پارلیمنٹ میں نواز شریف سے پوچھوں گا میں نے ان سے کیا فوائد حا صل کئے،خو رشید شاہ

سکھر(اُردو پوائنٹ اخبارتازہ ترین - آن لائن۔29 جنوری۔2016ء) قومی اسمبلی میں قائد حزب اختلاف سید خو رشید احمد شاہ نے کہا ہے کہ اپنے اوپر لگنے والے الزامات کا جواب پارلیمنٹ میں نواز شریف کے سامنے دوں گا اور ان سے پوچھوں گا کہ میں نے ان سے کیا اپنی ذات کو فا ئدہ پہنچایا ہے اگر وہ ثابت کر گئے تو سیا ست کو خیر با دکہہ دوں گا اگر انہوں نے فیصلہ نہ کیا تو کہیں اور جا ؤں گا ۔

سکھر میں اپنی رہائش گاہ پر میڈیا سے گفتگو کرتے ہو ئے انہوں نے مزید کہا کہ میں جیسا پہلے تھا اب بھی ویسا ہی ہوں ،الزامات لگا نے والے ما ضی میں میرا ہا تھ چو متے تھے، ہم نے نہ کبھی کسی کی حکو مت بچائی ہے اور نہ بچائیں گے ،ہم نے تو جمہو ریت اور پا رلیمنٹ کو بچا یا ہے جس کے لیے ہم پر فرینڈلی اپوزیشن کے بھی الزامات لگے۔

(جاری ہے)

انہوں نے کہا کہ میں نے کون سی ایسی بات کہہ دی کہ کسی کو پریشانی لاحق ہو گئی جو بات میں کر رہا ہوں وہ آئندہ چار سدہ اور پشاور کے بچوں کے لواحقین کریں گے۔

میں نے کسی کی بیما ری کا کبھی مذاق نہیں اڑایا ہے بلکہ ہو سکا ہوگا تو اسے صحتیابی کی دعا دی ہو گی، میں بیس کروڑ عوام کا اپوزیشن لیڈر ہوں ان کی اپوزیشن سے توقعات وابستہ ہیں ہمیں پوا ئنٹ اسکورننگ کرنا ہو تی تو عمران خان جب کنٹینر پر تھے اس وقت کر تے یا جب ایم کیو ایم نے استعفے دیئے تھے اس وقت کرتے مگر ہم نے ایسا نہیں کیا ۔الزامات لگانا ان کا وطیرہ بن چکا ہے جن کو اب عوام جانتے ہیں چلو ایسا تو ہوا جو شخص بڑئے بڑے واقعات پر بھی ایک لفظ نہیں بو لا،میرے بیان نے اسے ایسی کو ن سی وٹامن کی گو لی دے دی وہ چا رپائی سے اٹھ بیٹھا اور میدان میں آگیا۔

میں نواز شریف سے کہتا آیا ہوں کہ اس نے آستین میں سانپ پال رکھے ہیں جو ڈستے کسی اور کو ہیں اور زہر کسی اور کو چڑھتا ہے میں نے تو چار سدہ واقع پر جو ڈیشل انکوائری کا کہا ہے کیا ہم نے اپنے دور حکو مت میں کئی واقعات پر جو ڈیشل انکوا ئریاں نہیں کرائیں ہم نے حکو مت کی سپورٹ کسی پو ائنٹ اسکورننگ کے لیے نہیں کی دہشت گر دی کے خا تمے کیلیے کی ہے عمران خان کے کنٹینر پر ہو نے کے وقت تو بہت سے وزیروں کو روتے دیکھا جو آج باتین کر رہے ہیں وہ پا رلیمنٹ پر حملے کے وقت کہاں تھے میں نے ڈا کٹر عاصم پر ایک دن بھی بات نہیں کی ڈاکٹر عاصم جانے اور عدلیہ جا نے میرا کیا ڈاکٹر عاصم ان کے ذہنوں میں خوف کی طرح بیٹھ گیا ہے اگر چارسدہ واقعہ کی انکو ائری ہو تی تو حکو مت کو معلوم ہو جا تا کہ دہشت گردوں کے خلاف اتنی شدید لڑائی کے با وجود کون لو گ ہیں جو ایسا کر رہے ہیں ان کا کہنا تھا کہ یہ لوگ بیمار ذہن کی پیداوار ہیں نیشنل ایکشن پلان پر سب جھوٹ بول رہے ہیں اور یہ صرف ایک صاحب سچ بول رہے ہیں مک مکاؤ کی سیاست کے الزام کا جواب نواز شریف کو دینا پڑے گا میں نے کوئی غلط بات نہیں کہی ہے دہشت گردوں کی مذمت کر نے میں ان کو بیما ری آڑے آرہی تھی حکیم سعید اللہ کے مرنے پر تو ان کی ّنکھوں میں آنسو آگئے تھے ہم حالات بگا ڑنا نہیں چاہتے مگراس شخص کی باتوں سے لگتا ہے کہ وہ دہشت گردی کے خلاف جنگ کو طول دینا چاہتا ہے کسی کے خوف سے اسکول بند کرنے سے مسئلہ حل نہیں ہوگا بلکہ مزید گھمبیر ہو جا ئے گاملک میں اتنے بڑے واقعات ہو ئے مگر ہم نے تو حکو مت پر اس میں ملوث ہونے کا الزام نہیں لگا یا مگر لگتا ہے کہ حکو مت نہیں تو کو ئی شخص ضرور ملوث ہے جو کبھی روتا ہے اور کبھی سیخ پا ہو جا تا ہے اس سے لگتا ہے کہ دال مین کچھ کالا تو ضرور ہے