پاکستان جمہوری اتحاد کی سنٹرل ایگزیکٹو کمیٹی کے سینئر رکن مرزا محمد رفیق (ہاوٴسنگ کالونی والے) انتقال کرگئے

چیچہ وطنی(اُردو پوائنٹ اخبارتازہ ترین - این این آئی۔11 فروری۔2016ء) پاکستان جمہوری اتحاد کی سنٹرل ایگزیکٹو کمیٹی کے سینئر رکن مرزا محمد رفیق (ہاوٴسنگ کالونی والے) انتقال کرگئے،مرحوم پچھلے کچھ عرصہ سے علیل تھے جنہیں تشویشناک حالت کے پیش نظر کمبائنڈ ملٹری ہسپتال لاہور منتقل کیا گیا تھا جہاں وہ خالق حقیقی سے جاملے،پاکستان جمہوری اتحاد نے اپنے سینئر رہنما کی رحلت پر گہرے رنج وغم کا اظہار کرتے ہوئے مرحوم کے درجات کی بلندی کی دعا کی ہے،پی جے آئی کے مرکزی صدر محمد جمیل ملک،سینئر نائب صدر چودھری محمد اعظم حسرت،سیکرٹری جنرل رانا عاطف حمید،سیکرٹری اطلاعات شیخ شاہد حسین،نائب صدر فیاض حسین،فنانس سیکرٹری شکیل احمد، ایڈیشنل سیکرٹری احتشام نوید شامی، نائب صدر ساہیوال ڈویژن حاجی ولی محمد دادڑہ ،ڈپٹی سیکرٹری اطلاعات امتیاز احمدچودھری اور دیگر مرکزی ،صوبائی و مقامی عہدیداران نے مرحوم رہنما کے صاحبزادوں پرنسپل وو کیشنل ٹریننگ انسٹی ٹیوٹ ہڑپہ مرزا الفت رسول،ڈاکٹر شاہد رفیق مرزا اور ڈاکٹر علی رفیق مرزا سے اظہار تعزیت کرتے ہوئے سوگوار خاندان سے دلی ہمدردی کا اظہار کیا اور پارٹی کیلئے انکی خدمات کو شاندار الفاظ میں خراج تحسین پیش کیا،مرحوم کو آج 12فروری کو چیچہ وطنی کے مرکزی قبرستان میں سپرد خاک کیا جائیگا،پاکستان جمہوری اتحاد نے اپنے بزرگ رہنما کی وفات کے سوگ میں تین روز کیلئے پارٹی پرچم سرنگوں رکھنے کا اعلان کیا ہے۔