سیاحت کے فروغ پر وزیراعظم نوازشریف کے شکرگزار ہیں، صوبائی وزیر راجہ اشفاق سے مری کے وفدکی گفتگو
عمر جمشید پیر 8 فروری 2016 16:17
لاہور(اُردو پوائنٹ تازہ ترین ۔۔ آئی پی اے ۔۔ 08 فروری۔2015ء) جنرل سیکرٹری پاکستان مسلم لیگ(ن) پنجاب و صوبائی وزیر محنت و انسانی وسائل راجہ اشفاق سرور نے کہا ہے کہ وزیراعظم پاکستان محمد نواز شریف کی طرف سے مری کے عوام کیلئے ترقیاتی منصوبوں کے اجراء سے نہ صرف سیاحتی و معاشی سرگرمیوں کو فروغ حاصل ہوگا بلکہ روزگار کے وسیع مواقع پیدا ہوں گے اور اہل علاقہ کا معیار زندگی بھی بلند ہوگا۔
اہلیان مری کیلئے ترقیاتی منصوبوں پر وزیراعظم محمد نوازشریف کے بے حد شکرگزار ہیں۔انہوں نے یہ بات مری سے تعلق رکھنے والے عوامی نمائندوں اور شہریوں پر مشتمل وفد سے گفتگو کرتے ہوئے کہی۔ راجہ اشفاق سرور نے کہا کہ کوہسار مری کو اپنی دلکشی اور پُرفضا ماحول کی وجہ سے ملک بھر کے سیاحتی مقامات میں کلیدی حیثیت حاصل ہے۔(جاری ہے)
مری میں تفریح کیلئے آنے والے ملکی و غیرملکی سیاحوں کو بہترین سہولیات کی فراہمی کیلئے وفاقی و صوبائی حکومت بھرپور اقدامات کر رہی ہے۔
انہوں نے کہاکہ بستال موڑ سے پنڈی پوائنٹ تک کیبل کار منصوبے کی فزیبلٹی رپورٹ جلد ہی تیار کر لی جائے گی جبکہ مری مال روڈ کی بحالی، پارکنگ سہولیات میں اضافے، ہسپتالوں کی اپ گریڈیشن اور پینے کے صاف پانی کی فراہمی کے منصوبوں کی تکمیل سے سیاحت کو فروغ حاصل ہونے کے علاوہ اہلیان مری کو سہولیات کی فراہمی میں بھی بہتری آئے گی۔ راجہ اشفاق سرور نے کہا کہ مری میں سینما ہال کو بہتر بناکر اس تفریحی سہولت کو بھی عوام کیلئے جلد شروع کیا جا رہا ہے۔ انہوں نے کہا کہ مری جیسے اہم سیاحتی مرکز کیلئے ترقیاتی منصوبے مسلم لیگ (ن) کی حکومت کے عوام کو صحت مند ماحول اور تفریحی سہولیات کی بھرپور فراہمی کے ویژن کے عکاس ہیں۔متعلقہ عنوان :
مزید اہم خبریں
-
موٹر ویز پر کسی صورت اوور لوڈ ٹرکوں کو گزرنے کی اجازت نہیں دی جائے گی اور ان پر بھاری جرمانے عائد کرنے کے ساتھ ساتھ موٹر ویز سے بھی اتار دیا جائے گا،علیم خان
-
اسرائیلی جنگی طیاروں کا جنوبی شام میں فوجی اڈے پر حملہ
-
قومی اسمبلی،بلاول بھٹو وزیرِ اعظم کی نشست پربیٹھ گئے
-
ٹی ایل پی پر پابندی سے متعلق انٹیلی جنس کی کوئی رپورٹ صوبائی حکومت سے شیئر نہیں کی گئی تھی، شہبازشریف
-
ڈاکٹرعاصم کی سربراہی میں میڈیکل وفد کہہ چکا بشریٰ بی بی کو زہر نہیں دیا گیا
-
لوٹا ہوا پیسہ پاکستان واپس لایا جائے تو ڈالر 50 روپے کا ہو جائے گا
-
صدر آصف علی زرداری نے ترک چیف آف جنرل سٹاف جنرل متین گورک کو نشان امتیاز ملٹری سے نوازا
-
اسٹریمنگ سروس نیٹ فلکس کے ناظرین نصف بلین ہو گئے
-
مہنگائی کی شرح میں کمی کے باوجود 22 اشیائے ضروریہ مہنگی ہوگئیں
-
وزیراعظم کو افغان ٹرانزٹ ٹریڈ کے حوالہ سے قائم کمیٹی کی رپورٹ پیش، شہبازشریف کی چینی سمیت دیگر سمگلنگ کے خاتمہ کی ملک گیر مہم تیز کرنے کی ہدایت
-
پاکستان سے لوٹا ہوا پیسہ واپس لایا جائے تو ڈالر 50 روپے کا ہو جائیگا، شعیب شاہین
-
عمران خان، بشریٰ بی بی کا نجی ہسپتال سے میڈیکل چیک اپ کرانے کا حکم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.