ژوب: سکیورٹی فورسز سے مقابلے میں 2عسکریت پسند ہلاک

منگل 9 فروری 2016 12:41

کوئٹہ(اُردو پوائنٹ اخبارتازہ ترین - آن لائن۔09 فروری۔2016ء) بلوچستان کے علاقے ژوب میں سیکیورٹی فورسز کے ساتھ مسلح مقابلے میں 2 مشتبہ عسکریت پسند ہلاک ہوگئے۔فرنٹیئر کانسٹیبلری (ایف سی) کے ترجمان کے مطابق پیرا ملٹری فورسز اور انٹیلی جنس اہلکاروں نے عسکریت پسندوں کی موجودگی کی اطلاع پر پاک-افغان سرحدی علاقے میں ایک آپریشن کیا۔

(جاری ہے)

ان کا کہنا تھا کہ بھاری ہتھیاروں سے مقابلے کے دوران دو عسکریت پسند ہلاک ہوگئے۔

ایف سی ترجمان کا کہنا تھا کہ ان کے قبضے سے دو سب مشین گنیں اور دو دستی بم بھی برآمد ہوئے۔پاکستانی کے سرکاری خبر رساں ادارے اے پی پی نے ایف سی ترجمان کے حوالے سے بتایا ہے کہ مقابلہ اْس وقت شروع ہوا جب عسکریت پسندوں نے سیکیورٹی اہلکاروں پر فائرنگ کردی۔خیال رہے کہ فوری طور پر یہ واضح نہیں ہوسکا کہ ہلاک ہونے والے دونوں مشتبہ افراد کا تعلق کس گروپ سے تھا۔

Facebook Twitter Google + Share on Whatsapp

ژوب: سکیورٹی فورسز سے مقابلے میں 2عسکریت پسند ہلاک

متعلقہ عنوان :

مزید اہم خبریں