کینیڈا دولتِ اسلامیہ کے خلاف فضائی حملے نہیں کرے گا‘ جسٹن ٹروڈو

منگل 9 فروری 2016 13:08

ٹورنٹو (اُردو پوائنٹ اخبارتازہ ترین - آئی این پی۔09 فروری۔2016ء ) کینیڈا کے وزیر اعظم جسٹن ٹروڈو نے کہا ہے کہ ان کا ملک شام اور عراق میں شدت پسندوں کے ٹھکانے پر بمباری 22 فروری سے بند کر دے گا۔ دارالحکومت اوٹاوا میں ٹروڈو نے کہا کہ صرف فضائی حملوں سے مقامی لوگوں کو طویل مدتی فائدہ نہیں پہنچایا جا سکتا۔ گذشتہ سال اکتوبر میں وزیر اعظم بننے والے ٹروڈو نے اپنے انتخابی مہم کے دوران چھ جنگی طیاروں کو شام اور عراق سے واپس بلانے کا وعدہ کیا تھا۔

(جاری ہے)

تاہم ٹروڈو نے کہا کہ کینیڈا ان علاقوں میں اپنے دو نگراں طیاروں کی تعیناتی جاری رکھے گا۔ یہ اہم ہے کہ ہم سمجھیں کہ فضائی حملے محدود فوجی اور ریاستی مقاصد حاصل کرنے کے لیے تو ٹھیک ہیں لیکن یہ معاشروں کے لیے طویل المدتی استحکام نہیں پیدا کر سکتے۔ کینیڈا وہاں طیاروں کو ایندھن کی فراہمی بھی جاری رکھے گا۔ ساتھ ہی دولتِ اسلامیہ سے لڑ نے والے مقامی فوجیوں کی تربیت کے لیے کینیڈا کے فوجیوں کی تعداد میں بھی اضافہ کرے گا۔جسٹن ٹروڈو کا کہنا تھا ’یہ اہم ہے کہ ہم سمجھیں کہ فضائی حملے محدود فوجی اور ریاستی مقاصد حاصل کرنے کے لیے تو ٹھیک ہیں لیکن یہ معاشروں کے لیے طویل المدتی استحکام نہیں پیدا کر سکتے۔

Facebook Twitter Google + Share on Whatsapp

کینیڈا دولتِ اسلامیہ کے خلاف فضائی حملے نہیں کرے گا‘ جسٹن ٹروڈو

متعلقہ عنوان :

مزید بین الاقوامی خبریں