موجودہ حکمران محنت کشوں اور کسانوں کا استحصال کرکے قومی اِداروں کی لُوٹ سیل لگانا چاہتے ہیں، قومی اداروں کی نجکاری قوم کے ساتھ کھلا مذاق ہوگا ،حکومت اپنے محاصل کی وصولی کو بہتر بنائے، وہ قومی اِداروں کی نج کاری اور تاجروں پر نئے ٹیکسز لگانے سے گریز کرے
سابق وزیر اعلیٰ پنجاب چوہدری پرویزالٰہی کی وفد سے ملاقات کے دوران گفتگو
بدھ 17 فروری 2016 17:51
اوکاڑہ (اُردو پوائنٹ اخبارتازہ ترین - آئی این پی۔17 فروری۔2016ء) مسلم لیگ (ق ) کے مرکزی رہنما اورسابق وزیر اعلیٰ پنجاب چوہدری پرویزالٰہی نے کہا ہے کہ موجودہ حکمران محنت کشوں ، مزدوروں اور کسانوں کا استحصال کرکے قومی اِداروں کی لُوٹ سیل لگانا چاہتی ہے، قومی اداروں کی نجکاری قوم کے ساتھ کھلا مذاق ہوگا ،حکومت اپنے محاصل کی وصولی کو بہتر بنائے اور قومی اِداروں کی نج کاری نہ کرے اور تاجروں پر نئے ٹیکسز لگانے سے گریز کرے ۔
وہ بدھ کو یہاں اپنی رہائش گاہ پر مسلم لیگ(ق)یوتھ ونگ ضلع اوکاڑہ کے وفد سے ملاقات کے دوران گفتگو کر رہے تھے۔ چوہدری پرویز الٰہی نے کہا کہ شریف برادران جب بھی اقتدار میں آتے ہیں تو وہ ہمیشہ مزدوروں ، کسانوں اور محنت کشوں کا استحصال ہی کرتے ہیں۔(جاری ہے)
ملک میں بیروزگاری پہلے ہی عروج پر ہے ، لوگ فاقہ کشی سے مجبور ہوکر خودکشیاں کررہے ہیں اور یہ لوگ قومی اِداروں کی نام نہاد نج کاری کرکے اُن کی بندربانٹ کرنا چاہتے ہیں ۔
اِن اِداروں میں کام کرنے والے ہزاروں مزدوروں کے چولہے ٹھنڈا کرکے اُنہیں بے روزگار کرنا چاہتے ہیں ۔جمہوریت عوام سے چھیننے یا اُن کے حقوق پر ڈاکہ ڈالنے کا نام نہیں بلکہ اُنہیں زیادہ سے زیادہ ڈلیور کرنے کا نام ہیں تاکہ عوام سکھ کا سانس لے سکیں مگر حکمران اپنی نااہلی اور کوتاہیاں چھپانے کی خاطر پی آئی اے اور پاکستان سٹیل ملز کو فروخت کرکے ڈنگ ٹپاؤ پالیسی پر گامزن ہے جس سے ملک کا کوئی فائدہ نہیں ۔موجودہ حکومت کے غلط مشیر ہی اُسے بند گلی میں دھکیل رہے ہیں ۔ حکمران ایک طرف کشکول توڑنے کی بات کرتے ہیں تو دوسری طرف وہ آئی ایم ایف کی تمام شرائط پوری کرکے کشکول پکڑے نظر آتے ہیں ۔ گڈگورننس کے نام نہاد نعرے بلند کرکے خود فریبی کا مظاہرہ کیا جارہا ہے ۔ملکی وسائل کو بے رحمی کے ساتھ لوٹا جارہا ہے ، پورے پنجاب کو نظر انداز کرکے سارا ترقیاتی بجٹ رائیونڈاور لاہور پر خرچ کیا جارہا ہے ۔ حکومت کو چاہئے کہ وہ قومی اداروں کی نیلامی کرنے کی بجائے اُن کی تعمیرنو کا کام کرے اور اِن اداروں میں کام کرنے والے ہزاروں خاندانوں کے تحفظ کو یقینی بنائے۔مسلم لیگ (ق) مزدوروں ، محنت کشوں اور کسانوں کا استحصال ہرگز نہیں ہونے دیگی اور اُن کی بقاء کے لئے قدم بہ قدم ساتھ ہوگی ۔متعلقہ عنوان :
مزید اہم خبریں
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.