گرفتار ملزم کا سانحہ صفورا کے ملزمان سے رابطے کا انکشاف

Fahad Shabbir فہد شبیر اتوار 14 فروری 2016 12:55

گرفتار ملزم کا سانحہ صفورا کے ملزمان سے رابطے کا انکشاف

کراچی(اُردو پوائنٹ اخبار تازہ ترین۔14فروری۔2016ء)کراچی کے علاقےصدرمیں پولیس اور حساس اداروں نے مشترکہ کارروا ئی کرکے القائدہ بر صغیر سے تعلق رکھنے والے دہشتگرد کو گرفتار کرلیا۔ ملزم نے سانحہ صفورا کے مرکزی کرداروں سے رابطہ کا بھی انکشاف کیا ہے۔ گرفتار دہشت گرد کی شناخت عثمان خان کے نام سےہوئی ہے۔

(جاری ہے)

ذرائع کے مطابق ابتدائی تفتیش میں ملزم نے اعتراف کیا ہے کہ اس کا سانحہ صفورا کے مرکزی کرداروں سے بھی رابطہ تھا اور اس نےمختلف موقعوں پر مرکزی ملزمان سعد عزیز اور اسکے ساتھیوں کو معاونت بھی فراہم کی ۔

تفتیشی ذرائع کے مطابق گرفتارملزم پیشے کے اعتبار سے دانتوں کا ڈاکٹر ہےاور وہ شہر کے مختلف علاقوں سے بھتے کی جمع ہونے والی رقم القاعدہ کو پہنچاتا تھا۔ ملزم کے قبضے سے ایک کلاشنکوف اور 9 گولیاں بھی برآمد ہوئی ہیں۔ ملزم سے مزید پوچھ گچھ جاری ہے۔