وزیراعلیٰ سے جہلم میں دہشت گردی کا منصوبہ ناکام بنانے والے شہریوں اورپولیس حکام و اہلکاروں کی ملاقات
جس قوم کے شہری جاگتے ہوں وہ قوم دہشت گردی کے خلاف جنگ میں ضرور کامران ہو گی، دہشت گردی کا منصوبہ ناکام بنانے والوں نے جرأت اور فرض شناس کی اعلی مثال قائم کی ہے ، ان بہادر سپوتوں پر پوری قوم کو فخر ہے ،شہریوں نے بروقت احساس ذمہ داری کا ثبوت دیا ، موٹر وے اور مقامی پولیس نے بھی قابل ستائش کردار ادا کیا ، ان کا یہ کارنامہ ہمیشہ یاد رہے گا وزیر اعلی پنجاب کی گفتگو شہباز شریف کی شہریوں اورپولیس حکام و اہلکاروں کی بہادری،جرأت اور فرض شناسی کی تعریف،نقدانعامات کی تقسیم اور شاباش
ہفتہ 30 جنوری 2016 22:59
لاہور(اُردو پوائنٹ اخبارتازہ ترین - آئی این پی۔30 جنوری۔2016ء) وزیراعلیٰ پنجاب محمد شہبازشریف سے ہفتہ کو یہاں جہلم کے علاقے ڈومیلی میں دہشت گردی کا بڑا منصوبہ ناکام بنانے والے شہریوں اورپولیس حکام و اہلکاروں نے ملاقات کی-وزیر اعلی نے شہریوں اور پولیس حکام و اہلکاروں کی بہادری ، جرأت اور فرض شناسی کی بھرپور انداز میں تعریف کی اور انہیں اس دلیری اور فرض شناسی پر شاباش دی-وزیر اعلی محمد شہباز شریف نے اس موقع پر گفتگو کرتے ہوئے کہا کہ جہلم کے علاقے میں دہشت گردی کا بڑا منصوبہ ناکام بنانے والوں نے جرأت اور فرض شناسی کی اعلی مثال قائم کی ہے اور یہ مثال دہشت گردی کے خلاف جنگ میں قوم کے حوصلے کو مزید تقویت دے گی کیونکہ آپ نے اپنی جان کی پرواہ کئے بغیردشمن کے مذموم عزائم کو ناکام بنایا ہے اور بڑی تباہی سے بچایا ہے-بلاشبہ آپ جیسے بہادر سپوت قوم کے ہیرو ہیں - جس دلیری اورجرأت کے ساتھ آپ نے دہشت گردی کا منصوبہ ناکام بنایا اس پرپوری قوم کو فخر ہے -انہوں نے کہا کہ شہریوں نے بروقت احساس ذمہ داری کا ثبوت دیا اور دلیری کا مظاہرہ کرتے ہوئے دہشت گردوں کے مذموم عزائم کو خاک میں ملایا-موٹروے اور مقامی پولیس نے بھی دہشت گردی کے اس منصوبے کو ناکام بنانے میں قابل ستائش اور مثالی کردار ادا کیا ہے -آپ کی فرض شناسی اور بہادری اس بات کا ثبوت ہے کہ پاکستانی قوم میں بے پناہ ادراک اور شعورموجود ہے اور اگر ہر شہری اپنے ارد گرد کے ماحول پر کڑی نظر رکھے توایسی کارروائیوں سے بچا جا سکتا ہے -وزیر اعلی نے شہریوں اور پولیس اہلکاروں کے جذبے اور عزم کو سراہتے ہوئے کہا کہ آپ کا یہ کارنامہ دہشت گردی کے خلاف جنگ میں قوم کے لئے مثالی حیثیت رکھتا ہے- وزیر اعلی نے جہلم میں دہشت گردی کی کارروائی کو ناکام بنانے والوں سے مخاطب ہوتے ہوئے کہا کہ دہشت گردی کے خاتمے کی جنگ میں آپ کا یہ مثالی کارنامہ نہ صرف ہمیشہ یاد رکھا جائے گا بلکہ انسداد دہشت گردی کے لئے ممدومعاون ثابت ہوگاکیونکہ جس قوم کے شہری آپ کی طرح جاگتے ہوں وہ قوم دہشت گردی کے خلاف جنگ میں ہر صورت کامیاب و کامران ہو گی-وزیر اعلی نے دہشت گردی کا منصوبہ ناکام بنانے پر شہریوں اور پولیس حکام و اہلکاروں کو نقدانعامات بھی دیئے- وزیراعلیٰ سے ملاقات کرنے والے شہریوں میں عبدالغفور،محمد عثمان،محمد دانیال انجم اورنوید اخترکے علاوہ ڈی ایس پی موٹر وے پولیس عبدالرؤف قریشی، انسپکٹر ملک امتیاز، انسپکٹر ملک اکمل، انسپکٹر ملک محمد حسن،انسپکٹر محمد بلال، ایس ایچ او سوہاوہ عبدالغفور شامل تھے ۔
(جاری ہے)
مزید اہم خبریں
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
-
بانی پی ٹی آئی فوجی قیادت کے ساتھ مذاکرات چاہتے لیکن کوئی جواب نہیں آیا
-
ہم مذاکرات صرف فوج، آرمی چیف اور ڈی جی آئی ایس آئی کے ساتھ کریں گے
-
اسلام آباد ہائیکورٹ کے ججز کے خط پر فل کورٹ کی تشکیل سے گریز،عدالتی امور میں انٹیلیجنس ایجنسیوں کی مداخلت کے حوالے سے چیف جسٹس آف پاکستان کا بیان
-
پاکستان کی ترقی کے سفر میں رخنہ ڈالنے والوں کی تمام کوششیں ناکام ہوں گی
-
کراچی: سابق شوہر نے بیوی کوچھریوں کے وار کرکے قتل کردیا
-
آئین میں کہاں لکھا ہے کابینہ قانون سے بالاترہے۔ چیف جسٹس
-
ریاستہائے متحدہ امریکہ اورپاکستان کے درمیان ٹریڈ اینڈ انویسٹمنٹ فریم ورک ایگریمنٹ (ٹی آئی ایف ای) کا بین المذاکرہ اجلاس
-
مارگلہ کی خوبصورت پگڈنڈیوں کو محفوظ بنانے کے لیے مارگلہ ٹریل پٹرول کا آغاز کر رہے ہیں ، وفاقی وزیرداخلہ محسن نقوی کا ٹویٹ
-
وزیراعلی مریم نواز شریف نے جگر کے عارضہ میں مبتلا پروفیسر ایس ایم منصور کے علاج کیلئے 13 لاکھ روپے امداد کی منظوری دیدی
-
ایف بی آرکا ٹریک اینڈ ٹریس سسٹم ناکام
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.