پی کے 39کے گیارہ یونین کونسلز میں ترقیاتی منصوبوں کے اجراء کے لئے فنڈز مساوی بنیادوں پر تقسیم کئے جائیں گے۔امتیاز شاہد
جمعہ 26 فروری 2016 22:15
پشاور(اُردو پوائنٹ اخبارتازہ ترین - آن لائن۔26 فروری۔2016ء) خیبر پختونخوا کے وزیر قانون و پارلیمانی امور امتیاز شاہد قریشی ایڈوکیٹ نے کہا ہے کہ پی کے 39کے گیارہ یونین کونسلز میں ترقیاتی منصوبوں کے اجراء کے لئے فنڈز مساوی بنیادوں پر تقسیم کئے جائیں گے اور کسی علاقہ کو نظر انداز نہیں کیا جائے گا۔انہوں نے کہا کہ پاکستان تحریک انصاف تمام امور میں انصاف اور میرٹ کی بالادستی پر یقین رکھتی ہے اور صوبائی حکومت پارٹی چےئرمین عمران خان کے وژن اور منشور کو عملی جامہ پہنانے کیلئے بھرپور اقدامات کررہی ہے۔
ان خیالات کا اظہار انہوں رابطہ عوام دورے کے دوران پکہ(علاقہ شکردرہ )میں ایک عوامی اجتماع سے خطاب کرتے ہوئے کیا۔جلسے کی صدارت اودین شاہ نے کی۔اجتماع سے صدر پی ٹی آئی پی کے 39محمد عارف نے بھی خطاب کیا جبکہ تحصیل کونسلر سمند خان نے علاقے کی مسائل پر وشنی ڈالی۔(جاری ہے)
وزیر قانون نے کہا کہ انہیں حلقے کی جملہ مسائل و مشکلات کا مکمل ادراک ہے اور وہ علاقے کو مسائل کے دلدل سے نکالنے کے لئے پوری طرح متحرک ہیں۔
انہوں نے کہ اگر نیت صاف اور ارادے نیک ہوں تو ان کاموں میں الله تعالی کی مدد ضرور شامل ہوتی ہے۔امتیاز شاہد نے کہا کہ آج عوام ہر جگہ ببانگ دہل منتخب نمائندوں سے کارکردگی کے بارے میں باز پرس کرتے ہیں جو جمہوریت کی حسن کی علامت ہے ۔انہوں نے کہا کہ صوبائی حکومت کی اولین ترجیح شعبہ تعلیم میں اصلاھات لا کر اس کا فروغ ہے کیونکہ معیاری اور بامقصد تعلیم کسی بھی ملک کی ترقی کا پہلازینہ ہے ۔انہوں نے کہا کہ ڈھائی سالوں میں پی کے 39میں 28سکولوں کی اپ گریڈیشن ہو چکی ہے اور عنقریب شعبہ تعلیم سمیت کروڑوں روپے کی لاگت سے نئے منصوبوں کا اجراء ہونے والاہے ۔انہوں نے کہا کہ شکردرہ میں بوائز ڈگری کالج کا قیام عمل میں لایا جائے گا جس کے لئے عنقریب ٹینڈر طلب کئے جائیں گے۔وزیر قانون نے علاقہ میں ایک گرلز مڈل سکول کے قیام اور گودی کورونہ سڑک کے تعمیر کے لئے 40لاکھ روپے کا اعلان بھی کیا۔قبل ازیں وزیر موصوف نے ہفتی کنڈاؤ بلیک ٹاپ روڈ کا افتتاح کیا۔ تحصیل ناظم لاچی اشفاق قریشی اور ضلعی کونسلر محمد حسن بھی اس موقع پر موجود تھے۔متعلقہ عنوان :
مزید قومی خبریں
-
سپریم کورٹ نے فوجی عدالتوں میں سویلینز کے ٹرائلز کے خلاف کیس ججز کمیٹی کو واپس بھجوادیئے، سماعت غیر معینہ مدت تک کیلئے ملتوی
-
ملک بھر سے حج پروازیں 9 مئی سے شروع ہونگی،ترجمان وزارت مذہبی امور
-
وزیراعلیٰ خیبرپختونخوا سردارعلی امین خان گنڈاپور کی زیر صدارت محکمہ سیاحت کا پہلا اجلاس
-
بہاولنگر ،وزیر اعلیٰ پنجاب کے یوتھ بائیکس پروگرام کا آغاز ہوگیا
-
ایف آئی اے کی مختلف کارروائیوں میں 2 انسانی سمگلرز گرفتار
-
رائیونڈ میں سفاک ملزمان کا تین سالہ بچے پر بہیمانہ تشدد، چھری کے وار سے شدید زخمی
-
فواد چودھری کی حفاظتی ضمانت میں توسیع کی درخواست دو رکنی بنچ کو ارسال
-
ضمنی الیکشن میں ’’ووٹ کو عزت دو‘‘ کا نعرہ دفن ہو گیا ‘ یاسمین راشد
-
ہم نے ہمیشہ عدالتوں کا احترام کیا ، پاکستان نے ہمیشہ کشمیراور فلسطین کے مسئلہ کو ہر فورم کر اجاگر کیا ہے، فیصل کریم کنڈی
-
زبانی، تحریری طلاق پر قانون کیا کہتا ہے ہائی کورٹ کا عدت نکاح کیس میں سزا کیخلاف اپیل پراستفسار
-
بدین میں 2 نوعمرلڑکوں کا گینگ ریپ، پولیس اہلکار اورسیاستدان کیخلاف مقدمات درج
-
پشاو،بڈھ بیرپولیس کی کارروائی، چوری میں ملوث ملزم گرفتار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.