وزیر اعلی سے سمن آباد میں فائرنگ کے واقعہ میں جاں بحق ہونے والے دو بھائیوں کے ورثاء کی ملاقات
آپ کے لخت جگر تو واپس نہیں لا سکتا لیکن انصاف ضرور دلاؤں گا ،واقعہ کی تحقیقات سو فیصد میرٹ پر ہو گی ، ملزمان قانون کے مطابق قرار واقعی سزا سے بچ نہیں پائیں گے، علاج معالجہ یا ریسکیو1122کی فراہمی میں کوتاہی برتنے والوں کے خلاف بھی کارروائی ہو گی ‘وزیر اعلی پنجاب
بدھ 10 فروری 2016 22:01
لاہور(اُردو پوائنٹ اخبارتازہ ترین - این این آئی۔10 فروری۔2016ء ) وزیر اعلی پنجاب محمد شہباز شریف سے سمن آباد میں فائرنگ کے واقعہ میں جاں بحق ہونے والے دوبھائیوں کے ورثاء نے ملاقات کی -جاں بحق ہونے والے بھائیوں کے والد شرافت علی نے واقعہ کی تفصیلات سے آگاہ کیا-وزیر اعلی شہباز شریف نے جاں بحق ہونے والے بھائیوں کے ورثاء سے گفتگو کرتے ہوئے کہا کہ مجھے اس افسوسناک واقعہ پر دلی دکھ ا ور افسوس ہوا ہے اور آپ کے غم میں برابر کے شریک ہیں -میں آپ کے بچے تو واپس نہیں لا سکتا لیکن آپ کو انصاف ضرور دلاؤں گا اور اس ضمن میں انصاف کے تمام تقاضے پورے کئے جائیں گے - واقعہ کی تحقیقات سو فیصد میرٹ پر ہو گی اور میں ذاتی نگرانی میں تحقیقات کراکر آپ کو انصاف دلاؤں گا- ملزمان قانون کے مطابق قرار واقعی سزا سے بچ نہیں پائیں گے-انہوں نے کہا کہ میرا وعدہ ہے انشاء اﷲ ہر قیمت پر انصاف دلاؤں گا اور مقدمے کی مکمل پیروی کی جائے گی- وزیر اعلی نے واقعہ میں ملوث تمام ملزمان کو جلد گرفتار کرنے کا حکم دیتے ہوئے کہا کہ علاج معالجہ یا ریسکیو1122 کی فراہمی میں کوتاہی برتنے والوں کے خلاف بھی کارروائی ہو گی - جس کے بچے بچھڑ جائیں اس کا غم وہ ہی جانتا ہے - وزیراعلی نے متاثرہ خاندان کو یقین دہانی کرائی کہ آپ پر ظلم ہوا ہے ، ہر قیمت پر آپ کی داد رسی کی جائے گی- اس موقع پر جاں بحق ہونے والے دو نوں بھائیوں کے ایصال ثواب کے لئے فاتحہ خوانی بھی کی گئی-مقتول بھائیوں کے والد شرافت علی نے کہا کہ پولیس نے ہمارے ساتھ مکمل تعاون کیا ہے لیکن ہسپتال والوں نے ہماری کوئی مدد نہیں کی-دادا لیاقت علی نے کہا کہ ہمیں انصاف چاہیے اور ہمیں یقین ہے شہباز شریف کے ہوتے ہوئے انصاف ضرور ملے گا - صوبائی وزیر قانون رانا ثناء اﷲ، سی سی پی او لاہور، ڈی آئی جی آپریشن اور متعلقہ پولیس افسران بھی اس موقع پر موجود تھے-
مزید اہم خبریں
-
انوارالحق کاکڑ اور حنیف عباسی کی تکرار درحقیقت قومی خزانے کی چوری میں ملوث کرداروں کا اعتراف جرم ہے
-
پی ٹی اے نے ٹیکس ریٹرن فائل نہ کرنے والوں کی موبائل سمز بلاک کرنے کی تجویزمستردکردی
-
ایک اور آٹو کمپنی کا گاڑی کی قیمت میں لاکھوں روپے کی کمی کا اعلان
-
گرمیوں کے آغاز پر عوام پر نیا "بجلی بم" گرانے پر غور
-
چیف جسٹس کی مدت ملازمت میں توسیع شرم ناک عمل ہو گا
-
صنعت کار انڈسٹری لگائیں ، منافع کمانا آپ کا حق ہے‘بجٹ میں صنعتی پالیسی لا رہے ہیں.رانا تنویر حسین
-
ملک کو درپیش چیلنجز سے نمٹنے کے لیے مل کر کام کرنا ہوگا، 27سو ارب کے محصولات کی ریکوری کیلئے قانون بن چکا ہے ، ملک موجودہ محصولات سے تین گنا زیادہ محصولات اکٹھا کرنے کی صلاحیت رکھتا ہے،محمد شہبا ز ..
-
سعودی عرب زراعت ، معدنیات، آئی ٹی،آئل ریفائنری ، سولر، پاورڈسٹری بیوشن اورپاور پروڈکشن میں سرمایہ کاری کرنے میں دلچسپی رکھتا ہے.وفاقی وزیرپیٹرولیم
-
ریونیوکلیکشن سب سے بڑا چیلنج ہے، سالانہ وصولیوں کا ہدف تین سے چار گنا کرپشن ،فراڈ اور لالچ کی نظر ہورہا ہے. شہبازشریف
-
بلاول بھٹو نے وزیراعظم سے ملاقات میں کابینہ میں شامل ہونے کیلئے مثبت جواب دیا
-
چیف جسٹس کی مدت کا فکس ہونا عدالت کے وسیع تر مفاد میں ہے
-
حافظ نعیم الرحمن سے محمود اچکزئی، اسد قیصر کی ملاقات، احتجاجی تحریک میں شمولیت کی دعوت قبول کر لی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.