ہمارے لیے بنگلا دیش اور سری لنکا کے خلاف دونوں میچز اہم ہیں ٗ وقار یونس
شعیب ملک اور عمراکمل نے امارات کے خلاف جس انداز سے بیٹنگ کی اس سے وقاریونس کو خوشی ہوئی ہے ٗ میڈیا سے گفتگو
منگل 1 مارچ 2016 21:28
اسلام آباد (اُردو پوائنٹ اخبارتازہ ترین - این این آئی۔یکم مارچ۔2016ء) قومی کرکٹ ٹیم کے ہیڈ کوچ وقار یونس نے کہاہے کہ ہمارے لیے بنگلا دیش اور سری لنکا کے خلاف دونوں میچز اہم ہیں۔ذرائع ابلاغ کے نمائندوں نے میچ کے بعد جب وقار یونس سے پوچھا کہ امارات سے جیتنے پر آپ نے یقینا سْکھ کا سانس لیا ہوگا جس پر ان کا جواب تھاسکھ کا سانس میں ہمیشہ لیتا ہوں ٗایسا نہیں ہے کہ سکھ کاسانس نہیں تاہم مسئلہ یہ ہے کہ ٹاپ آرڈر بیٹنگ نے ایک بار پھر رنز نہیں کیے۔
کنڈیشنز ایسی ہیں کہ نئی گیند پر بیٹنگ مشکل ہے ٗ متحدہ عرب امارات کی ٹیم کی تعریف کرنی ہوگی جس نے سخت محنت کی۔وقاریونس نے کہا کہ اگلے دونوں میچز انتہائی اہمیت کے حامل ہیں۔انھوں نے کہا کہ ہمارے لیے بنگلا دیش اور سری لنکا کے خلاف دونوں میچز اہم ہیں۔(جاری ہے)
ابھی ہم نے فیصلہ نہیں کیا ہے کہ ٹیم میں کیا تبدیلی کی جائے گی لیکن فی الحال خوشی اس بات کی ہے کہ ٹیم نے کھاتہ کھول لیا ہے۔
شعیب ملک اور عمراکمل نے امارات کے خلاف جس انداز سے بیٹنگ کی اس سے وقاریونس کو خوشی ہوئی ہے۔انھوں نے کہا کہ دونوں کی بیٹنگ میں پختگی نظر آئی۔ انھوں نے جلد گرنے والی وکٹوں کے بعد دباؤ کو برداشت کیا اور ذمہ داری سے بیٹنگ کی حالانکہ رن ریٹ بڑھتا چلا گیا تھا لیکن ہمیں پتہ تھا کہ یہ دونوں بیٹسمین صورتحال کو اپنے حق میں بدلنے کی صلاحیت رکھتے ہیں کیا پاکستانی ٹیم اب بھی اس ٹورنامنٹ کی فیورٹ ہے ؟اس سوال پر وقاریونس نے کہا کہ پاکستانی ٹیم اب بھی اس ٹورنامنٹ میں ایک قوت کے طور پر موجود ہے تاہم اس کیلئے اسے اگلے دونوں میچوں میں غیرمعمولی کارکردگی کا مظاہرہ کرنا ہوگا۔وقاریونس نے کہاکہ ٹی ٹوئنٹی دباؤ کے بغیر کھیلنے والی کرکٹ ہے اور انھیں نہیں معلوم کہ پاکستانی کرکٹرز کو کس بات کا خوف ہے۔وقاریونس فاسٹ بولر محمد عامر کی موجودہ کارکردگی سے بہت خوش ہیں۔انھوں نے کہا کہ محمد عامر نے امارات کے خلاف 24 گیندیں کیں جن میں سے 21 پر کوئی رن نہیں بنا اس سے اندازہ لگایا جاسکتا ہے کہ وہ کتنی عمدہ بولنگ کررہے ہیں تاہم ہمیں اننگز کے درمیانے اوورز میں رنز کی رفتار کو روکنا ہوگا۔مزید کھیلوں کی خبریں
-
ٹی ٹونٹی ورلڈ کپ 2024ء کی ٹرافی پاکستان کے تین شہروں کا دورہ کرے گی
-
پاکستان ہاکی فیڈریشن کے رکن رائو سلیم ناظم کی اظہار تعزیت
-
سابق زمبابوین کرکٹر گائے وٹل چیتے کے حملے میں بال بال بچ گئے
-
آفریدیوں کو سمجھانا بہت مشکل کام ، شاہین کو اسی لیے نہیں سمجھا پاتا کہ وہ بھی آفریدی ہے : شاہد آفریدی
-
ہنزہ سے تعلق رکھنے والی 8 سالہ علیہہ شاہ اپنے شاندار باؤلنگ ایکشن کیلئے وائرل
-
شیشاپنگما سرکرنے کیلئے پاکستانی کوہ پیماں کا انتظار طویل ہوگیا
-
ریکارڈ ساز ایتھلیٹ یوسین بولٹ آئی سی سی ٹی20 ورلڈکپ کیلئے سفیر مقرر
-
قطر انٹرنیشنل جونیئر اسکواش چیمپئن شپ میں پاکستان کے عبداللہ زمان فائنل میں پہنچ گئے، ریان زمان سیمی فائنل ہار گئے
-
انڈین پریمیئر لیگ ،دہلی کیپٹلز نے سنسنی خیز مقابلے کے بعد گجرات ٹائٹنز کو4رنز سے ہرادیا
-
پاکستان ہاکی فیڈریشن کے رکن رائو سلیم ناظم کی اظہار تعزیت
-
پاکستان اورویسٹ انڈیزکی ویمن کرکٹ ٹیموں کے درمیان پہلا ٹی ٹونٹی میچ (کل) کھیلا جائے گا
-
پاکستان ماسٹر ٹین پن بائولنگ چیمپئن شپ ناگزیر وجوہات کی بنا پر ملتوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.