پنجاب حکومت دہشت گردی کا نہیں اسلام کا خاتمہ چاہتی ہے،مفتی محمد نعیم
تبلیغی جماعت پوری دنیا میں اسلام کے پیغام امن کو پھیلانے میں مصروف ہے کہیں پابندی نہیں ،مہتمم جامعہ بنوریہ
ہفتہ 30 جنوری 2016 20:24
کراچی (اُردو پوائنٹ اخبارتازہ ترین - این این آئی۔30 جنوری۔2016ء) جامعہ بنوریہ عالمیہ کے رئیس وشیخ الحدیث مفتی محمدنعیم نے پنجاب حکومت کی جانب سے جامعات میں تبلیغی جماعت پر پابندی کی شدید الفاظ میں مذمت کرتے ہوئے کہاکہ اسے غلامانہ فیصلہ قراردیا،ان کا کہنا تھا کہ حکمران دہشت گردی کیخلاف ناکامیوں کو چھپانے اور غیروں کی خوشنودی کے حصول کیلئے مذہب کیخلاف کاروائیوں میں مصروف ہیں،پنجاب کا یہ اقدام ملکی تشخص کی پامالی ہے اور اسلام دشمن فیصلہ ہے،معلوم ہوتاہے کہ حکومت پنجاب دہشت گردی کا نہیں اسلام کا خاتمہ چاہتی ہے،دہشت گردی ، فرقہ اورواریت کا تبلیغی جماعت سے کوئی تعلق نہیں، تبلیغی جماعت کا مشن ہی فرقہ واریت اور دہشت گردی کا خاتمہ ہے،ہفتہ کو جامعہ بنوریہ عالمیہ میں میڈیاکے نمائندوں سے گفتگو کرتے ہوئے مفتی محمدنعیم نے کہاکہ پنجاب حکومت کی جانب سے تبلیغی جماعت پر تعلیمی اداروں میں پابندی لگانا افسوسناک عمل ہے جس کی جنتی مذمت کی جائے کم ہے ،ملک میں دہشت گردی ، بدامنی ،فرقہ واریت کے ذمہ دار حکمران ہیں ہر دور میں حکمران اپنی ناکامی چھپانے کیلئے مذہبی طبقے کیخلاف کاروائیاں کرتے رہے جس کا خمیازہ قوم کو بھگتنا پڑتاہے، آج دہشت گردی ملک کا سب سے بڑ ا مسئلہ بن چکاہے جس پر قابو پانے میں حکمران ناکام ہوچکے ہیں اور اسی ناکامی کو چھپانے کیلئے غیر وں کی خوشنودی کے حصول کی خاطر مذہب کیخلاف کاروائیوں میں مصروف ہیں انہوں نے کہاکہ پنجاب حکومت اپنا قبلہ درست کرکے دہشت گردوں کیخلاف کارروائیوں کے بجائے اسلام کی تبلیغ پر پابندی کہاں کا انصاف ہے، انہوں نے کہاکہ عصری اداروں میں تبلیغ کی دعوت پر پابندی ملک کی نظریاتی سرحدات کو کھوکھلا کرنے کی ساز ش ہے ،ایک طرف پنجاب کے تعلیمی اداروں میں ایسی محافل کا انعقاد کیا جاتاہے جن کی اجازت یورپ کے قحبہ خانوں میں نہیں تو دوسری جانب دعوت وتبلیغ کے دروازے بند کرکے نسل نو کو اسلام سے دور رکھنے کی کوششیں کی جارہی ہیں ،پاکستان اسلام کے نام پر معارض وجود میں آنے والے وطن عزیز میں کسی المیہ سے کم نہیں تبلیغی جماعت پر پابندی اسلام پر پابندی ہے ہم سمجھتے ہیں کہ یہ اسلام دشمن فیصلہ ہے اس کو فی الفور واپس لیاجائے دنیا کا ہر فرد جانتاہے کہ دہشت گردی ، فرقہ اورواریت کا تبلیغی جماعت سے کوئی تعلق نہیں وہ تو اہل اﷲ کی عظیم جماعت ہے جو دنیا بھر میں اسلام کی دعوت و تبلیغ میں مصروف ہے امریکا، بھارت ، برطانیہ جیسے ممالک میں بھی تبلیغی جماعت پر کوئی پابندی عائد نہیں کی گئی تو پھر ایک ایسا ملک جو اسلام کیلئے حاصل کیا گیا وہاں کے سب سے بڑے صوبے میں تعلیمی اداروں میں اس جماعت پر پابندی کاغلامانہ فیصلہ افسوسناک اورادروں کیلئے لمحہ فکریہ ہے ۔
مزید قومی خبریں
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری
-
9 مئی: ڈاکٹر یاسمین راشد کی درخواست ضمانت پر سماعت 27 اپریل تک ملتوی
-
موسمیاتی تبدیلی کرہ ارض کا درپیش عظیم چیلنج ہے، صورتحال کی سنگینی کو سمجھنا ہوگا: بلیغ الرحمان
-
گرفتاری کاڈر:شیر افضل مروت نے اسلام آباد ہائی کورٹ سے حفاظتی ضمانت کیلئے رجوع کرلیا
-
فواد چوہدری کیخلاف مقدمات،سیکرٹری داخلہ کو توہین عدالت کی درخواست پر نوٹس
-
کے پی حکومت کا بیوٹی پارلرز کے بعد وکلا کو بھی فکسڈ ٹیکس نیٹ میں لانے کا فیصلہ
-
راولپنڈی، 7 سالہ لڑکی کی قابل اعتراض تصاویر اور ویڈیوز وائرل کرنے پر ملزم کو 3 سال قید اور 25 لاکھ روپے جرمانہ کی سزا
-
جاوید لطیف اور رانا تنویر کے درمیان اختلافات حلقے میں ٹکٹوں کی تقسیم تنازع قرار
-
محاز آرائی سے جمہوریت کمزور ہوگی،مولانا نام بتائیں اسمبلی کس نے بیچی،فیصل کریم کنڈی
-
وزیراعظم کے تاجروں سے خطاب کے دوران بھی بانی پی ٹی آئی عمران خان کا تذکرہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.