سندھ کے عوام وڈیرے حکمرانوں سے تنگ آچکے ہیں،جاگیرداروں اور وڈیروں نے غریب عوام کو اپنا غلام بنا کررکھاہواہے
مسلم لیگ (ن) سندھ کے نائب صدر علی اکبر گجر کی لیگی کارکنوں سے گفتگو
ہفتہ 27 فروری 2016 19:17
کراچی(اُردو پوائنٹ اخبارتازہ ترین - آئی این پی۔27 فروری۔2016ء) پاکستان مسلم لیگ (ن) سندھ کے نائب صدر علی اکبر گجر نے کہا ہے کہ سندھ کے عوام وڈیرے حکمرانوں سے تنگ آچکے ہیں۔جاگیرداروں اور وڈیروں نے غریب سندھی عوام کو اپنا غلام بنا کررکھاہواہے۔مسلم لیگ(ن)سندھ کے ہاریوں اور غریب عوام کو وڈیرہ شاہی کے چنگل سے نجات دلاکر ہی دم لے گی۔پیپلزپارٹی چالیس پینتالیس سال سے سندھ کارڈ استعمال کر کے مرکزاورصوبے میں اقتدارحاصل کرتی چلی آرہی ہے لیکن مرکزمیں چاراور سندھ میں بار بار حکومت بنانے کے باوجود کوئی قابل ذکر کام نہیں کرسکی۔
اس کے برعکس مسلم لیگ(ن) کو جب بھی عوام نے موقع دیا قائدجمہوریت میاں نوازشریف نے درجنوں عظیم منصوبے دے کر ملک کو خوشحالی کی راہ پرلاکھڑاکیا۔(جاری ہے)
موٹروے ،میٹرو،پاک چین اقتصادی راہداری کے بعد اب کراچی میں گرین لائن بس منصوبے کا آغاز اسی سلسلے کی کڑی ہے۔وہ اپنے دفتر گلشن جمال میں گرین لائن بس منصوبے کے آغازپر مبارکباد دینے کے لئے آنے والے مسلم لیگی کارکنوں سے بات چیت کررہے تھے۔
اس موقع پر ان کے ہمراہ مسلم لیگ(ن)ضلع کورنگی کے صدرعلی عاشق گجر،محمدفاضل عباسی ،فصیح الرحمٰن،چوہدری محمد سلیم، سردارگل خطاب، فیاض لاشاری، رانامحمدجمیل،احسن ورک اور دیگر بھی موجودتھے۔ انہوں نے کہا کہ پیپلزپارٹی اپنے شہید قائدین کے فلسفے سے منحرف ہوگئی ہے اور اب اس کی تمام تر توجہ نوکریاں بیچنے اورکاغذی منصوبوں کی آڑ میں مال بنانے پرمرکوزہے۔یہی وجہ ہے کہ سندھ کے عوام اب اپنے مسائل کے حل کے لئے وزیراعظم میاں نوازشریف کی طرف دیکھ رہے ہیں۔مسلم لیگ (ن) سندھ کے عوام کو مایوس نہیں کرے گی اور مشکل وقت میں تنہانہیں چھوڑے گی اور عوام نے موقع دیاتو صوبے کو مسائل کی دلدل سے نکالے گی۔مزید قومی خبریں
-
نیپرا کی ڈسکوز کے مارچ کے ماہانہ ایف سی اےکے حوالے سےعوامی سماعت مکمل
-
راولپنڈی پولیس کی جرائم پیشہ عناصر کے خلاف کارروائیاں،اشتہاریوں سمیت 12ملزمان گرفتار
-
بچوں کے قتل اورخودکشی کی کوشش میں سزا پانیوالی خاتون کا دماغی معائنہ کروانے کا حکم
-
بختاوربھٹو بھی مریم نواز کی معترف
-
لاہور پیرس ریلی ملکی ثقافت کو فروغ دینے اورپاکستان کے مثبت تشخص کو اجاگر کرنے کا بہترین موقع ہے ، رانا مشہود احمد خان
-
لاہور میں 50 مقامات پر مفت انٹرنیٹ سروس کا آغاز
-
ملک کو نوجوان نسل سے بڑی توقعات وابستہ ہیں،طالبات وخواتین مستقل مزاجی سے کام کریں گی تو قدم قدم پر کامیابی ان کا مقدر ہو گی،گورنر پنجاب
-
الیکشن کمیشن، ضمنی انتخاب میں قومی اسمبلی کے اراکین کی کامیابی کا نوٹیفکیشن جاری
-
لاہور پیرس ریلی ملکی ثقافت کو فروغ دینے اورپاکستان کے مثبت تشخص کو اجاگر کرنے کا بہترین موقع ہے ، رانا مشہود احمد خان
-
وفاقی وزیرعطا تارڑ نے اعجاز احمد حفیظ کو اپنا کوارڈینیٹر مقرر کردیا
-
9 مئی کیس، بانی پی ٹی آئی کی عبوری ضمانت کی درخواست پر وکلاء کے دلائل طلب
-
ایک ضلع کا ڈپٹی کمشنر اگر کچھ کرنا چاہے تو انقلاب آ جائے‘لاہور ہائیکورٹ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.