ڈریپ کا بجٹ بڑھانے سے اس ادارے کا معیار نہیں بڑھا، نجی شعبہ سے اعلیٰ افسران کی حاصل کرنے کا تجربہ بھی ناکام ہو گیا ہے،ادویات کا معیاربہتر بنانے کیلئے ریگولیٹر اپنا کردار ادا کرے،پاکستان جعلی ادویات بنانے والوں کی جنت بن چکا ہے
سوسائٹی واچ کے صدر خالد محمود کا بیان
اتوار 14 فروری 2016 16:05
اسلام آباد(اُردو پوائنٹ اخبارتازہ ترین - آئی این پی۔14 فروری۔2016ء) سوسائٹی واچ کے صدر خالد محمودنے کہا ہے کہ ڈرگ ریگولیٹری اتھارٹی آف پاکستان (ڈریپ) کا بجٹ بڑھانے سے اس ادارے کا معیار نہیں بڑھا۔ سالہا سال سے خدمات سرانجام دینے والے سرکاری افسران کے بجائے نجی شعبہ سے بھاری تنخواہوں پر اعلیٰ افسران کی خدمات حاصل کرنے کا تجربہ بھی ناکام ہو گیا ہے اور اس سے ادارے پر مالی بوجھ بڑھنے کے علاوہ کوئی مقصد حاصل نہیں کیا جا سکا ہے۔
یہ ادارہ غیر فعال ہو چکا ہے جسکا ثبوت فارماسیوٹیکل کمپنیوں کی جانب سے غیر قانونی طور پر ادویات کی قیمت میں من مانا اضافہ ہے جو عوام پر ظلم ہے۔ خالدمحمود نے یہاں جاری ہونے والے ایک بیان میں کہا کہ پاکستان کی فارما انڈسٹری تیزی سے ترقی کر رہی ہے مگر انکی مصنوعات کا معیار تسلی بخش نہیں۔(جاری ہے)
ملک میں اس وقت چھ سو دوا ساز ادارے کام کر رہے ہیں مگرعالمی ادارہ صحت یا ایف ڈی اے نے کسی ایک کے معیار کی تصدیق نہیں کی ہے جسکی وجہ سات فیصد کے شرح سے ترقی کرنے والی مقامی فارما انڈسٹری کی منافع خوری، ریگولیٹرز اور ڈاکٹروں کی ملی بھگت ہے۔
دوسری طرف بھارت میں ڈھائی سو کے قریب کمپنیاں ان اداروں سے تصدیق شدہ ہیں۔ عالمی امدادی ادارے پاکستان میں مستحقین میں میں تقسیم کی جانے والی ادویات بھی دوسرے ملکوں سے خریدتے ہیں۔ ان اداروں کا کہنا ہے کہ وہ پاکستان سے ادویات خریدنا چاہتے ہیں تاکہ مقامی معیشت ترقی کر سکے مگر انکا معیاربڑی رکاوٹ ہے۔ منافع پر معیار کوترجیح دینے سے صورتحال بدل جائے گی جس میں ریگولیٹر کا کردار بنیادی ہے۔ اسکے علاوہ پاکستان جعلی ادویات کی بھی بڑی منڈی ہے جسکا حجم روک ٹوک نہ ہونے کی وجہ سے پھیلتا جا رہا ہے۔ عالمی ادارہ صحت کے مطابق سالانہ دس لاکھ افراد جعلی ادویات استعمال کر کے لقمہ اجل بن جاتے ہیں۔معاملات کو بہتر بنانے میں مریضوں، انکے لواحقین، میڈیکل سٹور مالکان اور ڈاکٹر بھی اپنا کردار ادا کریں۔مزید قومی خبریں
-
بلاول بھٹو زرداری کی کراچی میں غیرملکیوں کی گاڑی پر دہشتگردانہ حملے کی شدید مذمت
-
لاہور ہائیکورٹ نے پولیس کو چوہدری پرویز الہی کے حامیوں کو ہراساں کرنے سے روک دیا
-
صدرمملکت آصف علی زرداری سے بینکنگ محتسب پاکستان سراج الدین عزیز کی ملاقات، ادارے کی سالانہ رپورٹ پیش کی
-
موسمی صورتحال کے پیش نظر ملکی غیر ملکی فضائی آپریشن متاثر ، مسافروں کا تحفظ ہماری ترجیح ہے، ترجمان پی آئی اے
-
اسپیکر نے معطل ارکان کی رکنیت بحال کرنے کی یقین دہانی کروائی ہے، شیرافضل مروت
-
وزیردفاع ودفاعی پیداوارسے ترکیہ کے چیف آف جنرل سٹاف جنرل کی ملاقات
-
حکومت اپنی مدت پورے کرے گی ، ہم اس کے ساتھ ہیں ،قمرالزمان کائرہ
-
قومی اسمبلی کے سپیکر و ڈپٹی سپیکر کی کراچی میں غیر ملکیوں پر خودکش حملے کی مذمت
-
نرسنگ کے شعبہ کی بہتری کیلئے اصلاحات لا رہے ہیں،معیار کو بہتر بنانے کیلئے جدید تربیت کو ترجیح دی جائیگی‘خواجہ سلمان رفیق
-
واپڈا نے منگلا بحالی اور اپ گریڈیشن منصوبے کے ایک اور پیکیج کے لئے کنٹریکٹ ایوارڈ کردیا
-
ریلویز میں جدید ٹیکنالوجی پر مبنی فیول مینیجمنٹ سسٹم کا آغاز ہو گیا
-
محمدنواز شریف کے سمدھی ڈاکٹر مرزا آصف بیگ انتقال کر گئے،مرحوم سپرد خاک
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.