی ڈیوائس ہواوے Honor 5انڈورس کردی گئی ہے ۔

یہ ڈیوائس مکمل طور پر میٹل باڈی پر مبنی اور فنگر پرنٹ اسکینگ ٹیکنالوجی سے لیس ہے ۔ہواوے Honor 5X, کے نئے ٹی وی کمرشل میں عاطف اسلم موجود ہونگے اور یہ کمرشل حال ہی میں دبئی میں فلمایا گیا ہے ۔اس نئے ٹی وی کمرشل کے کلپس ابھی سے سوشل میڈیا پر وائس کی طرح پھیل گئے ہیں اور امید ہے کہ اس کمرشل اور اس میں دکھائی جانے والی ڈیوائس سے عاطف اسلم کے فین یقینی طور پر متاثرہونگے۔

(جاری ہے)

ماضی میں بھی پاکستان میں ہواوے کے فین ہواوے کے سابقہ ایمبسیڈر کو پسندیدگی کی سند دے چکے ہیں جن میں مائرہ خان اور حمیمہ ملک شامل ہیں جبکہ پرکشش سائرہ یوسف ،شہروز اور شہر یار منور ابھی بھی ہواوے کے برانڈ ایمبسیڈر کے طور پر سامنے آرہے ہیں۔عاطف اسلم کا شمار ملک کے معروف ترین پاپ اسٹار میں ہوتا ہے ،انہوں نے پاپ بینڈ جل سے اپنے کیریئر کا آغاز کیا اور دیکھتے ہی دیکھتے شہرت کی بلندیوں کو چھو لیا جبکہ فلم بول میں انہوں نے گلوکاری کے ساتھ ساتھ اداکاری کے جوہر بھی دکھائے اور اس کے بعد پیچھے مڑ کر نہیں دیکھا۔

عاطف اسلم بھارتی فلم انڈسٹری میں بھی گلوکار و موسیقار کی حیثیت سے اپنی پہچان رکھتے ہیں۔ہواوے Honor 5Xایک تخلیقاتی،ہائی پرفارمنس اور اسمارٹ ڈیوائس ہے،یہ ڈیوائس2GB of RAM ،مائیکرو سی ڈی سپورٹ،16 GB کی انٹرنل میموری سے مزین ہے ،یہ 1.5 GHz Quad-Core Cortex, پر چلتی ہے جس کو اس کی 3000 mAhکی نان ری مووبل بیٹری مکمل طاقت فراہم کرتی ہے،اس کی دیگر خصوصیات میں اس کا5میگا پکسل کا فرنٹ شوٹر کیمرہ ،dualسم اور مائیکرو سم/نینو سم سپورٹ شامل ہیں۔