کراچی ( اُردو پوائنٹ اخبارتازہ ترین - این این آئی۔16 فروری۔2016ء ) متحدہ قومی موومنٹ ( ایم کیو ایم ) کے رکن محمد حسین خان نے منگل کو ایک تحریک استحقاق پیش کی ، جس میں کہا گیا کہ سندھ اسمبلی نے 25 فروری 2014 کو ایک تحریک منظور کی تھی ، جس میں مطالبہ کیا گیا تھا کہ سندھ میں پیدا ہونے والی گیس دوسرے صوبوں کو فراہم کرنے سے پہلے ترجیحاً سندھ کو فراہم کی جائے ۔
محمد حسین خان نے کہا کہ
سندھ میں
گیس کی قلت ہے ۔ گھروں میں بھی
گیس کی
لوڈشیڈنگ ہو رہی ہے حالانکہ ملک کی
گیس کی کل پیداوار میں 70 فیصد گیس
سندھ سے پیدا ہوتی ہے ۔ سینئر وزیر تعلیم و پارلیمانی امور نثار احمد کھوڑو نے کہا کہ اسمبلی کی تحریک پر
سندھ اسمبلی سیکرٹریٹ نے بھی خطوط لکھے ہیں ۔ وزیر اعلیٰ
سندھ اور
سندھ حکومت کے دیگر حکام نے بھی وفاقی حکومت سے رابطہ کیا ہے ۔
(جاری ہے)
محمد حسین خان کی یہ تحریک استحقاق قواعد کے مطابق نہیں ۔ سینئر وزیر خزانہ و توانائی سید مراد علی شاہ نے کہا کہ
سندھ حکومت سو نہیں رہی ہے ۔
سندھ نے یہ مسئلہ مشترکہ مفادات کی کونسل ( سی سی آئی ) میں اٹھایا ہوا ہے ۔ 11 ماہ سے سی سی آئی کا اجلاس نہیں بلایا گیا حالانکہ آئین کے تحت 90 دن میں ایک مرتبہ یہ اجلاس بلانا ضروری ہے ۔ آئین پر عمل نہ کرنے کی سزا آئین کے آرٹیکل ۔
6 میں ہے ۔ انہوں نے کہا کہ وزیر اعلیٰ
سندھ نے
گیس کے ایشو پر وزیر اعظم کو کئی خطوط لکھے ہیں ۔ میں نے بھی وفاقی حکومت کو کئی خطوط لکھے ہیں ۔ انہوں نے کہا کہ بدھ کو ایکنک کا اجلاس ہو رہا ہے ، جس میں دو ایل این جی پاور پروجیکٹس کی منظوری بھی ایجنڈے میں شامل ہے ۔
سندھ حکومت ان پاور پروجیکٹس کی مخالفت کرے گی کیونکہ ایل این جی کی درآمد اور پاور پروجیکٹس کی سی سی آئی سے اجازت نہیں لی گئی ۔
سید مراد علی شاہ نے تجویز دی کہ
گیس کے ایشو پر
سندھ اسمبلی تحریک التواء پیش کرکے تفصیلی بحث کی جائے ۔ محمد حسین خان نے کہا کہ بجلی کی رائلٹی لینے کے لیے خیبرپختونخوا کے وزیر اعلیٰ اور وزراء نے وزیر اعظم ہاؤس کے سامنے دھرنا دیا ۔
سندھ حکومت ایسا کیوں نہیں کر سکتی ۔ سینئر وزیر نثار احمد کھوڑو نے کہا کہ وفاقی حکومت سی سی آئی کا اجلاس کیوں نہیں بلاتی ہے اور
سندھ کو اس کا آئینی حق کیوں نہیں دیتی ہے ۔
اسپیکر نے محمد حسین سے کہا کہ وہ اس معاملے پر تحریک التواء پیش کریں ۔ بعد ازاں مسلم لیگ (فنکشنل) کی خاتون رکن نصرت سحر عباسی نے اپنی تحریک التواء پیش کی ، جسے اسپیکر نے خلاف ضابطہ قرار دے دیا ۔ تحریک التواء میں کہا گیا تھا کہ تھر میں سیکڑوں آر او پلانٹس ناکارہ پڑے ہیں ، جن پر حکومت
سندھ نے اربوں روپے خرچ کیے تھے ۔
