انسانی جان کی قیمت 2000روپے

قتل کی وارادت کے لیے 2ہزار روپے ملتے تھے‘ قتل کرنے کے بعد لاشیں لیاری ندی میں پھینک دی جاتی: جاوید پنجابی کا انکشاف

Mian Nadeem میاں محمد ندیم جمعرات 11 فروری 2016 14:18

انسانی جان کی قیمت 2000روپے

کراچی(ا ردو پوائنٹ اخبارتازہ ترین-انٹرنیشنل پریس ایجنسی۔ 11فروری۔2016ء) کراچی میں قانون نافذاداروں کے ہاتھوں گرفتار ملزم جاوید پنجابی نے انکشاف کیا ہے کہ اس کو قتل کی وارادت کے لیے 2ہزار روپے ملتے تھے۔ملزم جاوید پنجابی گینگ وار کمانڈر ریاست کا قریبی ساتھی ہے،ملزم کی گئی تحقیقات کی رپورٹ منظرعام پرآگئی ہے۔گرفتار گینگ وار کارندے جاوید پنجابی نے اپنی تحقیقاتی رپورٹ میں انکشاف کیا ہے کہ بھتہ نہ دینے والے اور مخالفین کو قتل کرتا تھااورمخالفین کا قتل ساتھی ملزم اور گینگ وار کمانڈر ریاست کے کہنے پرکرتا تھا ،گرفتار ملزم جاویدنے انکشاف کیا کہ ایک شخص کے قتل پر ملزم ریاست مجھے2 ہزار روپے دیتا تھا اوراس کے گروہ میں 16 افراد ہیں جو متعدد پولیس مقابلے میں مارے جا چکے۔

ہلاک ملزمان میں سلطان آغا، جمیل جھانکا ،کامران کاموشامل ہیں جبکہ فضل ڈاڈا ،انور ہڈی، احسن سندھی ،طارق بالا،سلمان،وسیم گنجا،زبیر،عامر بلوچ ،ملزم شکیل،عارف اکبر،گڈو،کریم زندہ ہیں،ملزم نے مزید بتایا کہ قتل کرنے کے بعد لاشیں لیاری ندی میں پھینک دی جاتی تھیں۔

(جاری ہے)

ملزم کی نشاندہی پر قانون نافذ کرنے والے ادارو ں نے خواجہ غریب نواز کالونی میں کارروائی کرتے ہوئے زمین میں دفن بھاری تعداد میں اسلحہ برآمد کیا تھا،برآمد کیے گئے اسلحہ میں جی 3،کلاشنکوف کوف،نائن ایم ایم پستول اور سیکڑوں گولیاں شامل ہیں۔ملزم کے دیگر ساتھیوں کی گرفتاری کے لیے چھاپے مارے جاررہے ہیں۔

متعلقہ عنوان :