آرمی چیف اور وزیر اعظم کا ایک گاڑی میں بیٹھنا بری بات نہیں ‘ عمران خان
ہفتہ 6 فروری 2016 13:34
اسلام آباد(اُردو پوائنٹ اخبارتازہ ترین - این این آئی۔06 فروری۔2016ء) پاکستان تحریک انصاف کے چیئر مین عمران خان نے کہا ہے کہ آرمی چیف اور وزیر اعظم کا ایک گاڑی میں بیٹھنا بری بات نہیں ‘ پی آئی اے کی نجکاری کے حوالے سے ملازمین کے ساتھ مذاکرات کرنے کی بجائے حکومت نے ان پر گولیاں چلائیں ،کراچی میں چارٹر آف ڈیمانڈ پیش کروں گا ‘ دنیا میں امیر لوگوں سے ٹیکس لیکر غریبوں پر خرچ کیا جاتا ہے ‘پاکستان میں الٹ ہورہاہے ‘ نواز شریف کی جدہ کی سٹیل مل نفع میں چل رہی ہے ‘ پاکستان سٹیل مل بند ہوگئی ہے ۔
بنی گالہ سے کراچی کیلئے روانگی سے قبل میڈیا سے گفتگو کرتے ہوئے عمران خان نے کہا کہ آمی چیف اور وزیر اعظم کا ایک گاڑی میں بیٹھنا بری بات نہیں ہے ، نواز شریف کو آرمی چیف کے ساتھ بیٹھ کر سہارا ملتا ہے تو ٹھیک ہے۔(جاری ہے)
عمران خان نے کہاکہ مسلم لیگ (ن)کی حکومت نے ڈیزل پر 98 فیصد ٹیکس لگایا ہے گیس کے اوپر بھی ٹیکس لگائے گئے ‘ٹیکس ہمیشہ پیسے والے لوگوں سے اکٹھا کرکے عوام کی فلاح کے منصوبوں پر خرچ کیا جاتا ہے ‘پاکستان میں پیسے والے لوگوں کو ایمنسٹی سکیمیں دی جارہی ہیں ‘ غریبوں پر ٹیکسوں کا بوجھ لادا جارہا ہے۔
ٹیکس کا نظام بہتر نہ ہونے کی وجہ سے ساڑھے تین سالوں میں پاکستانیوں نے دبئی میں ساڑھے 6 سو ارب روپے کی پراپرٹی خریدی ہے۔انہوں نے کہا کہ اپوزیشن کا کام ہے کہ حکومت سے پوچھے کہ معاشی نظام کس کو فائدہ دے رہا ہے۔ نجکاری سوچ سمجھ کر کی جاتی ہے، نجکاری سے پہلے دیکھا جاتا ہے کہ ملک و قوم کو کیا فائدہ ہوگا، نجکاری سے صرف مینجمنٹ بدلے گی جو کا م پرائیویٹ سیکٹر آکر کرے گا وہی حکومت کردے ،میاں نواز شریف کی جدہ کی سٹیل مل نفع میں چل رہی ہے ‘ پاکستان سٹیل مل بند ہوگئی ہے۔خیبر پختونخوا میں ہسپتالوں کو پرائیویٹائز نہیں کررہے بلکہ مینجمنٹ تبدیل کررہے ہیں تاکہ بہتر طور پر کام چل سکے۔عمران خان نے کہا کہ آج کا کسان سب سے زیادہ ظلم برداشت کر رہا ہے، حکمران اورنج ٹرین بنا رہے ہیں حالانکہ ملک میں پینے کا پانی نہیں ہے ، لوگوں کو رہنے کی جگہ میسر نہیں ، ہمارے ملک میں غریبوں سے ٹیکس لیا جا رہا ہے ‘ امیروں کو چھوٹ دی جا رہی ہے ۔ وزیر اعظم میاں محمد نواز شریف کی جدہ میں موجود سٹیل مل اربوں کا منافع کما رہی ہے ‘ پاکستان کی قومی سٹیل مل تباہی سے دوچار ہے ۔مزید اہم خبریں
-
آئندہ مالی سال میں پاکستان کو بیرونی فنانسنگ کیلئے 23 ارب ڈالرز کا تخمینہ لگا لیا گیا
-
جنرل اسمبلی: فلسطینی مبصر ریاست کے حقوق بڑھانے کی قرارداد بھاری اکثریت سے منظور
-
تھیلیسیمیا کا علاج اب جین تھیراپی سے ممکن
-
پنجاب حکومت نے تندوروں پر روٹی کی قیمت میں مزید کمی کا اعلان کردیا
-
عوامی سیاسی جماعت کو ”انتشاری گروہ“ کہہ کر ”معافی“ کا مطالبہ متفقہ طور پر مسترد کرتے ہیں
-
رفح سے انخلاء کے دوران یو این کا مزید امدادی راہداریاں کھولنے کا مطالبہ
-
9 مئی کے تمام قیدی اور قیدی نمبر804 اور بشریٰ بی بی پر کیسزختم کئے جائیں
-
خیبر پختونخوا کے نوجوانوں کو ہنر مند بنانے کا یورپی منصوبہ
-
جماعت اسلامی ری الیکشن نہیں چاہتی، فارم 45 پرانتخابی نتائج کی تشکیل ہمارا مطالبہ ہے
-
روزمرہ کی زندگی میں جدوجہد کرتی افغان خواتین
-
وزیراعلی مریم نواز نے سکولوں میں سٹیلائٹ انٹرنیٹ پائلٹ پراجیکٹ کا افتتاح کردیا
-
سونے کی فی تولہ قیمت میں 4 ہزار 600 روپے کا بڑا اضافہ ہوگیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.