مولانا فضل الرحمان اور شہبازشریف کی ملاقات

ذیشان حیدر بدھ 17 فروری 2016 21:51

لاہور ( اُردو پوائنٹ تازہ ترین ۔۔ آئی پی اے ۔۔ 17 فروری۔2015ء ) وزیراعلیٰ پنجاب محمد شہبازشریف سے جمعیت علماء اسلام (ف )کے سربراہ مولانا فضل الرحمان نے ملاقات کی ،جس میں باہمی دلچسپی و سیاسی امور کے علاوہ ملک کی مجموعی صورتحال پر بات چیت ہوئی۔اس موقع پر گفتگو کرتے ہوئے شہباز شریف نے کہا کہ وزیراعظم محمد نوازشریف کی قیادت میں اہم قومی امورپرسیاسی جماعتوں کو اعتماد میں لیکرفیصلے کیے گئے ہیں ۔

(جاری ہے)

حکومت ملک میں عوام کی خوشحالی کے مشن پر گامزن ہے ۔وزیراعلیٰ نے کہا کہ تحمل ،برداشت ،رواداری اوربھائی چارے کی جتنی آج ضرورت ہے شایدپہلے کبھی نہ تھی۔ملک کی ترقی و خوشحالی کیلئے ہم سب کو ملکرکام کرنا ہے ۔اجتماعی بصیرت اور مشترکہ کاوشوں کے ذریعے ملک کو مسائل سے نجات دلانا ہے ۔انہوں نے کہا کہ اتحاد اوراتفاق کی قوت سے دہشت گردی اورانتہاء پسندی کے ناسور کا مکمل صفایا کریں گے۔اس موقع پر وفاقی وزیراکرم درانی بھی موجود تھے ۔

Facebook Twitter Google + Share on Whatsapp

مولانا فضل الرحمان اور شہبازشریف کی ملاقات

متعلقہ عنوان :

مزید قومی خبریں