وزیرصحت خیبرپختونخواشہرام تراکئی کی زیر صدارت کے پی آئی ٹی بورڈ اور ورلڈ بنک کے نمائندوں کا اجلاس
خیبر پختونخوا انفارمیشن ٹیکنالوجی بورڈ ورلڈ بینک اور دوسرے پارٹنر اداروں کے اشتراک سے صوبے کے نوجوانوں کو انفارمیشن اینڈکمیونیکیشن ٹیکنالوجی کے شعبے میں بین الاقوامی معیار کی ٹریننگ فراہم کرنے کیلئے ایک پروگرام شروع کرنے کافیصلہ
بدھ 3 فروری 2016 19:19
پشاور(اُردو پوائنٹ اخبارتازہ ترین - این این آئی۔03 فروری۔2016ء) خیبر پختونخوا انفارمیشن ٹیکنالوجی بورڈ ورلڈ بنک اور دوسرے پارٹنر اداروں کے اشتراک سے صوبے کے نوجوانوں کو انفارمیشن اینڈکمیونیکیشن ٹیکنالوجی کے شعبے میں بین الاقوامی معیار کی ٹریننگ فراہم کرنے کیلئے ایک پروگرام شروع کرنے جا رہی ہے تاکہ انہیں ملکی و بین الاقوامی مارکیٹس میں روزگار کے مواقع فراہم کئے جاسکیں۔
تین سالہ اس پروگرام کے تحت اس سال جولائی کے مہینے تک دو ہزار جبکہ آئندہ تین سالوں میں صوبہ بھر کے چالیس ہزار نوجوانوں کو آئی ٹی کے شعبے میں جدید معیار کی تربیت فراہم کی جائے گی۔یہ بات بدھ کے روز پشاور میں سینئر صوبائی وزیر صحت شہرام تراکئی کی زیر صدارت کے پی آئی ٹی بورڈ اور ورلڈ بنک کے نمائندوں کے ایک اجلاس میں بتائی گئی۔(جاری ہے)
اجلاس کو بتایا گیا کہ یہ ٹریننگ ابتدائی طور پر صوبے کے سات اضلاع میں شروع کی جا رہی ہے جسے مرحلہ وار صوبے کے تمام اضلاع تک وسعت دی جائے گی۔
یہ پروگرام مارچ کے مہینے سے شروع کیاجائے گاجس کیلئے تیاریوں کو حتمی شکل دی جا رہی ہے۔اجلاس میں ڈیجیٹل یوتھ سمٹ2016کے انعقاد کے سلسلے میں تیاریوں کا بھی تفصیلی جائزہ لیا گیا اور متعدد اہم فیصلے کئے گئے۔صوبائی وزیر نے صوبے میں انفارمیشن ٹیکنالوجی کے فروغ کے ذریعے صوبے کے نوجوانوں کو روزگار کے زیادہ سے زیادہ مواقع کی فراہمی کو اپنی حکومت کی اولین ترجیحات میں سے ایک قرار دیتے ہوئے متعلقہ حکام کو ہدایت کی کہ وہ اس ٹریننگ پروگرام اور ڈیجیٹل یوتھ سمٹ2016کے بروقت اور کامیاب انعقاد کو ہر لحاظ سے یقینی بنانے کے لئے تمام تر اقدامات اٹھائیں کیونکہ اس میں تاخیر کسی صورت بھی برداشت نہیں کی جائے گی۔انہوں نے صوبے میں آئی ٹی کے فروغ کیلئے ورلڈ بنک کے تعاون کو سراہتے ہوئے یقین دلایا کہ صوبائی حکومت اس سلسلے میں ورلڈ بنک سمیت دیگر تمام پارٹنر اداروں کو ہر ممکن تعاون اور سہولت فراہم کرے گی۔متعلقہ عنوان :
مزید قومی خبریں
-
وزیراعلیٰ مریم نوازکا عزیز بھٹی شہید ہسپتال کی چھت گرنے کے معاملہ پرسخت ایکشن،ایم ایس برطرف، تین افسرمعطل
-
نیپرا نے کے الیکٹرک کے 7 سالہ سرمایہ کاری کے روڈ میپ پر فیصلہ دے دیا
-
چیئرمین سینیٹ نے ایوان بالا کے 337 ویں اجلاس کے لئے پینل آف پریذائیڈنگ آفیسرز کے ناموں کا اعلان کر دیا
-
چیف جسٹس کوکراچی کے لذیذ کھانوں اورکچوریوں کی یاد آ گئی
-
سپریم کورٹ کا نسلہ ٹاور کی زمین فروخت کرکے الاٹیز کو معاوضہ ادا کرنے کا حکم
-
قومی شاہراہ پر منی ٹرک اور مسافر وین میں تصادم ،دوخواتین سمیت چھ افراد زخمی
-
نئے تعینات ایم ایس حضرات کو ہسپتالوں میں پیشنٹ کیئر مینجمنٹ کو بہتر بنانے کا ٹاسک سونپ دیا گیا
-
فتنہ پارٹی حسب روایت بشریٰ بی بی کی صحت سے متعلق پروپیگنڈہ کر رہی ہے ‘ عظمیٰ بخاری
-
بزنس ایڈوائزری کمیٹی اہم فورم ہے سب کو ساتھ لے کر چلیں گے، چیئرمین سینیٹ
-
افغانستان سے پاکستان میں دراندازی کرنیوالے افغان دہشتگرد کے ہوشروبا انکشافات
-
موسم بہار کی شجر کاری مہم،سپیکر قومی اسمبلی نے پارلیمنٹ ہائوس کے سبزہ زار میں میگنولیا گرینڈی فلورا کا پودا لگایا
-
فتنہ پارٹی بشری بی بی کی صحت سے متعلق پراپیگنڈہ کر رہی ہے ، عظمی بخاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.