اردوکی ترویج اورفروغ کیلئے کام کرنیوالے اداروں کی اہمیت سے انکارممکن نہیں ،ان اداروں کو مضبوط بنانے کی ضرورت ہے ‘ عرفان صدیقی
اردوزبان میں کتابوں کی دستیابی ،علاقائی روابط کو بہتربنانے کیلئے ملتان اورکراچی میں اردوسائنس بورڈکے دفاترقائم کیے جائیں‘ وزیراعظم کے مشیر کا اردوسائنس بورڈکا دورہ ،ڈی جی اردوسائنس بورڈمشہوداحمدمرزانے بریفنگ دی
جمعرات 18 فروری 2016 17:55
لاہور ( اُردو پوائنٹ اخبارتازہ ترین - این این آئی۔18 فروری۔2016ء) وزیراعظم کے مشیربرائے قومی تاریخ وادبی ورثہ ڈویژن عرفان صدیقی نے کہاہے کہ اردوکی ترویج اورفروغ کے لیے کام کرنے والے اداروں کی اہمیت سے انکارممکن نہیں اوران اداروں کو مضبوط بنانے کی ضرورت ہے ،اردوزبان میں کتابوں کی دستیابی اورعلاقائی روابط کو بہتربنانے کے لیے ملتان اورکراچی میں اردوسائنس بورڈکے دفاترقائم کیے جائیں۔
ان خیالات کا اظہارانہوں نے گزشتہ روز روز اردوسائنس بورڈکے دورے کے موقع پر گفتگو کرتے ہوئے کیا ۔ ڈائریکٹرجنرل اردوسائنس بورڈمشہوداحمدمرزانے بریفنگ دی۔ عرفان صدیقی کا کہنا تھا کہ اردوزبان قومی سطح پر رابطے کابہترین ذریعہ ہے ۔ سائنسی و فنی علوم کا صحیح فہم وادراک اپنی زبان میں ہی ہوسکتاہے۔(جاری ہے)
سائنسی علوم کو اردوزبان میں ڈھالنامشکل کام ہے لیکن اردوسائنس بورڈ ایک قومی ادارے کی حیثیت سے اس کارنامے کو انجام دینے کے لیے کوشاں ہے۔
اردوزبان میں سائنسی اورٹیکنیکل علوم کے فروغ کے لیے اردوسائنس بورڈکاکرداربڑی اہمیت کا حامل ہے۔انہوں نے بورڈ حکام کو ہدایت کی کہ اردوزبان میں کتابوں کی دستیابی اورعلاقائی روابط کو بہتربنانے کے لیے ملتان اورکراچی میں اردوسائنس بورڈکے دفاترقائم کیے جائیں۔ مشیر وزیراعظم نے اردوزبان کی اہمیت پر زوردیتے ہوئے بورڈانتظامیہ کو ہدایت کی کہ اردوزبان میں علوم کے فروغ کے لیے نئی راہیں تلاش کرکے عملی اقدامات کیے جائیں۔ انہوں نے کہا کہ افرادی قوت کی تربیت اوردینی مدارس کے لیے اردومیں سائنسی مضامین کی کتب کی تیاری پر کام کیاجائے جبکہ ٹیکنیکل ٹریننگ کے اداروں کے اشتراک وتعاون سے تربیتی موادتیارکیاجائے ۔ عرفان صدیقی نے اردوسائنس بورڈکے منصوبوں کی بروقت تکمیل کے لیے وزارت کی طرف سے ہر طرح کے تعاون کا یقین دلایا۔ قبل ازیں ڈائریکٹرجنرل اردوسائنس بورڈمشہوداحمد مرزانے بریفنگ میں بورڈکے جاری اورمستقبل کے منصوبوں کے بارے میں تفصیل سے روشنی ڈالی۔ اس موقع پر ڈائریکٹرسید عاصم حسنین، وزارت اوربورڈکے افسران بھی موجودتھے۔متعلقہ عنوان :
مزید اہم خبریں
-
بھارت: بی جے پی کے اکلوتے مسلم اُمیدوار کون ہیں؟
-
مریم نواز کا پولیس یونیفارم پہننا معاملہ،اندراج مقدمہ کی درخواست پر پولیس سے جواب طلب
-
گھیراوٴ جلاوٴ اور مار دھاڑ کی گندی سیاست نہیں چل سکتی ہے، سعدرفیق
-
سٹاک مارکیٹ کی تیزی معاشی استحکام کی علامت ہیں،محمد اورنگزیب
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.