پنجاب اسمبلی نے مساجد کو بجلی کے بلوں میں عائد ٹی وی فیس سے مستثنیٰ قرار دینے کی قرارداد مسترد کردی
مساجد خواہ کسی بھی مسلک کی ہوں وہاں ٹی وی نہیں دیکھا جاتا ‘ ڈاکٹر سید وسیم اختر‘مساجد سے ملحقہ خطیب صاحبان کی رہائش گاہوں میں ٹی وی کا استعمال ہوتا ہے‘رانا ثناء اﷲ خان
منگل 9 فروری 2016 21:59
لاہور(اُردو پوائنٹ اخبارتازہ ترین - آئی این پی۔09 فروری۔2016ء) پنجاب اسمبلی نے جماعت اسلامی کے پارلیمانی لیڈر ڈاکٹر سید وسیم اختر کی مساجد کو بجلی کے بلوں میں عائد ٹی وی فیس سے مستثنیٰ قرار دینے کی قرار داد اکثریت رائے سے مسترد کردی۔ تفصیلات کے مطابق پنجاب اسمبلی میں پرائیویٹ ممبران ڈے کے موقع پر ڈاکٹر سید وسیم اختر نے قرار داد پیش کی کہ پنجاب اسمبلی وفاقی حکومت سے مساجد کو بجلی کے بلوں میں عائد ٹی وی فیس سے مستثنیٰ قرار دے۔
صوبائی وزیر قانون رانا ثناء اﷲ خان نے قرارداد کی مخالفت نہ کرتے ہوئے ڈاکٹر سید وسیم اختر سے کہا کہ وہ اس قرارداد کو واپس لے لیں کیونکہ مساجد کے ساتھ خطیب صاحبان وغیرہ کے گھر بھی شامل ہوتے ہیں جن میں ٹیلی ویژن کا استعمال ہوتا ہے خواہ اس ٹیلی ویژن پر دینی پروگرام ہی دیکھے جاتے ہوں۔(جاری ہے)
انہوں نے کہا کہ اگر مساجد کو ٹی وی فیس سے مستثنیٰ قرار دینے کی قرارداد منظور کی گئی تو بہت سے دیگر ادارے جن میں کالج، یونیورسٹیاں، رفاعی ہسپتال وغیرہ شامل ہیں وہ بھی اپنے ان اداروں کو ٹی وی فیس سے مستثنیٰ قرار دینے کا مطالبہ کریں گے۔
تاہم انہوں نے ڈاکٹر وسیم اختر کو پیشکش کی کہ وہ اس سے ہٹ کر کوئی دیگر چیز شامل کرلیں جس پر غور کیا جاسکتا ہے۔وزیرقانون کی پیشکش پر ڈاکٹر وسیم اختر نے کہا کہ اگر حکومت مساجد کے لیے ٹیلی ویژن فیس ختم کرنا نہیں چاہتی تو مساجد کو بجلی کی مد میں رعایت دی جائے تاہم صوبائی وزیر قانون نے اس پر بھی اتفاق نہ کیا۔ ڈاکٹر وسیم اختر نے کہا کہ پنجاب بھر میں تمام مسجد خواہ کسی بھی مسلک کی ہوں وہاں ٹی وی نہیں دیکھاجاتا جبکہ بجلی کے بلوں میں ٹی وی کی فیس شامل ہے۔انہوں نے کہا کہ حکومت این جی اوز کو بھی بہت سے معاملات میں مالی چھوٹ دیتی ہے۔ اگر مساجد کو بھی ٹی وی فیس سے چھوٹ دے دی جائے تو اس سے ایک مثبت پیغام جائے گا تاہم حکومت کی طرف سے ان کی اس قرارداد کی مخالفت نہ کرنے کے باوجود اسے اتفاق بھی نہ کیا گیا جس کے بعد سپیکر نے رائے شماری کروائی تو ایوان نے اکثریت رائے سے قرارداد کو مسترد کردیا۔متعلقہ عنوان :
مزید اہم خبریں
-
ایرانی میزائلوں نے کس طرح اسرائیلی کثیر الجہتی، مربوط خودکار فضائی دفاعی نظام کے حصار کو کیسے توڑا؟ حملہ کتنا کامیاب رہا سیٹلائٹ تصاویر سے جائزہ
-
ٹک ٹاک کی نئی ایپ پر یورپی یونین کا کمپنی کو الٹی میٹم
-
شہریوں کو آئین و قانون کے تحت دستیاب سہولیات سے روگردانی نہیں ، لاپتہ افراد کے مسئلہ کا سیاسی حل بھی نکالناہو گا، سینیٹر اعظم نذیر تارڑ
-
علی گڑھ مسلم یونیورسٹی کی تاریخ میں پہلی خاتون وائس چانسلر
-
پاکستان چھوڑنے والے غیرقانونی افغانیوں کی تعداد 5لاکھ 42ہزار سے متجاوز
-
اٹک ،پب جی گیم نے دوست کے ہاتھوں دوست کا قتل کروا دیا،ملزم گرفتار
-
بشریٰ بی بی مکمل فٹ قرار، طبی رپورٹ اعلیٰ حکام کو ارسال
-
پاکستان کو 1.1 ارب ڈالرقسط کی منظوری کیلئے آئی ایم ایف بورڈ اجلاس 29 اپریل کو ہوگا
-
جون تک زرمبادلہ کے ذخائر9 سے 10 ارب ڈالرتک پہنچ جائیں گے، محمد اورنگزیب
-
وزیرِاعظم محمد شہبازشریف کا چیف کمشنر ان لینڈ ریونیو اسلام آباد اور متعلقہ افسران معطل کر کے انکوائری کا حکم
-
وفاقی وزیر سینیٹر اعظم نذیر تارڑ اور اٹارنی جنرل منصور عثمان اعوان سے پاکستان ٹیکس بار ایسوسی ایشن کے صدر اور سیکرٹری کی ملاقات
-
بھارت کے انتخابات میں ڈیپ فیک کا بڑھتا خطرہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.