اتوار بازاروں میں حکومتی میکنزم کے تحت صارفین کو مناسب نرخوں میں اشیاء ضروریہ دستیاب ہیں‘بلا ل یاسین
حکومتی اقدامات سے اور گڈ گورننس کے باعث وزیر اعلی کے ویژن کو تقویت ملی ہے‘صوبائی وزیر خوراک کی صحافیوں سے گفتگو
اتوار 31 جنوری 2016 15:41
لاہور(اُردو پوائنٹ اخبارتازہ ترین - این این آئی۔31 جنوری۔2016ء )صوبائی وزیر خوراک بلال یاسین نے کہا ہے کہ موثر حکومتی اقدامات کی بدولت صوبہ بھر کے اتوار بازاروں اور ماڈل بازاروں میں اشیائے خوردونوش کے نرخ کنٹرول میں اور عوام کو اشیاء ضروریہ مناسب نرخوں میں وافر مقدار میں دستیاب ہیں اور اتوار بازاروں میں حکومتی میکنزم کے تحت صارفین کو مناسب نرخوں میں اشیا دستیاب ہیں-یہ بات انہو ں نے شاد مان اتوار بازار کے دورے کے دوران صحافیوں سے گفتگو کرتے ہوئے کہی-اس موقع پر ان کے ہمراہ ٹی ایم او داتا گنج بخش ٹاؤن بھی تھے-صوبائی وزیر نے صارفین سے گفتگو کرتے ہوئے کہا کہ ضلعی انتظامیہ وزیر اعلی محمد شہباز شریف کے ویژن کی روشنی میں ملاوٹ کرنے والوں اور ذخیرہ اندوزی کرنیوالوں اورناجائز منافع خوروں کے خلاف کاروائی جا ری رکھے ہوئے ہے اور عوام کو اشیاء ضروریہ معیاری ،سستی اور و افر مقدار میں دستیاب ہیں-انہوں نے کہا کہ حکومتی اقدامات سے وزیر اعلی کے ویژن کو تقویت ملی ہے اور حکومتی گڈ گورننس کی بدولت عوام کے اعتماد میں اضافہ ہوا ہے -انہوں نے مزید کہاکہ عوام کے مزید اعتماد کو قائم رکھنے کے لئے ضلعی انتظامیہ کو پرائس کنٹرول میکنزم پر عملدر آمد کرانے کے عمل کو سختی سے جاری رکھنے کی ہدایت ہے-اس موقع پر صوبائی وزیر نے صارفین سے اتوار بازاروں کی صورتحال بارے دریافت کیا تو انہوں نے کہا کہ پارکنگ کے نظام کو بہتر بنایا جائے اور سکیورٹی کے حوالے سے انتظامات کو بہتر بنایا جائے جس پر صوبائی وزیر نے ٹی ایم او کو فوری حکم دیتے ہوئے آئندہ ان شکایات کے ازالے کے لئے ہدایت کی -انہوں نے کہا کہ اتوار بازاروں کے قیام کا مقصد ناصرف عوام کو معیاری اشیاء فراہم کرنا ہے بلکہ ایک بازار میں تمام اشیاء ضروریہ معیاری اور ارزاں نرخوں پر دستیاب کرنا بھی ہے -
مزید قومی خبریں
-
بیرون ملک تعلیم کے نام پر طلبہ سے فراڈ والے گینگ کا اہم رکن گرفتار
-
خیبرپختونخوا حکومت کا گاڑیوں پر روڈ یوزر چارج بل 2024 بہت جلد منظوری کیلئے پیش کیا جائے گا، مشیر خزانہ خیبرپختونخوا مزمل اسلم
-
چئیرمین سینٹ سید یوسف رضا گیلانی سے جنوبی پنجاب سیکریٹریٹ میں سابق وزیر خارجہ جلیل عباس جیلانی اور وفود کی ملاقاتیں
-
اسلام آباد، ڈرائیونگ لائسنس کی فیس میں 25فیصد اضافہ
-
پاکستان بیورو برائے شماریات کی ہفتہ وار رپورٹ جاری ،قیمتوں میں ہفتہ وار بنیادوں پر 1.39 فیصد کی نمایاں کمی
-
ڈیرہ اسماعیل خان پولیس کی کارروائی،ڈاکو گرفتار ، چھینی گئی رقم 6 لاکھ روپے برآمد
-
کامن ویلتھ یوتھ سیکرٹریٹ پاکستان میں بننے سے نوجوانوں کو 56ممالک تک رسائی ہو گی، رانا مشہود احمد
-
عدالت کا سیل کردہ تندور ڈی سیل اور گرفتارلوگوں کو رہا کرنے کا حکم
-
سپریم کورٹ،نیب ترامیم فیصلے کیخلاف اپیلوں پر سماعت کیلیے لارجربینچ تشکیل،سماعت 14مئی کوہوگی
-
اسلام آبادجیل تعمیر کا پہلا مرحلہ ریکارڈ 6 ماہ کی مدت میں مکمل کیا جائے گا،وفاقی وزیر داخلہ
-
وزیراعلیٰ پنجاب نے طلبہ کیلئے لیپ ٹاپ سکیم کی منظوری دیدی
-
شمالی وزیرستان، لڑکیوں کے نجی اسکول کو دھماکے سے اڑا دیا گیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.