بی آئی پی پی اور آئی ایس اے ایس کے زیر اہتمام جنوبی ایشاء میں علاقائی روابط کو وسعت دینے کے موضوع پرتین روزہ ورکشاپ شروع
ورکشاپ کا مقصد جنوبی ایشاء کے معاشی‘سماجی و سیاسی خدو خال کو عالمی سطح پرہونیوالی تبدیلیوں کے مطابق ڈھالنا ہے،ورکشاپ میں پاکستان‘آسٹریلیا‘بنگلہ دیش‘سنگاپور اور امریکہ کے پالیسی سائنسدان‘معیشت دان‘فیصلہ ساز‘ ڈویلپمنٹ پریکٹشنرز نے حصہ لیا
پیر 7 مارچ 2016 21:31
لاہور( اُردو پوائنٹ اخبارتازہ ترین - این این آئی۔07 مارچ۔2016ء) شاہد جاوید برکی انسٹی ٹیوٹ آف پبلک پالیسی (بی آئی پی پی ) اور انسٹیٹیوٹ آف ساؤتھ ایشیئن سٹڈیز(آئی ایس اے ایس) نیشنل یونیورسٹی سنگاپور کے اشتراک سے’’ جنوبی ایشاء میں علاقائی روابط کو وسعت دینے‘‘کے موضوع پر پیر کے روز ایک تین روزہ ورکشاپ یہاں مقامی ہوٹل میں شروع ہو گئی جس کا بنیادی مقصد اس بات کا تعین کرنا اور اس پر تبادلہ خیال کرنا ہے کہ جنوبی ایشاء کے معاشی‘اقتصادی‘سماجی و سیاسی خدو خال کو عالمی سطح پر رونما ہونیوالی تبدیلیوں کے مطابق ڈھالنا ہے۔
ورکشاپ میں دنیا بھر بالخصوص پاکستان‘آسٹریلیا‘بنگلہ دیش‘سنگاپور اور امریکہ کے معروف پالیسی سائنسدان‘معیشت دان‘فیصلہ ساز‘ ڈویلپمنٹ پریکٹشنرز نے حصہ لیا۔(جاری ہے)
انسٹی ٹیوٹ آف ساؤتھ ایشیئن سٹڈیز(آئی ایس اے ایس )کا وفد ڈائریکٹر آئی ایس اے ایس سنگا پور ڈاکٹر سبراتا کے مترا‘سابق وزیر خارجہ امور بنگلہ دیش پروفیسر ریاض حسن‘جانسن پال اور چندرانی شرما پر مشتمل تھا جبکہ شاہد جاوید برکی انسٹی ٹیوٹ آف پبلک پالیسی (بی آئی پی پی) کی نمائندگی چیئرمین شاہد جاوید برکی‘وائس چیئرمین ڈاکٹر پرویز حسن‘ڈاکٹر داؤد احمد‘ڈاکٹر محمود احمد اور خالد شیر دل نے کی۔
ورکشاپ کا ٹیکنیکل سیشن نیشنل سکول آف پبلک پالیس میں ہو گا جس میں پالیسی و فیصلہ ساز ماہرین کے ساتھ سیشن بھی منعقد کیا جائیگاجس میں متعددمقالہ جات پر مشتمل مخصوص دستاویز ات پیش کی جائینگی جو چھ مقالہ جات پر محیط ہوگی جن میں ’’دنیا بھر میں تیزی سے رونما ہونیوالی تبدیلیاں‘گلوبلاائزیشن اور اس کے جنوبی ایشاء پر اثرات‘جنوبی ایشاء کے بارے میں پائے جانیوالے خدشات اور ان مسائل و تحفظات کے حل کیلئے اداروں کا قیام شامل ہیں جبکہ اس کے ساتھ چھ ضمنی مقالہ جات بھی پیش کئے جائینگے جن میں جنوبی ایشاء کے استحکام کیلئے تجارت کا کردار‘جنوبی ایشاء میں مذہبی بنیاد پرستی‘ساؤتھ ایشیاء میں شہری ترقی ‘ترقی کیلئے ٹیکنالوجی کا استعمال‘کوئلے و موسمیاتی تغیرات میں تبدیلی اور پانی کے مسائل شامل ہیں۔ورکشاپ کے لئے مذکورہ مخصوص دستاویزات انسٹی ٹیوٹ آف ساؤتھ ایشیئن سٹڈیز(آئی ایس اے ایس) سنگا پور اور شاہد جاوید برکی انسٹی ٹیوٹ آف پبلک پالیسی(بی آئی پی پی )لاہور کے ماہرین نے تشکیل دی ہیں جبکہ لاہور میں ہونیوالی یہ ورکشاپ آئندہ جنوبی ایشاء کے متعدد دارالحکومتوں میں منعقد ہونیوالی ورکشاپس کا آغاز ہے نیز شیڈول کے مطابق اگلی میٹنگ ڈھاکہ میں ہو گی۔متعلقہ عنوان :
مزید قومی خبریں
-
اچھی تربیت اور تعلیم زندگی میں کامیابی کے لئے لازم و ملزوم ہیں،گورنر پنجاب
-
محمود خان اچکزئی کے وارنٹ گرفتاری جاری
-
علی امین گنڈا پور وفاق پر قبضہ کر کے انتشار پھیلانا چاہتے ہیں: سپیکر پنجاب اسمبلی
-
وزیراعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہی: سعد رفیق
-
وفاقی وزیرعطا تارڑنے اعجاز احمد حفیظ کو اپنا کوارڈینیٹر مقرر کردیا
-
کراچی کے تمام اضلاع میں بیک وقت تجاوزات کے خلاف مہم شروع کردی ہے ،بیرسٹر مرتضیٰ وہاب
-
ڈاکٹر طاہر القادری کامیاں زاہد اسلام کی والدہ کے انتقال پر افسوس کا اظہار
-
مشرق وسطی میں حالات مزید خراب ہوئے تو تیل مہنگا ہوسکتا ہے،ورلڈ بینک نے خبردار کر دیا
-
پنجاب میں ایئرایمبولینس سروس کے دائرہ کارکوبتدریج وسعت دی جائیگی‘ مریم نوازشریف
-
مہنگی مرغی، حکومت کا چوزے کی برآمد پرپابندی عائد کرنے کا فیصلہ
-
نیپرا کی ڈسکوز کے مارچ کے ماہانہ ایف سی اےکے حوالے سےعوامی سماعت مکمل
-
راولپنڈی پولیس کی جرائم پیشہ عناصر کے خلاف کارروائیاں،اشتہاریوں سمیت 12ملزمان گرفتار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.