متعلقہ محکمے سہ روزہ انسداد پولیو مہم کے تمام انتظامات مکمل کریں،ڈپٹی کمشنر ٹھٹھہ
بدھ 2 مارچ 2016 18:35
ٹھٹھہ ۔ 2 مارچ (اُردو پوائنٹ اخبارتازہ ترین - اے پی پی۔02 مارچ۔2016ء) ڈپٹی کمشنر ٹھٹھہ ندیم الرحمان میمن نے ضلع کے تمام متعلقہ محکموں کے افسران کو ہدایت کی ہے کہ وہ 14 مارچ 2016ء سے شروع ہونے والی سہ روزہ انسداد پولیو مہم کے تمام انتظامات مکمل کریں تاکہ مستقبل کی معماروں کو پولیو جیسے موذی مرض سے بچایا جا سکے۔ انہوں نے انہیں ہدایت کی کہ وہ مہم کے دوران پولیو ٹیموں کی سخت نگرانی کریں تاکہ کوئی بھی بچہ پولیو کے قطرے پینے سے رہ نہ جائے اور اس ضمن میں کسی بھی قسم کی کوتاہی برداشت نہیں کی جائے گی۔
ان خیالات کا اظہار انہوں نے دربار ہال مکلی میں انسداد پولیو مہم کے انتظامات کا جائزہ لینے سے متعلق اجلاس کی صدارت کرتے ہوئے کیا۔ سہ روزہ انسدا پولیو مہم 14مارچ تا 16 مارچ 2016ء تک ضلع بھر میں جاری رہے گی۔(جاری ہے)
ڈپٹی کمشنر نے انہیں مزید ہدایت کی کہ وہ پولیو مہم کے ساتھ خسرہ، کالی کھانسی، خناق و دیگر بیماریوں کی ویکسینیشن کے عمل کو بھی سخت کریں تاکہ ٹھٹھہ سے ان بیماریوں کا بھی خاتمہ کیا جا سکے۔
انہوں نے اجلاس میں والدین، علماء کرام، اساتذہ، این جی اوز و منتخب نمائندے اور زندگی کے ہر شعبے سے تعلق رکھنے والے لوگوں پر زور دیا کہ وہ پولیو سے متعلق آگہی مہم چلائیں اور سہ روزہ انسداد پولیو مہم کے دوران محکمہ صحت اور پولیو ٹیموں سے تعاون کرتے ہوئے پانچ سال سے کم عمر کے بچوں کو پولیو کے قطرے پلانے میں مدد کریں۔ انہوں نے ضلع کے تمام اسسٹنٹ کمشنرز کو ہدایت کی کہ وہ اس ضمن میں محکمہ صحت کے افسران کے ساتھ پولیو مہم کی سخت نگرانی کریں اور اپنی متعلقہ تحصیلوں میں کتا مار مہم کے ساتھ مچھر مار اسپرے بھی شروع کریں اور روزانہ کی بنیاد پر انہیں رپورٹ پیش کریں۔ اس موقع پر ایس ایس پی ٹھٹھہ فدا حسین مستوئی نے اجلاس میں کہا کہ سہ روزہ انسداد پولیو مہم کے دوران پولیو ٹیمز کو مکمل تحفظ مہیا کیا جائے گا تاکہ مہم کامیاب ہو۔ انہوں نے کہا کہ محکمہ پولیس کی جانب سے انسداد پولیو مہم کے دوران سیکیورٹی کے تمام انتظامات مکمل کئے گئے ہیں اور مہم کے دوران کسی بھی قسم کی کوتاہی برداشت نہیں کی جائے گی۔ اجلاس میں پولیو مہم کی تیاریوں کے متعلق ڈسٹرکٹ ہیلتھ آفیسر عبدالفتاح مہر نے بتایا کہ پولیو مہم کے دوران ضلع ٹھٹھہ کے پانچ سال سے کم عمر کے تقریباً ایک لاکھ 79 ہزار 143 بچوں کو پولیو کے قطرے پلائے جائیں گے ۔اس ضمن میں ضلع کی 30 یونین کونسلز کیلئے 381 موبائل اور 36 ٹرانزٹ ٹیمیں تشکیل دی گئی ہیں۔ اجلاس میں ایڈیشنل ڈپٹی کمشنر-II کیپٹن بلال شاہد، تمام تحصیلوں کے اسسٹنٹ کمشنرز و دیگر محکموں کے افسران بھی موجود تھے۔متعلقہ عنوان :
مزید قومی خبریں
-
نیپرا نے بجلی کی فی یونٹ قیمت4روپی99پیسے بڑھانے پر فیصلہ محفوظ کر لیا
-
وزیراعلیٰ پنجاب مریم نواز شریف نے فیصل آباد ویسٹ مینجمنٹ کمپنی کے ورک چارج ملازمین کی تنخواہیں جاری کرنے کی منظوری
-
چوھدری شافع حسین سے ترکیہ کے قونصل جنرل کی ملاقات، پنجاب اور ترکیہ کے مابین تجارتی تعاون بڑھانے پر اتفاق
-
گورنر سندھ کامران خان ٹیسوری سے کراچی بار ایسوسی ایشن کے وفد کی ملاقات
-
روس ایک وسیع مارکیٹ ہے ، پاکستانی برآمد کنندگان تجارت کو فروغ دے کر کثیر زرمبادلہ حاصل کر سکتے ہیں، وفاقی وزیرجام کمال خان
-
گورنر سندھ کا حیدرآباد میں آئی ٹی پروگرام کے آغازکا اعلان
-
بجلی ایک ماہ کیلئے 5 روپے فی یونٹ مہنگی کر دی گئی
-
اسلام آباد، راولپنڈی اور پشاور میں زلزلے کے جھٹکے، لوگوںمیں خوف وہراس پھیل گیا
-
نادرانے عوام کی سہولت کے لئے ارجنٹ درخواست پر شناختی کارڈ ڈلیوری کی مدت کم کرکی15دن کردی
-
گورنر سندھ سے کراچی بار ایسوسی ایشن کے وفد کی صدر عامر نواز وڑائچ کی قیادت میں ملاقات
-
الیکشن کمیشن نے خیبر پختونخوا میں سینیٹ انتخابات ملتوی کرنے کا اشارہ دیدیا
-
اٹک پولیس کی کارروائی ،بھاری مقدار میں منشیات برآمداور 7 ملزمان گرفتار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.