ٹینرز کو چمڑا مصنوعات کی برآمدات میں کمی پر تشویش

ہفتہ 30 جنوری 2016 13:19

لاہور (اُردو پوائنٹ اخبارتازہ ترین - آن لائن۔30 جنوری۔2016ء) لاہورایکسپوسینٹر میں جاری دوسرے میگا لیدر شو 2016کے حوالے سے پاکستان ٹینریز ایسوسی ایشن کے چیئرمین گلزار فیروز نے بتایا کہ لیدر شو کے انعقاد کا مقصد بیرونی دنیا میں پاکستانی لیدر مصنوعات روشناس کرانا ہے۔پاکستانی برآمدات میں لیدر انڈسٹری دوسرے نمبر پر ہے، گزشتہ سال لیدرایکسپورٹ1.2 ارب ڈالررہی جو پاکستانی برآمدات کا 5 فیصد ہے لیکن بدقسمتی سے لیدر انڈسٹری حکومتی ترجیحات میں شامل نہیں۔

(جاری ہے)

انہوں نے تشویش کا اظہار کرتے ہوئے کہا کہ گزشتہ 6 ماہ کے دوران لیدر برآمد20 فیصد گر چکی ہے اور بین الاقوامی تجارت میں پاکستانی لیدرکا حصہ نہ ہونے کے برابر ہے۔انہوں نے حکومت سے مطالبہ کیا کہ لیدرسیکٹرکی مراعات میں اضافہ اور ٹیکسٹائل کی طرح ری فنانس ریٹ3فیصد کیا جائے، توانائی بحران ودیگر مسائل کے باعث پاکستان دیگر ممالک سے پیچھے رہ گیا ہے۔ واضح رہے کہ نمائش کا افتتاح وفاقی وزیر تجارت نے کیا ،اس موقع پرنائب صدر سارک چیمبر افتخار ملک، ٹی ڈیپ چیف ایس ایم منیر،صدر ایف پی سی سی آئی عبدالرؤف عالم بھی موجود تھے۔

Facebook Twitter Google + Share on Whatsapp

ٹینرز کو چمڑا مصنوعات کی برآمدات میں کمی پر تشویش

متعلقہ عنوان :

مزید تجارتی خبریں