وکیل تجمل شبیر قریشی کیخلاف تشدد اور اغواء کا مقدمہ،وکلاء سراپا احتجاج ،ایوان عدل کا گیٹ بند
وکلاء نے عدالتوں پیش ہونے سے انکار کر دیا ،جھوٹا مقدمہ واپس لینے کا مطالبہ
ہفتہ 13 فروری 2016 14:22
ڈیرہ غازیخان(اُردو پوائنٹ اخبارتازہ ترین - آن لائن۔13 فروری۔2016ء) تھانہ بی ڈویثرن ایس ایچ او سیف اللہ خان جوئیہ کی طرف سے وکیل تجمل شبیر قریشی کے خلاف پولیس کانسٹیبل کو اغواء کرنے اور اس پر تشدد کا مقدمہ درج کرکے گرفتار کرنے پر وکلاء سراپا احتجاج بن گئے پولیس کی گردی کے خلاف نعرے لگاتے ضلع کچہری روڈ ایوان عدل کے سامنے شدید احتجاج ایوان عدل گیٹ کو بند کرکے تالا لگادیا اور ضلع کچہری میں وکلاء نے واقعے کے خلاف مکمل ہڑتال کی پولیس کے خلاف شدید نعرہ بازی اور جھوٹامقدمہ خارج کرکے وکیل تجمل قریشی کی رہائی کا مطالبہ تفصیلات کے مطابق تجمل قریشی کے خلاف تھانہ بی ڈویثرن میں ایس ایچ او سیف اللہ جوئیہ کی طرف سے زیر دفعہ365/353/186:ت پ مقدمہ درج کیا گیا اور اسے گرفتار کرکے حوالات میں بند کردیا گیا مقدمہ میں پولیس کا موقف تھا کہ وکیل تجمل شبیر قریشی مانکہ روڈ پر بغیر نمبر پلیٹ سوزوکی مہران کار میں جارہے تھے گشت پر موجود پولیس نے روکا تو انہوں نے کار بھگا دی مشکوک کار دیکھ کر موٹرسائیکل سوار پولیس کانسٹیبل مزمل حسین ،خرم اسماعیل نے پیچھا کرکے کار کو روکا اور کار کی تلاشی لینا چاہی تو مذکورہ وکیل نے ساتھی کے ہمراہ مزمل حسین کو زدوکوب کرتے ہوئے کار میں ڈال کر اغواء کرتے ہوئے کار بھگا دی جس کو ہم نے تعاقب کرکے تونسہ روڈ پر کار روک کر مزمل حسین کو بازیاب کرایا اور وکیل تجمل شبیر قریشی کو گرفتار کیا اس کا ساتھی دانش بھی پکڑا گیا واقعے کی اطلاع ملتے ہی بیسیوں وکلاء احتجاج کرتے ہوئے اور پولیس کے خلاف نعرے لگاتے ضلع کچہری روڈ ایوان عدل گیٹ پرجمع ہوگئے اور ضلع کچہری میں وکلاء نے مکمل ہڑتال کرتے ہوئے ضلع کچہری روڈ بلاک کردی اس موقع پر ممبر پنجاب بار کونسل سردار عارف خان گورمانی کی قیادت میں وکلاء نے ایوان عدل گیٹ کو تالا لگا کر بند کردیا جبکہ بارصدر بہرام خان بزدار ،جنرل سیکرٹری محمد اظہر خان سکھانی ،وکلاء کی بڑی تعداد کے ہمراہ احتجاج کرتے رہے ممبر پنجاب بار کونسل سردار عارف خان گورمانی ،بار جنرل سیکرٹری محمد اظہر خان سکھانی کا مطالبہ تھا کہ وکیل تجمل شبیر قریشی کے خلاف جھوٹا مقدمہ فوری خارج کرکے انہیں رہا کیاجائے ورنہ احتجاج کا دائرہ وسیع کردینگے ایس ایچ او سیف اللہ جوئیہ نے پولیس گردی کی اور اس کا رویہ انتہائی درشت تھا اسے فوری معطل کیاجائے۔
متعلقہ عنوان :
مزید اہم خبریں
-
2 سال ہو گئے،دوسرے ملک سے تو معلومات نہیں مانگ رہے،جسٹس محسن اخترکیانی کے ریمارکس
-
سموسہ فروش کی 2 بیٹیاں کمیشن پاس کرکے گزیٹڈ آفیسر بن گئیں
-
یو اے ای اور پاکستان میں عید الفطر کی تاریخ سے متعلق پیش گوئی کر دی گئ
-
پاکستان میں ایکس کی بندش دوسرے ماہ میں داخل
-
پاک افغان سرحد پر کشیدگی کے بعد لڑائی رُک گئی ہے، طالبان حکومت
-
پوٹن کا دوبارہ انتخاب، روس میں کون سی تبدیلیاں آ سکتی ہیں؟
-
حسن اور حسین نواز فلیگ شپ،ایون فیلڈاور العزیز ریفرنسز سے بری
-
پرویز الٰہی جیل واش روم میں گر گئے،فریکچر ہوگیا،جیل رپورٹ
-
پاکستان کیلئے ایک اوربڑا اعزاز
-
کور کمیٹی میں اندرونی معاملات پر بات ہوئی، کسی پر کوئی پابندی نہیں لگی، بیرسٹر گوہر
-
زین قریشی کومریم نوازسے پوچھنے کی بجائے خود شرم سے ڈوب مرنا چاہیے‘ عظمیٰ بخاری
-
قدرتی آفات سے پیداہونے والی صورتحال سے نمٹنے اور لوگوں کے ریسکیو و مدد کےلئے جامع لائحہ عمل ضروری ہے،امداد کو شفاف انداز سے لوگوں تک پہنچایا جائے،حالیہ طوفانی بارشوں کے متاثرین کو کسی قیمت اکیلا ..
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.