وزیراعلیٰ کی زیرصدارت اجلاس، پنجاب میں سرمایہ کاری کے فروغ کے حوالے سے کئے جانے والے اقدامات کا جائزہ لیا گیا
درمیانے اور چھوٹے درجے کے کاروبار معیشت کیلئے ریڑھ کی ہڈی کی حیثیت رکھتے ہیں:شہبازشریف سرمایہ کاری کے فروغ کیلئے سیکٹرز کی نشاندہی کرکے سرمایہ کاروں کو ترغیبات دی جائیں:وزیراعلیٰ پنجاب کا اجلاس سے خطاب
ذیشان حیدر جمعرات 25 فروری 2016 19:03
لاہور(اُردو پوائنٹ تازہ ترین ۔۔ آئی پی اے ۔۔ 25 فروری۔2015ء) وزیراعلیٰ پنجاب محمد شہباز شریف کی زیرصدارت آج یہاں اعلیٰ سطح کا اجلاس منعقد ہوا جس میں پنجاب سرمایہ کاری بورڈ کی کارکردگی اور صوبے میں ملکی و غیرملکی سرمایہ کاری کے فروغ کے حوالے سے کئے جانے والے اقدامات کا جائزہ لیا گیا۔ وزیراعلیٰ شہبازشریف نے اجلاس سے خطاب کرتے ہوئے کہا کہ پنجاب سرمایہ کاری بورڈ کو جدید تقاضوں کے مطابق انفرادیت کے ساتھ کام کرنا ہے ۔
پنجاب میں سرمایہ کاری کے بے پناہ مواقع موجو دہیں۔ ملکی اور غیرملکی سرمایہ کاری کے فروغ کیلئے پنجاب سرمایہ کاری بورڈ کو فعال کردار ادا کرنا ہے۔ سرمایہ کاری بڑھنے سے نہ صرف پیداوار میں اضافہ ہوگا بلکہ روزگار کے نئے مواقع بھی پیدا ہوں گے۔(جاری ہے)
انہو ں نے کہا کہ درمیانے اور چھوٹے درجے کے کاروبار معیشت کیلئے ریڑھ کی ہڈی کی حیثیت رکھتے ہیں۔
درمیانے اور چھوٹے کاروبار کے فروغ کو ترجیح دے کر آگے بڑھنا ہوگا۔ سرمایہ کاری بورڈ کو پنجاب حکومت کے متعلقہ محکموں اور وفاقی حکومت کے اداروں کے ساتھ قریبی رابطہ رکھتے ہوئے سرمایہ کاروں کو سہولتیں فراہم کرنا ہے۔ تاجروں اور کاروباری حضرات کو بزنس کیلئے بہترین سہولتوں کی فراہمی کیلئے سرمایہ کاری بورڈ کو فعال کردار ادا کرنا ہے۔ پنجاب میں سرمایہ کاری کے فروغ کے حوالے سے پائیدار بنیادوں پر تسلسل کے ساتھ اقدامات کرنا ہوں گے۔سرمایہ کاری کے فروغ کیلئے سیکٹرز کی نشاندہی کرکے سرمایہ کاروں کو ترغیبات دی جائیں اوربیرون ملک مقیم پاکستانیوں کو پنجاب میں سرمایہ کاری کیلئے ترجیحی بنیادوں پر سہولتیں دی جائیں اور اس ضمن میں اوورسیز پاکستانیز کمیشن پنجاب کے ساتھ قریبی رابطہ رکھتے ہوئے کام کیا جائے۔انہوں نے کہا کہ پنجاب سرمایہ کاری بورڈ کی استعدادکار میں اضافے کی بھی ضرورت ہے۔سرمایہ کاری کے فروغ کیلئے اہداف کا تعین کرکے ان کے حصول پر توجہ دی جائے۔ ایس ایم ایز اور سرمایہ کاری کے فروغ کے حوالے سے فیصلے کرکے فوری عملدرآمد کیا جائے۔سی ای او پنجاب سرمایہ کاری بورڈ نے مستقبل میں پنجاب سرمایہ کاری بورڈکے کرداراورسرمایہ کاری بڑھانے کے حوالے سے اقدامات پر بریفنگ دی۔صوبائی وزراء ڈاکٹر عائشہ غوث پاشا، محمد شفیق، خواجہ احمد حسان، ایڈیشنل چیف سیکرٹری، صدر بینک آف پنجاب، متعلقہ سیکرٹریز اور اعلیٰ حکام نے اجلاس میں شرکت کی جبکہ چیئرمین منصوبہ بندی و ترقیات ویڈیولنک کے ذریعے اجلاس میں شریک ہوئے۔مزید قومی خبریں
-
رانا ثنا اللہ ڈیل کا مشورہ نہ دیں، پی ٹی آئی ڈیل نہیں کریگی‘ڈاکٹر یاسمین راشد
-
لاہور ہائیکورٹ نے حماد اظہر کی مقدمات کی تفصیلات فراہمی کی درخواست نمٹا دی
-
جوڈیشل کمپلیکس توڑ پھوڑ کیس میں بانی پی ٹی آئی، پرویز الہی سمیت 172 افراد کے موبائل سے متعلق رپورٹ طلب
-
موسم بہار کی شجر کاری مہم ،سپیکر قومی اسمبلی نے پارلیمنٹ ہاؤس کے سبزہ زار میں میگنولیا گرینڈی فلورا کا پودا لگایا
-
سپیکر قومی اسمبلی سے اراکین کی ملاقات،قائمہ کمیٹیوں کی تشکیل پر تبادلہ خیال
-
وفاقی دارالحکومت اسلام آباد میں نان روٹی کی قیمتوں میں کمی کا نوٹیفکیشن عدالت نے 6 مئی تک معطل کردیا
-
ملیریا پرقابو پانے کےلئے مشترکہ کوششوں کی ضرورت ہے،چیئرمین سینیٹ کا ملیریا کے عالمی دن کے موقع پر پیغام
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری
-
9 مئی: ڈاکٹر یاسمین راشد کی درخواست ضمانت پر سماعت 27 اپریل تک ملتوی
-
موسمیاتی تبدیلی کرہ ارض کا درپیش عظیم چیلنج ہے، صورتحال کی سنگینی کو سمجھنا ہوگا: بلیغ الرحمان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.