سمال اور میڈیم انڈسٹریز کے مسائل کے حل پر توجہ دی جائے ،تاجروں کی انجمنیں اور فیڈریشن اپنا کرار ادا کریں‘ممنون حسین
ملکی برآمدات میں خاطر خواہ اضافے کیلئے اقدامات کئے جائیں تاجر اور صنعت کار برادری اپنی پر خلوص محنت سے برآمدات میں کئی گنا اضافہ کر سکتی ہے،صدر مملکت کی راولپنڈی چیمبر کے رہنماؤں سے ملاقات میں گفتگو
منگل 2 فروری 2016 20:56
اسلام آباد (اُردو پوائنٹ اخبارتازہ ترین - آن لائن۔02 فروری۔2016ء) صدر مملکت ممنون حسین نے کہا ہے کہ سمال اور میڈیم انڈسٹریز کے مسائل کے حل پر توجہ دی جائے اور اس سلسلے میں تاجروں کی انجمنیں اور فیڈریشن اپنا کرار ادا کریں‘ ملکی برآمدات میں خاطر خواہ اضافے کیلئے اقدامات کئے جائیں۔ تاجر اور صنعت کار برادری اپنی پر خلوص محنت سے برآمدات میں کئی گنا اضافہ کر سکتی ہے۔
صدر مملکت نے یہ بات راولپنڈی چیمبر آف کامرس کے صدرمیاں ہمایوں پرویز اور ان کے ساتھ موجود دیگر تاجر راہنماؤں سے بات کرتے ہوئے کہی جنہوں نے ایوان صدر میں صدرمملکت سے ملاقات کی۔ صدر مملکت نے مزید کہا کہ بھارت کی بیس بلین ڈالر برآمدات کے مقابلے میں ہماری برآمدات صرف سو ملین ڈالر ہیں جو بہت کم ہیں۔(جاری ہے)
انہوں نے کہا کہ اس سلسلے میں حکومت تاجر اور صنعت کار طبقے کو ہر ممکن سہولت فراہم کررہی ہے اور تاجروں کو مزید سہولتیں فراہم کرنے پر آمادہ ہے۔
صدر مملکت نے کہا کہ تاجر اپنی برآمدات میں اضافے کیلئے سفارت کاروں سے بھی رابطے بڑھائیں۔ صدر مملکت نے کہاکہ تاجر برادری کی ذمہ داری ہے کہ اپنی صفوں میں موجود ٹیکس میں بدعنوانی کرنے والوں کو بھی بے نقاب کرے۔ راولپنڈی چیمبر کے صدر میاں ہمایوں پرویز نے حکومت کی معاشی پالیسی کو سراہا اور میٹرو بس منصوبے کو حکومت کا بہت اچھا اقدام قرار دیا۔ انہوں نے کاروباری سرگرمیوں اور کاروباری برادری کے مسائل حل کرنے میں گہری دلچسپی لینے پر صدر مملکت کا شکریہ اداکیا۔ دریں اثناء صدر مملکت سے الشفاء آئی ٹرسٹ ہسپتال کے وفد نے بھی ملاقات کی۔ صدر مملکت نے ٹرسٹ کے صدر لیفٹیننٹ جنرل (ریٹائرڈ) حامد جاوید اور ان کے وفد سے کہا کہ اس ادارے کی انسانیت کیلئے بہت خدمات ہین اور ان کی اس ادارے کے بانی جنرل (ریٹائرڈ) جہانداد مرحوم سے بھی کافی ملاقاتیں رہی ہیں۔ صدرمملکت نے الشفاء ہسپتال کی سکھر برانچ میں مزید خدمات کی فراہمی پر زور دیا ور کہا کہ ڈاکٹرز کو دور دراز علاقوں میں بھی جاکر انسانیت کی خدمت کرنی چاہیے۔ الشفاء آئی ترسٹ ہسپتال کے صدر لیفٹیننٹ جنرل (ریٹائرڈ) حامد جاوید نے صدر مملکت ممنون حسین کو بتایا کہ ملک میں ہر سال تین لاکھ بچے بصارت سے محروم ہورہے ہیں ان کے علاج کیلئے الشفاء آئی ٹرسٹ ان کیلئے الگ سے ہسپتال بنا رہاہے جو اس ریجن کا بچوں کیلئے پہلا ہسپتال ہوگا۔ انہوں نے صدر مملکت کو اس ہسپتال کے افتتاح کی دعوت بھی دی جو صدر مملکت نے ان کی دعوت قبول کرلی۔مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.