جدہ اکنامک فورم کا آغاز ہو گیا

سعودی عرب میں نجکاری اور شراکت داری کی بنیاد پر وسیع مواقع ہیں ‘مقررین سعودی عرب بیرونی سرمایہ کاری کا خیر مقدم کرے گا ‘گور نرمکہ مکرمہ عالمی منڈی تیل کی قیمت کم ہونے کے بعد سے نئی منڈی کی تلاش میں سعودی عرب پبلک سیکٹرز اوپن کر رہا ہے ‘ وزیرمملکت محمد زبیر

جمعرات 3 مارچ 2016 13:37

جدہ(اُردو پوائنٹ اخبارتازہ ترین - این این آئی۔03 مارچ۔2016ء) جدہ اکنامک فورم کا آغاز ہو گیا ہے جس میں مقررین نے کہاہے کہ سعودی عرب میں نجکاری اور شراکت داری کی بنیاد پر وسیع مواقع ہیں جس میں بیرونی سرمایہ کاروں کا مستقبل روشن ہے۔فورم اجلاس میں پاکستان کے وزیر مملکت برائے سرمایہ کاری و نج کاری کمیشن محمد زبیر،قونصل جنرل پاکستان شہریار اکبراور کمرشل قونصل وہاب سومرو بھی شریک ہوئے۔

سعودی شہر جدہ میں نویں اکنامک فورم کا افتتاح گورنر مکہ مکرمہ ریجن شہزادہ خالد الفیصل نے کیا ۔ اس موقع پر خطاب میں ان کا کہنا تھا کہ سعودی عرب بیرونی سرمایہ کاری کا خیر مقدم کرے گا اور سعودی عرب میں نجکاری کی بنیاد پر پرایویٹ شراکت داری کو ترجیح دے گا۔اجلاس سے ملائیشیاء کے وزیر اعظم محمد نجیب عبد الرزاق،وزیر معاشی امور و صنعت عادل فقیہہ درجنوں بیرونی و اندرونی سرمایہ کاری کی کمپنیوں کے چیف ایگزیکٹیو کو بھی دعوت دی گئی ہے کہ وہ اپنی تجا ویز پیش کریں اور پینلڈسکشن میں حصہ لیں ۔

(جاری ہے)

فورم میں شریک پاکستانی وزیر مملکت محمد زبیر نے مختلف وفود سے بات چیت کرتے ہوئے کہا کہ عالمی منڈی تیل کی قیمت کم ہونے کے بعد سے نئی منڈی کی تلاش میں سعودی عرب پبلک سیکٹرز اوپن کر رہا ہے جن میں ہیلتھ،ایجوکیشن اور ٹرانسپورٹیشن،ٹیلی کوم اور مختلف سیکٹرز میں نجی سطح پر سرمایہ کاری اور شراکت داردی کے بڑے مواقع ہیں جن سے پاکستان علیحدہ نہیں رہ سکتا کیونکہ سعودی عرب سے سب سے زیادہ زرمبادلہ پاکستان بھیجا جاتا ہے جس میں اس اقدام سے مزید اضافہ ہوگا اور خطے میں تجارت کو فروغ اور تجارت کو بھی فروغ حاصل ہوگا۔

Facebook Twitter Google + Share on Whatsapp

جدہ اکنامک فورم کا آغاز ہو گیا

متعلقہ عنوان :

مزید اہم خبریں