حکومت نے اگر قانون پر عمل نہیں کرنا تو اسے معطل کردے،سپریم کورٹ
جمعرات 25 فروری 2016 12:18
اسلام آباد(اُردو پوائنٹ اخبارتازہ ترین - آن لائن۔25 فروری۔2016ء) سپریم کورٹ نے شہری علاقوں میں کمرشل سرگرمیوں اور سکیورٹی کے نام پر کھڑی رکاوٹوں کو دور کرنے ، آئی جی اسلام آباد اور آئی جی موٹروے کے دفاتر خالی کرانے کیلئے سی ڈی اے کو تین مارچ تک آخری مہلت دیتے ہوئے کہا ہے کہ سی ڈی اے اپنے قوانین پر عملدرآمد کرائے اور اس حوالے سے تمام تر کارروائی کرکے عدالت میں پیش کرے ۔
سی ڈی اے قانون کے تحت عمل نہ ہوا تو کسی اور ادارے کو یہ معاملہ سونپ دینگے ۔عدالت نے آئی جی اسلام آباد اور آئی جی موٹروے کو دفاتر خالی کرنے کیلئے مزید مہلت دینے سے بھی انکار کردیا ہے اور ان کی درخواست مسترد کردی ۔ دو رکنی بینچ کے سربراہ جسٹس شیخ عظمت سعید نے سخت برہمی کا اظہار کرتے ہوئے ریمارکس دیئے ہیں کہ اگر حکومت نے قانون پر عمل نہیں کرنا تو اسے معطل کردے حکومت بتادے کہ ان پر قانون کا اطلاق نہیں ہوتا وفاقی حکومت کے غیر قانونی کاموں کی توثیق کس قانون کے تحت کریں عملی اقدامات کی رپورٹ پیش کرنے میں ایڈیشنل اٹارنی جنرل ناکام رہے ہیں آئی جی اور دیگر لوگوں کی عمارتیں تعمیر ہونے تک قانون کو معطل کردیں عدالت کو بلیک میل نہ کیاجائے ہمیں وقت دینے کا اختیار نہیں ہے یہ عدالت ہے کوئی رئیل اسٹیٹ کا دفتر نہیں کہ ہم آپ کو عمارتوں کی تبدیلیوں اور دیگر معاملات پر جواب دیتے رہیں ۔(جاری ہے)
شیخ عظمت سعید نے کہا کہ کیا پولیس کا کام قانون پر عمل کرنا نہیں ہے ہم اس طرح کے کاموں کی اجازت نہیں دینگے آپ عدالت کو بلیک میل نہ کریں یہ اب کی بات نہیں ایک عرصے سے یہ سلسلہ شروع ہے اور کسی کے کانوں میں جوں تک رینگتی ۔ کیاسی ڈی اے اپنے قانون پر عملدآرد نہیں کراسکتا ؟ وفاقی حکومت اگر سمجھتی ہے کہ قانون پر عملدرآمد نہیں کراسکتی تو بہتر ہے اسے معطل کردے وفاقی حکومت ہمیں بھی تو بتائے کہ ہم ان کے غیر قانونی کاموں کو کسی طرح توثیق کریں ؟ سی ڈی اے اپنے قوانین پر عملدرآمد کروائے اور جو بھی غیر قانونی کمرشل سرگرمیاں ہیں تجاوزات ہیں وہ فوراً ختم کرکے اس کی رپورٹ عدالت میں پیش کی جائے یہ آئین اور قانون کی بات ہے اس پر ایڈیشنل اٹارنی جنرل نے عدالت سے ایک بار پھر استدعا کی کہ وقت دے دیں ہم دفاتر منتقل کردینگے مسائل ہیں اس پر جسٹس شیخ عظمت سعید نے کہا کہ مسائل اس لئے ہیں کہ آپ قانون پر عمل نہیں کرتے اگر قانون پر عملدرآمد ہوتا تو آج یہ حالات نہ ہوتے بعد ازاں عدالت نے کیس کی مزید سماعت تین مارچ تک ملتوی کرتے ہوئے سی ڈی اے اور وفاقی حکومت سے تحریری جواب طلب کرلیا ہے آئی جی اسلام آباد اور آئی جی موٹروے سے بھی جواب طلب کیا ہے مزید سماعت تین مارچ کو ہوگی
متعلقہ عنوان :
مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.