حکومت کوان قوتوں کے خلاف ٹھوس اقدامات اٹھانے ہوں گے جوامن عمل کو سبوتاژ کرناچاہتی ہیں،غلام بلور
جب بھی پاک افغان باہمی تعاون ،امن کی بات آتی ہے ، تو دہشت گردی کے واقعات شروع ہوجاتے ہیں،سردارحسین بابک
منگل 8 مارچ 2016 20:06
پشاور(اُردو پوائنٹ اخبارتازہ ترین - این این آئی۔08 مارچ۔2016ء) عوامی نیشنل پارٹی کے مرکزی سینئر ناٗب صدر اور ممبر قومی اسمبلی حاجی غلام احمد بلور اور صوبائی جنرل سیکرٹری سردارحسین بابک نے دیگر رہنماوں کے ہمراہ چارسدہ کا دورہ کیا جہاں انہوں نے تحصیل کورٹس شبقدر میں جائے وقوعہ کا معائنہ اور وکلاہ رہنماوں سے تعزیت اور مختلف شہداء کے گھروں جاکر غم زدہ خاندان سے اظہار ہمدردی اور تعزیت کی اس موقع پر حاجی غلام احمد بلور نے کہا کہ پاکستان اور افغانستان مشترکہ طور پر ان قوتوں کے خلاف ٹھوس اقدامات اٹھائیں جو قوتیں امن کے عمل کو سبوتاژ کرناچاہتی ہیں،دونوں ممالک کا امن ایک دوسرے سے جڑا ہواہے،دونوں کو آپس میں بیٹھ کر بداعتمادی کی فضاء جلد ازجلد ختم کرنے کی سنجیدہ کوشش کرنی چاہئے،انہوں نے کہا کہ باچاخان یونیورسٹی کے بعد شبقدر کچہری پرخودکش حملہ اور افغانستان میں اس قسم کے پیش آنے والے واقعات کا ایک ہی مقصد ہے کہ کچھ قوتیں دونوں ممالک میں امن کے قیام کے خلاف ہیں،اور جاری امن عمل کوناکام بنانے کی کوشش کررہی ہیں، انہوں نے کہا کہ اگر اب بھی حالات کی نزاکت کوسنجیدہ نہیں لیا گیا تو اس سے دونوں ممالک کو بہت بڑا نقصان پہنچ سکتاہے،انہوں نے کہا کہ دونوں اطراف کچھ قوتیں ایسی موجود ہیں جوامن عمل کی راہ میں رکاوٹ ڈال رہی ہیں،اور نہیں چاہتی کہ پاک افغان تعلقات مضبوط ہوں کیوں ان جنگ پرست قوتوں نے ہمیشہ امن کے قیام اور مزاکرات ناکام بنانے کی کوشش کی ہیں،انہوں نے کہا کہ عجیب بات یہ ہے کہ جب بھی دونوں ممالک کے مابین باہمی تعاون،اعتماد اور امن عمل کی بات آتی ہے ، تودونوں جانب دہشت گردی کے واقعات شروع ہوجاتے ہیں، جس کا واحد مقصد دونوں پڑوسی ممالک کے مابین بداعتمادی پیدا کرنا ہے انہوں نے کہا کہ مستقل قیام امن کے لیے صرف حکومتوں کو نہیں بلکہ تمام متعلقہ اداروں اور دونوں ممالک کے عوام کو مل کرکام کرنا ہوگا۔
متعلقہ عنوان :
مزید اہم خبریں
-
وزیر اعظم کے دورہ سعودی عرب کا امکان
-
بحیرہ احمر میں جبوتی کے ساحل کے قریب 77 افراد کو لے جانے والی کشتی الٹ گئی 23 افراد ہلاک جبکہ21 لاپتہ ہیں.اقوام متحدہ
-
ایرانی صدر ابراہیم رئیسی کے دورہ پاکستان کے دوران پاک ایران گیس پائپ لائن کا تذکرہ سامنے نہیں آسکا
-
نواز شریف نے قمر باجوہ کو مدت ملازمت میں دوسری توسیع کی یقین دہانی کرائی تھی
-
حکومت کے معاشی اشاریوں میں بہتری کے دعوﺅں میں کتنی حقیقت ہے؟ماہانہ اعداد و شمار کو بنیاد بناکرنہیں کہا جا سکتا کہ بہتری آچکی ہے.معاشی ماہرین
-
صدر زرداری سے ائیر ایشیا ایوی ایشن گروپ کی ملاقات
-
عدالت نے علیمہ خان کی عبوری ضمانت کی درخواست منظور کرلی
-
سعودیہ سے دیر آنے والی خاتون 22 سالہ نوجوان کے ساتھ لاپتا، تلاش شروع
-
ایرانی صدر کا دورہ کراچی، (کل) صبح 8 بجے تک موبائل سروس معطل رہے گی
-
کم سے کم اجرت 32000 ہے ، عمل نہ کرنے والے اداروں کے خلاف کارروائی کی جائیگی ، وزیرخزانہ
-
مجھے مسلم لیگ ن سے کیوں نکالا گیا؟ اس کی وجہ شہباز شریف پسند نہیں کرتے تھے
-
اٹک ریفائنری بند ہونے کے دہانے پر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.