کھیل ذہنی و جسمانی نشونما اور صحت مند معاشرے کے قیام میں اہم کردار ادا کرتے ہیں،پرویزخٹک
صوبے کے سالانہ ترقیاتی پروگرام میں پہلی بار کھیلوں کے فروغ کیلئے 7کروڑ 40لاکھ روپے رکھے گئے ہیں ، 4ارب روپے لاگت سے صوبے کی 75تحصیلوں میں گراؤنڈز تعمیر کئے جارہیں ہیں ،وزیراعلی خیبرپختونخوا
منگل 1 مارچ 2016 20:22
پشاور(اُردو پوائنٹ اخبارتازہ ترین - این این آئی۔یکم مارچ۔2016ء) وزیراعلیٰ خیبرپختونخوا پرویز خٹک نے کہا ہے کہ کھیل ذہنی و جسمانی نشونما کے ساتھ قائدانہ صلاحیتوں کو نکھار کر صحت مند معاشرے کے قیام میں اہم کردار ادا کرتے ہیں۔ ان خیالات کا اظہار انہوں نے یہاں قیوم سٹیڈیم میں پشاور یونیورسٹی اور ہائیر ایجوکیشن کے زیر اہتمام آل پاکستان بین الجامعات اتھیلٹکس چمپین شپ کی افتتاحی تقریب سے بحیثیت مہمان خصوصی خطاب کرتے ہوئے کیا۔
صوبائی وزیر کھیل و ثقافت محمود خان وزیراعلیٰ کے معاون خصوصی برائے اعلیٰ تعلیم مشتاق احمد غنی، وائس چانسلر پشاور یونیورسٹی ڈاکٹر رسول جان، ڈائریکٹر جنرل ہائیر ایجوکیشن کمشن فرمان اﷲ کے علاوہ نامور کھلاڑیوں نے تقریب میں شرکت کی۔(جاری ہے)
ملک کی 36یونیورسٹیوں سے کھلاڑی سہ روزہ چیمپئن شپ میں مختلف مقابلوں میں حصہ لے رہے ہیں۔ وزیراعلیٰ نے چمپئن شپ کا باضابطہ افتتاح کیا۔
وزیراعلیٰ نے تقریب سے خطاب کرتے ہوئے کہا کہ کھیل تفریح اور مسرت کے ساتھ مثبت اور صحت مند مسابقت کا جذبہ بیدار کرنے کے علاوہ تعلیم کیلئے سازگار ماحول پروان چڑھانے میں معاون ثابت ہوتے ہیں۔ انہوں نے کہا کہ کھیل نوجوانوں کو ہر قسم کے حالات سے نمٹنے اور مشکلات کا مردانہ وار مقابلہ کرنے کے قابل بناتے ہیں۔ وزیراعلیٰ نے کہا کہ جو قومیں کھیلوں کے فروغ پر توجہ دیتی ہیں ان کے شفا خانے اور جیل خانے خالی رہتے ہیں۔ انہوں نے بین الجامعات کھیلوں کے مقابلوں کے انعقاد کو سراہتے ہوئے کہا کہ یہ مقابلے قومی ہم آہنگی پروان چڑھانے میں معاون ثابت ہوں گے۔ وزیراعلیٰ نے کہا کہ صوبائی حکومت کھیلوں کے فروغ کیلئے ٹھوس اقدامات اٹھا رہی ہے۔ انہوں نے کہا کہ صوبے کے سالانہ ترقیاتی پروگرام میں پہلی بار کھیلوں کے فروغ کیلئے 7کروڑ 40لاکھ روپے رکھے گئے ہیں جبکہ 4ارب روپے کی لاگت سے صوبے کی 75تحصیلوں میں گراؤنڈز تعمیر کئے جارہیں ہیں جن میں سے 25گراؤنڈز جلد مکمل ہو جائیں گے۔ اسی طرح 4کروڑ روپے کی لاگت سے کھیلوں کا سامان کھلاڑیوں میں تقسیم کیا جا رہا ہے جبکہ باصلاحیت کھلاڑیوں کی تلاش کیلئے ٹیلنٹ ہنٹ پروگرام شروع کیا گیا ہے۔وزیراعلیٰ نے بتایا کہ کرکٹ اکیڈمی کے قیام کی منظوری کے ساتھ ایبٹ آباد میں 202ملین روپے کے خرچ سے سپورٹس جمنیزیم کی تعمیر کی منظوری دی جا چکی ہے۔ اس کے علاوہ ارباب نیاز کرکٹ سٹیڈیم کی بحالی کیلئے 700ملین روپے مختص کرنے کے ساتھ نوشہرہ میں 20کروڑ روپے کی لاگت سے عالمی معیار کا سپورٹس کمپلیکس تعمیر کیا جا رہا ہے۔انہوں نے کہا کہ صوبے میں کھیلوں کے میدانوں کی بحالی پر 300ملین روپے خرچ کئے جا رہے ہیں جبکہ بنوں اور کوہاٹ میں ہاکی ٹرف کی تعمیر کی منظوری دی گئی ہے۔ وزیراعلیٰ نے اس موقع پر پشاور یونیورسٹی میں ٹورٹن ٹریک کی تعمیر کا بھی اعلان کیا۔ انہوں نے 800میٹر ریس کے مقابلوں میں نمایاں پوزیشن حاصل کرنے والے کھلاڑیوں میں انعامات تقسیم کرنے کے علاوہ امجد عزیز ملک کو ایشیا سپورٹس جنرلسٹ فیڈریشن کا جنرل سیکرٹری منتخب ہونے پر شیلڈ بھی دی۔متعلقہ عنوان :
مزید کھیلوں کی خبریں
-
ٹینس اسٹار عشنا سہیل کو ویمن ٹینس میں خدمات پر تمغہ امتیاز سے نواز دیا گیا
-
سعودی عرب میں ہمیشہ محبت ملی، ریٹائرمنٹ کا کوئی اراد ہ نہیں ہے ، لیونل میسی
-
بنگلہ دیش اور سری لنکا کی کرکٹ ٹیموں کے درمیان دوسرا اورآخری ٹیسٹ میچ 30 مارچ سے شروع ہوگا
-
پاکستان نیوزی لینڈ ٹی ٹوئنٹی سیریزکی ٹکٹوں کی فروخت جمعہ سے شروع ہوگی۔
-
ٹینس اسٹارعشنا سہیل کو ویمن ٹینس میں خدمات پر تمغہ امتیاز سے نواز دیا گیا
-
پنجاب کنگزکی نمائندگی کرنے والے سابق انگلش کرکٹرروی بوپارا نے دلچسپ واقعہ شیئرکردیا
-
میامی اوپن ٹینس مینزڈبلز، روہن بھوپنا اورمیتھیو ایبڈن سیمی فائنل میں پہنچ گئے
-
پاکستان اورنیوزی لینڈ کی کرکٹ ٹیموں کے مابین ٹی ٹونٹی سیریزکی ٹکٹوں کی فروخت 29 مارچ سے شروع ہو گی، ترجمان
-
بھارتی انتخابات: کانگریس کا ثانیہ مرزا کو حیدر آباد سے ٹکٹ جاری کرنے پر غور
-
ایشیا اوشیانا ورلڈ جونیئر ٹینس انڈر14 کوالیفائرز میں پاکستان نے اوزبکستان کو شکست دے کر کوارٹر فائنل میں جگہ بنالی
-
کپتان کی تبدیلی کی افواہیں، بابر اعظم کی چیئرمین پی سی بی محسن نقوی سے ملاقات
-
ممبئی انڈینز کے نئے کپتان پانڈیا کو شائقین کی جانب سے شدید تنقید کا سامنا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.