خوراک سے متعلق امور اور اختیارات وفاق سے صوبوں کو منتقل کیے جائیں،سردار علی نواز خان مہر
18 ویں آئینی ترمیم کے تحت اب تک اختیارات نہیں دیئے گئے ہیں ، وزیر خوراک سندھ کا ایوان میں وقفہ سوالات پر جواب
پیر 1 فروری 2016 20:15
کراچی ( اُردو پوائنٹ اخبارتازہ ترین - این این آئی۔یکم فروری۔2016ء ) سندھ کے وزیر زراعت سردار علی نواز خان مہر نے کہا ہے کہ خوراک سے متعلق امور اور اختیارات وفاق سے صوبوں کو منتقل کیے جائیں ۔ 18 ویں آئینی ترمیم کے تحت اب تک اختیارات نہیں دیئے گئے ہیں ۔ وہ پیر کو سندھ اسمبلی کے اجلاس میں محکمہ خوراک سے متعلق وقفہ سوالات کے دوران متعدد ارکان کے تحریری اور ضمنی سوالوں کے جوابات دے رہے تھے ۔
وزیر زراعت نے بتایا کہ صوبے میں چار فرٹیلائزر فیکٹریز ہیں ۔ ان میں اینگرو فرٹیلائزر کمپنی ڈہرکی ( پرانی ) ، اینگرو فرٹیلائزر کمپنی ڈہرکی (نئی ) ، فوجی فرٹیلائزر کمپنی میرپور خاص ماتھیلو اور فوجی فرٹیلائزر بن قاسم کراچی شامل ہیں ۔ انہوں نے کہا کہ سندھ میں کرم کشن دوائیں فروخت کرنے والی 98 رجسٹرڈ کمپنیاں کام کر رہی ہیں ۔(جاری ہے)
غیر رجسٹرڈ کمپنیاں بھی کام کرتی ہیں ۔
ان کے خلاف شکایات ملنے پر کارروائی کی جاتی ہے ۔ وزیر زراعت نے بتایا کہ سندھ میں زرعی ریسرچ کے اداروں میں سندھ کے لوگوں کے ساتھ ساتھ دیگر صوبوں کے لوگ بھی کام کرتے ہیں ۔ ریسرچ کے لیے بجٹ بہت کم ہے ۔ حکومت سے درخواست کریں گے کہ وہ بجٹ میں اضافہ کرے ۔ انہوں نے کہاکہ سندھ میں مختلف فصلوں کی فی ایکڑ پیداوار پنجاب سے زیادہ ہے ۔ وزیر زراعت نے بتایا کہ زرعی دوائیں اور بیچ فروخت کرنے والی کوئی کمپنی سندھ میں زرعی ریسرچ کے لیے فنڈز نہیں دیتی ہے ۔ انہوں نے کہا کہ پاکستان سے 50 ملکوں کو آم برآمد کیا جاتا ہے ۔ ملک میں آم کی کل پیداوار 16 لاکھ ٹن ہے ۔ اس میں سے صرف 85 ہزار ٹن برآمد کیا جاتا ہے ۔ سب سے زیادہ متحدہ عرب امارات کو 32 ہزار ٹن ، سعودی عرب کو 10 ہزار ٹن ، برطانیہ کو 12 ہزار ٹن اور بیلجیئم کو 10 ہزار ٹن آم برآمد کیا جاتا ہے ۔ انہوں نے کہا کہ آم اور دیگر پھلوں کی برآمد کے لیے کولڈ اسٹوریجز اور دیگر سہولتیں نہیں ہیں ۔ یہ سہولتیں میسر ہوں تو برآمدات میں اضافہ کیا جا سکتا ہے ۔ پھلوں کی نمائش منعقد کرنے کے لیے بھی فنڈز نہیں ہیں ۔ انہوں نے کہا کہ 18 ویں آئینی ترمیم کے بعد صوبوں کو اختیارات نہیں دیئے گئے ۔ وفاقی حکومت نے فوڈ سکیورٹی کے نام سے ایک نئی وزارت قائم کر دی ہے ۔ خوراک سے متعلق امور صوبوں کو منتقل کیے جائیں اور انہیں برآمدات کی بھی اجازت دی جائے ۔متعلقہ عنوان :
مزید اہم خبریں
-
چیف جسٹس قاضی فائز عیسی نے پروٹوکول واپس کردیا
-
سپریم کورٹ نے برطرفی کیخلاف حیدرآباد ڈیولپمنٹ اتھارٹی کے ملازمین کی درخواست مسترد کردی
-
گندم پالیسی کے خلاف کسانوں کے لاہور سمیت پنجاب بھر میں ڈی سی آفسز کے باہر احتجاجی مظاہرے
-
مودی اور راہول گاندھی سے ان کی متنازع تقاریر پر جواب طلب
-
وفاقی وزیر احسن اقبال کی زیر صدرات قومی کھیل کی بحالی کانفرنس، قومی کھیلوں اور ناروال سپورٹس کمپلیکس کے حوالے سے جائزہ اجلاس،ناروال سپورٹس سٹی کے نامکمل کام جلد از جلد مکمل کرنے کی ہدایت
-
حتساب عدالت نے بانی پی ٹی آئی اور بشریٰ بی بی کو ریاستی اداروں کیخلاف بیان بازی سے روک دیا
-
ہمیں ملیریا کی روک تھام بارے میں آگہی اور باہمی تعاون سے کام کرنے کی ضرورت ہے،وزیراعظم
-
سپیکر قومی اسمبلی سے اراکین کی ملاقات،قائمہ کمیٹیوں کی تشکیل پر تبادلہ خیال
-
نواز شریف کی چین میں صحابی رسول ﷺ کے مزار پر حاضری
-
صوبائی حکومتوں کیساتھ مل کر اسمگلنگ کا خاتمہ ضروری، اسمگلنگ کی روک تھام میں آرمی چیف کی معاونت پر شکر گزار ہوں،وزیراعظم
-
وزیر اعظم کی ایبٹ آباد آمد،شہید کسٹمز انسپکٹر سید حسنین علی ترمذی کے والد اور بچوں سے اظہار تعزیت
-
وزیراعظم کا فرض کی ادائیگی کے دوران جام شہادت نوش کرنے والے افسران اور اہلکاروں کیلئے شہدا پیکیج کا اعلان ، سمگلنگ اور سمگلروں کا قلع قمع کرکے خطہ کو امن کا گہوارہ بنائیں گے ، شہباز شریف
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.