کراچی پولیس کی مختلف کارروائیوں میں 6 ملزمان گرفتار، اسلحہ برآمد

پیر 8 فروری 2016 12:47

کراچی (اُردو پوائنٹ اخبارتازہ ترین - آئی این پی۔08 فروری۔2016ء ) کراچی کے مختلف علاقوں میں پولیس نے کارروائی کر کے چھ ملزمان کو گرفتار کر کے اسلحہ برآمد کر لیا۔ گلستان جوہر بلاک نو میں پولیس مقابلے کے دوران تین ملزموں کو زخمی حالت میں گرفتار کر لیا گیا۔

(جاری ہے)

ایس ایس پی ایسٹ کے مطابق گرفتار ملزمان اختر شاہ اور فیاض اپنے ساتھی سمیت ایک گھر میں ڈکیتی کے غرض سے داخل ہو رہے تھے۔ ملزمان کے قبضے سے اسلحہ اور مسروقہ رقم برآمد کر لی گئی ہے۔ سولجر بازار میں پولیس نے کارروائی کر کے تین ملزموں کو گرفتار کر کے اسلحہ برآمد کر لیا۔ ملزم شیر خان، دانش اور یونس ڈکیتی کی متعدد وارداتوں میں ملوث تھے۔