سندھ اسمبلی میں ایم کیو ایم کا وزیر خزانہ اور مراد شاہ کے ریمارکس پر شدید احتجاج
جمعہ 29 جنوری 2016 21:20
کراچی(اُردو پوائنٹ اخبارتازہ ترین - آئی این پی۔29 جنوری۔2016ء) سندھ اسمبلی میں جمعہ کو متحدہ قومی موومنٹ ( ایم کیو ایم ) کے ارکان نے سینئر وزیر خزانہ اور توانائی سید مراد علی شاہ کے ان ریمارکس پر زبردست احتجاج کیا ، جن میں انہوں نے کہا کہ ’’ سندھ اسمبلی کو قانون کے مطابق چلائیں گے ، دہشت گردوں کے کہنے پر نہیں چلائیں گے ‘‘ ۔ یہ صورت حال اس وقت پیدا ہوئی ، جب اپوزیشن لیڈر خواجہ اظہار الحسن نے تھر کی صورت حال پر بحث کے دوران تعلیمی اداروں کی سکیورٹی کے حوالے سے قرار داد پیش کرنے کی اجازت طلب کی ۔
سینئر وزیر تعلیم نثار احمد کھوڑو نے کہا کہ تھر پر بحث مکمل ہونے کے بعد قرار داد پیش کی جائے ۔ اس پر سید مراد علی شاہ نے کہا کہ اس وقت بحث جاری ہے ۔ اسپیکر کو بھی یہ اختیار نہیں ہے کہ بحث کو روک کر کوئی دوسری کارروائی کریں ۔(جاری ہے)
اسمبلی کو قانون کے مطابق چلائیں گے ۔ دہشت گردوں کے کہنے پر نہیں چلائیں گے ۔ اس پر ایم کیو ایم کے ارکان اپنی نشستوں پر کھڑے ہو گئے اور انہوں نے زبردست احتجاج کیا ۔
ایم کیو ایم کے ارکان نے نعرے بازی بھی کی ۔ایم کیو ایم کے سید فیصل علی سبزواری نے کہا کہ کراچی کے ٹارگیٹڈ آپریشن میں قانون نافذ کرنے والے اداروں نے کن کن لوگوں کو دہشت گرد اور دہشت گردوں کا سرپرست قرار دیا ہے ، یہ الگ بات ہے ۔ سید مراد علی شاہ کے ریمارکس قابل اعتراض ہیں ۔اسپیکر آغا سراج درانی نے ان ریمارکس کو حذف کر دیا اور کہا کہ سید مراد علی شاہ کا اشارہ ایم کیو ایم کی طرف نہیں تھا ۔ اس دوران سید مراد علی شاہ اور اپوزیشن لیڈر کے درمیان تلخ جملوں کا تبادلہ بھی ہوا ۔سید مراد علی شاہ نے کہا کہ میرا اشارہ ان دہشت گردوں کی طرف تھا ، جنہوں نے تعلیمی اداروں کے لیے خطرات پیدا کر دیئے ہیں ۔ ہم ان دہشت گردوں کے کہنے پر اسمبلی کو نہیں چلا سکتے ۔ سینئر وزیر نثار کھوڑو نے کہا کہ تھر پر بحث مکمل ہونے کے بعد اس قرار داد کو بھی منظور کر لیا جائے گا۔متعلقہ عنوان :
مزید قومی خبریں
-
مہنگی مرغی، حکومت کا چوزے کی برآمد پرپابندی عائد کرنے کا فیصلہ
-
نیپرا کی ڈسکوز کے مارچ کے ماہانہ ایف سی اےکے حوالے سےعوامی سماعت مکمل
-
راولپنڈی پولیس کی جرائم پیشہ عناصر کے خلاف کارروائیاں،اشتہاریوں سمیت 12ملزمان گرفتار
-
بچوں کے قتل اورخودکشی کی کوشش میں سزا پانیوالی خاتون کا دماغی معائنہ کروانے کا حکم
-
بختاوربھٹو بھی مریم نواز کی معترف
-
لاہور پیرس ریلی ملکی ثقافت کو فروغ دینے اورپاکستان کے مثبت تشخص کو اجاگر کرنے کا بہترین موقع ہے ، رانا مشہود احمد خان
-
لاہور میں 50 مقامات پر مفت انٹرنیٹ سروس کا آغاز
-
ملک کو نوجوان نسل سے بڑی توقعات وابستہ ہیں،طالبات وخواتین مستقل مزاجی سے کام کریں گی تو قدم قدم پر کامیابی ان کا مقدر ہو گی،گورنر پنجاب
-
الیکشن کمیشن، ضمنی انتخاب میں قومی اسمبلی کے اراکین کی کامیابی کا نوٹیفکیشن جاری
-
لاہور پیرس ریلی ملکی ثقافت کو فروغ دینے اورپاکستان کے مثبت تشخص کو اجاگر کرنے کا بہترین موقع ہے ، رانا مشہود احمد خان
-
وفاقی وزیرعطا تارڑ نے اعجاز احمد حفیظ کو اپنا کوارڈینیٹر مقرر کردیا
-
9 مئی کیس، بانی پی ٹی آئی کی عبوری ضمانت کی درخواست پر وکلاء کے دلائل طلب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.