پٹرولیم مصنوعات میں معمولی کمی ناکافی ہے،مہنگائی کوکنٹرول کیا جائے‘ میاں مقصود احمد
عالمی مارکیٹ میں پٹرولیم کی قیمتوں میں کمی کے باوجود مہنگائی کابڑھناتشویشناک ہے‘ امیر جماعت اسلامی پنجاب
منگل 1 مارچ 2016 20:24
لاہور ( اُردو پوائنٹ اخبارتازہ ترین - این این آئی۔یکم مارچ۔2016ء) امیرجماعت اسلامی پنجاب میاں مقصود احمدنے کہاہے کہ عالمی مارکیٹ میں پٹرولیم مصنوعات کے نرخ تاریخی کمی کاشکار ہیں ساری دنیا میں پٹرولیم مصنوعات سستی ہورہی ہیں جبکہ پاکستان میں معمولی کمی ناکافی ہے،حکومت ریلیف فراہم کرنے کے لئے عوام کوٹیکسوں کے بوجھ سے آزاد کرے،حالیہ کمی کے باوجود پٹرول62.77پیسے ہے اسے مزید 50روپے فی لٹرتک لایاجائے اور اس کے اطلاق کو بھی یقینی بنایا جائے،اشیاء خوردونوش کے ساتھ ساتھ ٹرانسپورٹ کے کرایوں میں بھی کمی لائی جائے۔
ان خیالات کا اظہار انہوں نے گزشتہ روز منصورہ میں مختلف عوامی وفود سے گفتگو کرتے ہوئے کیا۔انہوں نے کہاکہ جنوبی ایشیاممالک میں سب سے زیادہ مہنگائی پاکستان میں ہے۔(جاری ہے)
عالمی مالیاتی ادارے قرضوں میں اضافے کی وجہ سے ملکی معیشت کوجلددیوالیہ ہونے کی نشاندہی کررہے ہیں۔انہوں نے کہاکہ حیران کن امر یہ ہے کہ پٹرولیم کی قیمتوں میں کمی کے باوجودپاکستان میں مسلسل مہنگائی کی شرح میں تشویش ناک اضافہ ہورہا ہے۔
حالانکہ ہمیشہ حکومتی سطح پر پراپیگنڈہ کیا جاتا رہا ہے کہ عالمی منڈی میں تیل کی قیمتوں میں اضافے کی وجہ سے مہنگائی میں اضافہ ہورہا ہے۔اب عالمی منڈیوں میں تیل کی قیمتوں میں کمی کے باوجود پاکستان میں مہنگائی میں کمی کیوں نہیں کی جارہی؟یہ ہمارے حکمرانوں کے لئے سوالیہ نشان اور لمحہ فکریہ ہے۔انہوں نے کہاکہ جب تک حکمران اپنے اللے تللے چھوڑ کرعوامی مسائل کے حل کی طرف توجہ نہیں دیں گے ملک میں مثبت تبدیلی نہیں آسکتی۔پاکستان بحرانوں کی زد میں ہے۔18کروڑ عوام کسمپرسی کی زندگی گزارنے پر مجبور ہیں۔لوگوں کوضروریات زندگی کی بنیادی سہولیات بھی میسر نہیں۔میاں مقصود احمد نے مزیدکہاکہ ایک طرف پٹرولیم کی قیمتوں میں معمولی کمی کرکے عوام کو دلاسے دیئے جارہے ہیں تودوسری جانب چینی کے بعد گھی کے نرخوں میں8سے10روپے تک اضافہ کرکے عوم کی زندگی اجیرن بنادی گئی ہے۔ضرورت اس امر کی ہے کہ حکومت عوام کوحقیقی معنوں میں ریلیف فراہم کرنے کے لئے عملی اقدامات کرے۔متعلقہ عنوان :
مزید قومی خبریں
-
سولر پینلز کی بے تحاشا انسٹالیشن ، حکومت نے نیٹ میٹرنگ نرخ گرانے کی تیاری کرلی
-
طلباء کو موٹر سائیکل فراہم کرنے کی سکیم، 20ہزار بائیکس کیلئے 1 لاکھ طلبا ء نے رجسٹریشن کروالی
-
ٹرین میں تاریں کاٹ کر تانبہ چوری کرنے والا شخص پکڑا گیا
-
مسلم لیگ (ن) کا دفتر جلانے کا کیس، یاسمین راشد ، اعجاز چودھری ، صنم جاویدو دیگر فرد جرم کیلئے طلب
-
بانی پی ٹی آئی نے خواتین کی گرفتاریوں پر تشویش کا اظہار کیا،شیر افضل مروت
-
فیصل آباد، مبینہ پولیس مقابلہ کے دوران گولی لگنے سے ایک ڈاکو زخمی حالت میں گرفتار
-
وزیراعلی پنجاب مریم نوازشریف کی زیر صدارت پولیس ٹریننگ کالج چوہنگ کمیٹی روم میں اجلاس کا انعقاد
-
جھگڑے میں گاڑی بھگانے کے دوران پولیس اہلکارکو گاڑی ٹکر لگنے کے مقدمہ میں گرفتارخاتون کو 14روزہ جوڈیشل ریمانڈ جیل بھیجنے کا حکم
-
فیصل آباد، سرکاری آٹا کی سپلائی کے دوران بے ضابطگیوں پر11 فلورملزکے لائسنس منسوخ
-
وزیراعلیٰ مریم نوازکا عزیز بھٹی شہید ہسپتال کی چھت گرنے کے معاملہ پرسخت ایکشن،ایم ایس برطرف، تین افسرمعطل
-
نیپرا نے کے الیکٹرک کے 7 سالہ سرمایہ کاری کے روڈ میپ پر فیصلہ دے دیا
-
چیئرمین سینیٹ نے ایوان بالا کے 337 ویں اجلاس کے لئے پینل آف پریذائیڈنگ آفیسرز کے ناموں کا اعلان کر دیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.