عمران خان شریف فیملی کے خلاف بینک ڈیفالٹ کے ثبوت سامنے لے آئیں تو ہم ہر سزا کے لئے تیار ہیں ، پرویز مشرف بھی شریف فیملی کے خلاف کرپشن کے کوئی ثبوت سامنے نہیں لا سکے ، شریف فیملی نے کسی بینک کے ساتھ کوئی ڈیفالٹ نہیں کیا ، وزیراعظم نے احتساب کے عمل میں رکاوٹ نہیں ڈالی جس نے بھی کرپشن کی ہو اس کا احتساب ہونا چاہیئے ، ریاست کو پرویز مشرف کا بھی احتساب کرنا چاہیئے ، سیاسی انتقام کے باعث ملک میں ہمارے کاروبار بند پڑے ہیں ، رائیونڈ فارم ہاؤس ہمارا ڈکلیئر اثاثہ ہے، ہم نے پرویز مشرف کو معاف کردیا ،ملک کو نقصان پہنچانے والوں کو معاف کرنے کا اختیار ہمارے پاس نہیں ،وزیراعظم کے صاحبزادے حسین نوازکا نجی ٹی وی کوانٹرویو
منگل 8 مارچ 2016 00:12
اسلام آباد(اُردو پوائنٹ اخبارتازہ ترین - آئی این پی۔ 7مارچ۔2016ء) وزیراعظم نوازشریف کے صاحبزادے حسین نواز نے پاکستان تحریک انصاف کے سربراہ عمران خان کو چیلنج کرتے ہوئے کہا ہے کہ وہ شریف فیملی کے خلاف بینک ڈیفالٹ کے ثبوت سامنے لے آئیں تو ہم ہر سزا کے لئے تیار ہیں ، پرویز مشرف بھی شریف فیملی کے خلاف کرپشن کے کوئی ثبوت سامنے نہیں لا سکے ، شریف فیملی نے کسی بینک کے ساتھ کوئی ڈیفالٹ نہیں کیا ، وزیراعظم نواز شریف نے احتساب کے عمل میں رکاوٹ نہیں ڈالی جس نے بھی کرپشن کی ہو اس کا احتساب ہونا چاہیئے ، ریاست کو پرویز مشرف کا بھی احتساب کرنا چاہیئے ، سیاسی انتقام کے باعث ملک میں ہمارے کاروبار بند پڑے ہیں ، رائیونڈ فارم ہاؤس ہمارا ڈکلیئر اثاثہ ہے ۔
پیر کونجی ٹی وی کو دےئے گئے انٹرویو میں حسین نواز نے کہا کہ میں عمران خان کو چیلنج کرتا ہوں کہ وہ 6ارب بینک ڈیفالٹ کے ثبوت سامنے لے آئیں یا اس بینک کا نام بتائیں جسے ہم نے ڈیفالٹ کیا ہو ۔(جاری ہے)
عمران خان ثبوت سامنے لے آئیں تو ہم ہر سزا کے لئے تیار ہیں ۔ شریف فیملی نے کبھی بھی کسی بینک سے کوئی ڈیفالٹ نہیں کیا ۔ ایک سوال کے جواب میں انہوں نے کہا کہ حسن نواز لندن میں کاروبار کر رہے ہیں اور وہ وہاں پرانی جائیدادیں ری فرنش کر کے منافع میں فروخت کرتے ہیں ۔
انہوں نے کہا کہ عمران خان کی شریف فیملی کے خلاف تمام الزامات بے بنیاد ہیں ۔ ہم تحریک انصاف کے سربراہ کے خلاف کس کس بات پر عدالت جائیں ۔ حسین نواز نے کہا کہ ہم نے کبھی بھی اپنے ذرائع آمدن نہیں چھپائے ۔لندن میں پارک لین اپارٹسمنٹس ہماری ملکیت ہیں ۔آج کل کے دور میں کوئی بھی چیز چھپائی نہیں جا سکتی۔ آج کل کے جدید دور میں چیزیں ایک منٹ میں سامنے آ جاتی ہیں ، ایک سوال کے جواب میں انہوں نے کہا کہ اگر کوئی ملک یا بیرون ملک میں کوئی کام یا سرمایہ کاری کرے تو عمران خان اس پر بھی تنقید کرتے ہیں ۔ انہوں نے کہا کہ میرے اور حسن نواز سمیت ہماری حکومت پر کوئی کرپشن کا الزام سامنے نہیں آیا ۔ سابق صدر پرویز مشرف نے بغیر کسی الزام کے 14ماہ مجھے جیل میں رکھا مگر بعد میں خود تسلیم کیا کہ شریف فیملی کے خلاف کوئی کرپشن کا ثبوت نہیں ملا۔ ایک سوال کے جواب میں وزیراعظم کے صاحبزادے نے کہا کہ سیاسی انتقام کے باعث اتفاق فاؤنڈری اور حدیبیہ پیپر سمیت ہمارے کئی کاروبار بند پڑے ہیں جنہیں دیکھ کر ہمارا دل خون کے آنسو روتا ہے ۔ انہوں نے کہا کہ ریاست کو پرویز مشرف کا ٹرائل کرنا چاہیئے ۔ انہوں نے کہا کہ رائیونڈ فارم ہاؤس ہم نے دو سے تین لاکھ ایکٹر میں خریداتھا اور بعد میں اس پر تعمیرات کیں ۔ رائیونڈ فارم ہاؤس ہماری ڈکلیئر اثاثہ ہے ۔ انہوں نے کہا کہ ملک میں ایک شوگر مل کی شریف فیملی مشترکہ مالک ہے جبکہ ایک شوگر مل شہباز شریف کی ملکیت ہے ۔ایک سوال کے جواب میں انہوں نے کہا کہ ہم نے پرویز مشرف کو معاف کردیا ہے تاہم ملک کو نقصان پہنچانے والوں کو معاف کرنے کا اختیار ہمارے پاس نہیں ۔ ایک اور سوال کے جواب میں انہوں نے کہا کہ شریف فیملی کی جلاوطنی کے دوران مسلم لیگ ن کی سربراہی کے لئے مجید نظامی مرحوم ایک شخصیت کا نام لے کر آئے تھے تا ہم اس نا م کے بارے میں مجھے کوئی کچھ معلوم نہیں ۔ انہوں نے کہا کہ جدہ میں ہمیں شدید مالی مشکلات کا سامنا کرنا پڑا،ہمیں قرض فراہم کرنے والے غیر معروف لوگ تھے،کسی مشہور بھارتی بزنس مین نے قرضہ نہیں دیا، حسین نوازنے کہا کہ جب شریف خاندان جاتی امرا آیا تو ہمارے پاس کچھ نہیں تھا،وزیراعظم نے احتساب کے عمل میں رکاوٹ نہیں ڈالی،انہوں نے کہا کہ کرپشن جہاں بھی ہو احتساب ہونا چاہیئے،ریاست کو پرویز مشرف کا بھی احتساب کرنا چاہیئے،لندن میں فلیٹ اور آف شور کمپنیاں ہیں،جب ہمیں جدہ بھیجا گیا تو ہمارے پاس سرمایہ نہیں تھا،جدہ میں ہمیں شدید مالی مشکلات کا سامنا کرنا پڑا،میاں شریف جاتی امرا آئے تو خالی ہاتھ تھے۔مزید اہم خبریں
-
مودی اور راہول گاندھی سے ان کی متنازع تقاریر پر جواب طلب
-
وفاقی وزیر احسن اقبال کی زیر صدرات قومی کھیل کی بحالی کانفرنس، قومی کھیلوں اور ناروال سپورٹس کمپلیکس کے حوالے سے جائزہ اجلاس،ناروال سپورٹس سٹی کے نامکمل کام جلد از جلد مکمل کرنے کی ہدایت
-
حتساب عدالت نے بانی پی ٹی آئی اور بشریٰ بی بی کو ریاستی اداروں کیخلاف بیان بازی سے روک دیا
-
ہمیں ملیریا کی روک تھام بارے میں آگہی اور باہمی تعاون سے کام کرنے کی ضرورت ہے،وزیراعظم
-
سپیکر قومی اسمبلی سے اراکین کی ملاقات،قائمہ کمیٹیوں کی تشکیل پر تبادلہ خیال
-
نواز شریف کی چین میں صحابی رسول ﷺ کے مزار پر حاضری
-
صوبائی حکومتوں کیساتھ مل کر اسمگلنگ کا خاتمہ ضروری، اسمگلنگ کی روک تھام میں آرمی چیف کی معاونت پر شکر گزار ہوں،وزیراعظم
-
وزیر اعظم کی ایبٹ آباد آمد،شہید کسٹمز انسپکٹر سید حسنین علی ترمذی کے والد اور بچوں سے اظہار تعزیت
-
وزیراعظم کا فرض کی ادائیگی کے دوران جام شہادت نوش کرنے والے افسران اور اہلکاروں کیلئے شہدا پیکیج کا اعلان ، سمگلنگ اور سمگلروں کا قلع قمع کرکے خطہ کو امن کا گہوارہ بنائیں گے ، شہباز شریف
-
روشن ڈیجیٹل اکائونٹس، سمندرپارپاکستانیوں کی ترسیلات زر 7.660 ارب ڈالر، سرمایہ کاری 871 ملین ڈالر ہوگئی
-
وزیرِاعظم شہبازشریف کی ایبٹ آباد آمد، شہید کسٹمز انسپکٹر سید حسنین علی ترمذی کے والد اور بچوں سے اظہار تعزیت
-
خیبر میں سکیورٹی فورسزکا انٹیلی جنس بیسڈ آپریشن، 3 دہشت گرد ہلاک
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.