مسلمانوں میں گروہ بندیوں اور فرقہ وارانہ تشدد سے اسلام دشمن قوتیں فائدے اٹھا رہی ہیں‘علماء انبیاء کے وارث ہیں‘ وہ اصلاح کیلئے اپنی ذمہ داریاں ادا کریں‘مفتی اعظم فلسطین کا یہ بیان درست ہے کہ داعش جیسی تنظیموں کا مقصد فلسطینی و کشمیری مسلمانوں کی جدوجہد کمزور کرناہے‘ملک میں تکفیر اور خارجیت کا فتنہ منظم منصوبہ بندی کے تحت پروان چڑھا جارہاہے‘ کفر کے فتوے لگا کر قتل و غارتگری درست نہیں‘ بھارت میں کشمیری طلباء پر بغاوت کے مقدمے مودی سرکار کی بوکھلاہٹ کی دلیل ہے
امیر جماعۃالدعوۃ پاکستان پروفیسر حافظ محمد سعید کی کارکنان و ذمہ داران کے مختلف وفود سے بات چیت
ہفتہ 13 فروری 2016 20:09
لاہور(اُردو پوائنٹ اخبارتازہ ترین - آئی این پی۔13 فروری۔2016ء) امیر جماعۃالدعوۃ پاکستان پروفیسر حافظ محمد سعید نے کہا ہے کہ مسلمانوں میں گروہ بندیوں اور فرقہ وارانہ تشدد سے اسلام دشمن قوتیں فائدے اٹھا رہی ہیں۔علماء انبیاء کے وارث ہیں‘ وہ اصلاح کیلئے اپنی ذمہ داریاں ادا کریں۔مفتی اعظم فلسطین کا یہ بیان درست ہے کہ داعش جیسی تنظیموں کا مقصد فلسطینی و کشمیری مسلمانوں کی جدوجہد کمزور کرناہے۔
ملک میں تکفیر اور خارجیت کا فتنہ منظم منصوبہ بندی کے تحت پروان چڑھا جارہاہے۔ کفر کے فتوے لگا کر قتل و غارت گری درست نہیں۔ بھارت میں کشمیری طلباء پر بغاوت کے مقدمے مودی سرکار کی بوکھلاہٹ کی دلیل ہے۔ کارکنان و ذمہ داران کے مختلف وفود سے گفتگو کرتے ہوئے انہوں نے کہاکہ آج کا دورفتنوں کا دور ہے۔(جاری ہے)
حالات کا تقاضا ہے کہ ہم جہاد کا اسلامی مفہوم دنیا کے سامنے رکھیں تاکہ اسلام دشمن قوتوں اور داعش جیسی تنظیموں کے پروپیگنڈے کاتوڑ ہوسکے۔
داعش سے وابستہ لوگ فتنہ تکفیر اور خارجیت کا شکار ہیں‘ ان کا اسلام سے کوئی تعلق نہیں۔ دنیائے کفر باعمل مسلمانوں سے خائف ہے۔ مسلمانوں کو فرقہ واریت سے اجتناب کرتے ہوئے کلمہ طیبہ کی بنیاد پر اکٹھے ہونے کی ضرورت ہے۔انہوں نے کہاکہ فرقہ واریت سے پیدا ہونے والا تشدد اور مسلمانوں میں پڑنے والی دراڑوں سے دشمن ہماری صفوں میں داخل ہوئے ۔مسلمانوں میں باہمی اتحادویکجہتی کا ماحول ہونا چاہیے اور اتحاد کو اپنے ایمان کا حصہ بنانا چاہیے۔مسلم امہ کو متحد ہو کر دشمنان اسلام کی سازشیں ناکام بنانے کی ضرورت ہے۔حافظ محمد سعید نے کہاکہ جماعۃالدعوۃ ‘سندھ، بلوچستان ودیگر علاقوں میں بلاتفریق رنگ ، نسل اور مذہب انسانیت کی خدمت کر رہی ہے۔ ماضی میں بعض غیر ملکی مشنری ادارے خدمت کی آڑ میں مسلمانوں کے عقیدے و ایمان برباد کرتے تھے لیکن اﷲ کا شکر ہے کہ اب وہ کیفیت نہیں ہے۔ جماعۃالدعوۃ کے رضاکاروں کی کوشش ہوتی ہے کہ دور دراز کے علاقوں میں پہنچ کر لوگوں کی خدمت کی جائے۔ انہوں نے کہاکہ اسلام دشمن قوتوں کو جماعۃالدعوۃ کی ریلیف سرگرمیاں بھی برداشت نہیں ہیں۔ انہیں اس بات سے بھی سخت تکلیف ہے کہ یہ جماعت مسلمانوں کو اپنے قدموں پر کھڑا ہونے اور دین اسلام کے غلبہ کیلئے اس کی ترویج و اشاعت کی بات کرتی ہے۔ یہی وجہ ہے کہ وہ ہمارے خلاف بے بنیاد پروپیگنڈے کر رہے ہیں۔انہوں نے کہاکہ پاکستان اﷲ کی بہت بڑی نعمت ہے۔ اس کا تحفظ ہم سب پر فرض ہے۔ انہوں نے کہاکہ انگریز نے مسلمانوں میں لادینیت پھیلانے کیلئے بہت کوششیں کی ہیں۔ان کی پروردہ این جی اوز نے ایسے تعلیمی ادارے بنائے جہاں نصابوں سے قرآن پاک اور سیرت رسولؐ کو نکال دیا گیاتاکہ یہاں سے پڑھنے والے لوگ ان کیلئے کام کریں۔ضرورت اس امر کی ہے کہ ایسے تعلیمی ادارے بنائے جائیں جہاں سائنس وٹیکنالوجی کے ساتھ ساتھ کتاب و سنت کی بھی تعلیم دی جائے۔ہمیں بچوں کوعلوم و فنون سکھانے کی طرح انہیں اسلامی شریعت بھی پڑھانی چاہیے تاکہ وہ ذہنی طور پر بیرونی قوتوں کے غلام نہ ہوں اورصحیح معنوں میں امت مسلمہ کی خدمت کر سکیں۔انہوں نے کہاکہ اسلام چند عبادات کے مجموعے کا نام نہیں ہے۔ نماز، روزہ، حج اور زکوٰۃ کی طرح مسلمانوں کا ہر عمل کتاب و سنت کے تابع ہونا چاہیے۔نبی اکرم ؐنے اپنی امت کویہ تعلیم دی ہے کہ پوری زندگی کو اﷲ کی عبادت بنانا ہے‘ یہ توحید ہے۔ ہم نے مسلمانوں کو ایک امت بنانا ہے الگ الگ فرقے اور پارٹیاں نہیں بنانیں۔ جب نبیؐ کی دعوت ہوگی توفرقہ واریت ختم ہوجائے گی۔متعلقہ عنوان :
مزید اہم خبریں
-
حسن اور حسین نواز کی بریت سے متعلق فیصلہ محفوظ
-
کراچی سے فورسز پر حملوں میں ملوث دہشت گرد گرفتار
-
ریٹائرمنٹ کے بعد قانونی رکاوٹ توڑنے اور غلط بیانی کا کیس
-
سیاسی اور معاشی استحکام عمران خان کے بغیر نہیں آسکتا
-
مینار پاکستان پر کبوتر اڑانے والے کے ہاتھوں کے طوطے اڑ گئے ہیں‘شوکت بسرا
-
دوسری شادی کیلئے پہلی بیوی سے اجازت ضروری نہیں، فتویٰ جامعہ نعیمیہ
-
تنخواہوں کی مد میں 513ارب73کروڑ ،392ارب10کروڑ پنشن کی مد میں خرچ ہونگے
-
کسانوں کو ٹیوب ویل کے لئے سولر پینل دینے کا اصولی فیصلہ،مریم نوازشریف نے پلان طلب کرلیا
-
عارضی اقدامات کافی نہیں ،پرائس کنٹرول کے لئے ٹھوس پالیسی لائی جائے‘محمد نوازشریف
-
صوبائی کابینہ کا دوسرا اجلاس، بجٹ کی منظوری ،تاریخ کا بہترین رمضان پیکیج پیش کرنے پرمریم نوازشریف کو خراج تحسین
-
وزیراعلی پنجاب اورمحمد نواز شریف کی زیر صدارت خصوصی اجلاس،زراعت سے متعلق امور پر غور
-
ایف آئی اے کو درخواست دی ہے مجھے کچھ ہوا تو ذمہ دارشہباز شریف، مریم نوازہوں گے، شیر افضل مروت
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.