ہسپتالوں میں اصلاحات کے منصوبے سے پیچھے نہیں ہٹوں گا، سرکاری ہسپتالوں کو بھی نجی ہسپتالوں کی طرح کام کرنا چاہئے ، ملکی معیشت نیچے اور نواز شریف کا کاروبار اوپر جارہا ہے، وزیر خزانہ کے دبئی میں اربوں روپے کے اثاثے ہیں ، شریف برادران کے اشتہار سرکاری خرچے پر لگ رہے ہیں، اشتہاروں سے بجلی بن رہی ہے، عملاً کچھ نہیں ہورہا، وزیراعظم عوام پر ظلم نہ کریں
تحریک انصاف کے چیئرمین عمران خان کا انتخابی جلسے سے خطاب
جمعرات 11 فروری 2016 17:30
گوجرانوالہ (اُردو پوائنٹ اخبارتازہ ترین - آئی این پی۔11 فروری۔2016ء) پاکستان تحریک انصاف کے چیئرمین عمران خان نے کہا ہے کہ ہسپتالوں میں اصلاحات کے منصوبے سے پیچھے نہیں ہٹوں گا، خواہش ہے سرکاری ہسپتال بھی نجی ہسپتالوں کی طرح کام کریں، پاکستان کی معیشت نیچے اور نواز شریف کا کاروبار اوپر جارہا ہے، اسحاق ڈار کے دبئی میں اربوں روپے کے اثاثے ہیں،نواز شریف سے سوال کرنا عوام کا حق ہے دونوں بھائیوں کے اشتہار سرکاری خرچے پر لگ رہے ہیں، اشتہاروں سے بجلی بن رہی ہے اصل میں کچھ نہیں ہورہا، میاں صاحب ظلم نہ کریں اگر اپنی شکل اخباروں میں دکھانی ہے تو اشتہاروں پر پیسہ بھی اپنی جیب سے لگائیں۔
وہ جمعرات کو یہاں انتخابی جلسے سے خطاب کر رہے تھے۔ عمران خان نے کہا کہ میری خواہش ہے کہ پاکستان کو اسلامی فلاحی ریاست بناؤں،نواز شریف کا منصوبہ غربت ختم کرنا نہیں بڑے منصوبے بنانا ہے، ان کے آنے سے امیر مزید امیر اور غریب ، غریب تر ہوتا جارہا ہے۔(جاری ہے)
انہوں نے کہا کہ ہم نے کے پی کے میں ہسپتال ٹھیک کرنے کا بیڑا اٹھایا ہے اور ہسپتالوں میں اصلاحات کے منصوبے سے پیچھے نہیں ہٹوں گا، خواہش ہے سرکاری ہستپال بھی نجی ہسپتالوں کی طرح کام کریں، چاہے حکومت چھوڑنی پڑجائے مگر اصلاحات کا کام نہیں رکے گا۔
انہوں نے کہا کہ مغرب میں غریبوں کے بچوں کو مفت تعلیم دی جاتی ہے اگر اورنج لائن ٹرین کے 200 ارب تعلیم پر خرچ کیے جاتے تو کوئی بچہ تعلیم سے محروم نہ رہتا۔ حکمران بادشاہت کررہے ہیں اسی لیے اپنے بچوں کو تیار کررہے ہیں۔ عمران خان نے کہا کہ پاکستان کی معیشت نیچے اور نواز شریف کا کاروبار اوپر جارہا ہے، اسحاق ڈار کے دبئی میں اربوں روپے کے اثاثے ہیں،نواز شریف سے سوال کرنا عوام کا حق ہے دونوں بھائیوں کے اشتہار سرکاری خرچے پر لگ رہے ہیں، اشتہاروں سے بجلی بن رہی ہے اصل میں کچھ نہیں ہورہا، میاں صاحب ظلم نہ کریں اگر اپنی شکل اخباروں میں دکھانی ہے تو اشتہاروں پر پیسہ بھی اپنی جیب سے لگائیں۔ انہوں نے کہا کہ 22 تاریخ کے الیکشن میں بادشاہت اور نئے پاکستا ن میں مقابلہ ہوگا۔مزید قومی خبریں
-
ہم نے ہمیشہ عدالتوں کا احترام کیا ، پاکستان نے ہمیشہ کشمیراور فلسطین کے مسئلہ کو ہر فورم کر اجاگر کیا ہے، فیصل کریم کنڈی
-
زبانی، تحریری طلاق پر قانون کیا کہتا ہے ہائی کورٹ کا عدت نکاح کیس میں سزا کیخلاف اپیل پراستفسار
-
بدین میں 2 نوعمرلڑکوں کا گینگ ریپ، پولیس اہلکار اورسیاستدان کیخلاف مقدمات درج
-
پشاو،بڈھ بیرپولیس کی کارروائی، چوری میں ملوث ملزم گرفتار
-
صوابی ، گھریلو تنازعے پر بھائی نے بھا ئی کوقتل کردیا
-
حکومت گندم خریدنے کے ہدف میں4 ملین ٹن کا اضافہ کرے ‘ جمشید اقبال چیمہ
-
ایرانی صدر کی کراچی آمد،سکیورٹی ڈویژن کے 800سے زائد اہلکارتعینات
-
ایبٹ آباد میں پروٹیکٹوریٹ آف امیگرینٹس کا دفتر جون 2024ء سے اپنا کام شروع کر دے گا، اعظم نذیرتارڑ
-
وفاقی حکومت کی طرف سے منڈا، داسو اور دیامر بھاشا ڈیموں کے منصوبوں کی تعمیر پر کام جاری ہے، یہ بروقت مکمل ہونگے، اعظم نذیر تارڑ
-
ای بائیکس پورٹل کے ذریعے 1 لاکھ سے زائد طلبہ نے رجسٹریشن کروالی
-
پتوکی،مسلح ملزمان 22سالہ لڑکی کو اسلحہ کے زور پر اغوا کرکے فرار
-
سعد رفیق کا اپنی پرانی تقریر ایڈٹ کرکے جاری کرنے پر قانونی کارروائی کا اعلان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.