حکومت پنجاب کا لاہور سمیت صوبہ بھر ناجائزاسلحہ کے خلاف ایک بڑے آپریشن کا اصولی فیصلہ :ذرائع
عمر جمشید بدھ 27 جنوری 2016 16:57
لاہور(اْردو پوائنٹ اخبارتازہ ترین(میاں محمد ندیم سے) ۔27 جنوری۔2016ء )حکومت پنجاب نے لاہور سمیت صوبہ بھر ناجائزاسلحہ کے خلاف ایک بڑے آپریشن کا اصولی فیصلہ کرلیا ہے-پنجاب حکومت کے انتہائی ذمہ دار ذرائع کے مطابق معاشرے میں بڑھتی ہوئی لاقانونیت اور دہشت گردی کی روک تھام کے لیے محکمہ داخلہ پنجاب اور حساس اداروں کی جانب سے صوبائی حکومت کو مشورہ دیا گیا تھا کہ وہ لاہور سمیت صوبہ بھر ناجائزاسلحہ کے خلاف ایک بڑے آپریشن کا آغازکرئے جس پر وزیراعلی پنجاب میاں شہبازشریف کی زیرصدارت چند روزقبل امن وامان کے حوالے سے ہونے والے ایک اجلاس میں فیصلہ کیا گیا کہ صوبہ بھر ناجائزاسلحہ کے خاتمے کے لیے فوری اور موثراقدامات کیئے جائیں ‘ذرائع کا کہنا ہے کہ آئی جی پنجاب پولیس نے اس سلسلہ میں وزیراعلی کو پولیس سپیشل برانچ کی مرتب کردہ ایک رپورٹ بھی ارسال کردی ہے جس میں ناجائزاسلحہ کے کاروبار میں ملوث اور اس کی سرپرستی کرنے والی اہم شخصیات کے ناموں کی فہرست بھی شامل ہے ‘پولیس سپیشل برانچ نے امن وامان کے قیام اور ممکنہ دہشت گردی کی روک تھام کے لیے ناجائزاسلحہ اور اس کاروبار میں ملوث افراد کے خلاف سخت کاروائی کے ساتھ ساتھ لاہور شہرمیں قائم قبحہ خانوں کوبھی آپریشن میں شامل کرنے کی سفارش کی ہے ‘پنجاب پولیس کی سپیشل برانچ کا کہنا ہے کہ شہربھر میں پھیلے یہ قبحہ خانے سنگین جرائم میں ملوث مجرم اور دہشت گرد کے لیے محفوظ پناہ گاہیں ہیں لہذا آپریشن کی کامیابی کے لیے ضروری ہے کہ انہیں بھی ناجائزاسلحہ کے خلاف اس آپریشن کا باقاعدہ حصہ بنایا جائے -ذرائع نے مزید بتایا کہ وزیراعلی پنجاب نے اس سلسلہ میں پولیس کو ناجائزاسلحہ کے کاروبار میں ملوث افراد کی فہرستیں مرتب کرنے کے احکامات جاری کردیئے ہیں جبکہ پولیس سپیشل برانچ اور سیکورٹی برانچ کو ذمہ داری سونپی گئی ہے کہ وہ لاہور کے تمام تھانوں کی حدود میں قائم قبحہ خانوں اور ناجائزاسلحہ کے کاروبار میں ملوث افراد کے بارے میں آئندہ ایک ماہ کے دوران مرتب کرکے صوبائی محکمہ داخلہ کو ارسال کرئے-
متعلقہ عنوان :
مزید اہم خبریں
-
اسلام آباد ہائیکورٹ کی پمز ہسپتال کے میڈیکل بورڈ کو پرویز الٰہی کی صحت کا دوبارہ جائزہ لینے کا حکم
-
بلوچستان کی 14 رکنی کابینہ نے حلف اٹھا لیا
-
کراچی، غیر ملکیوں کی گاڑی پر حملہ کرنے والے دہشتگردوں کی شناخت بارے تفصیلات سامنے آگئیں
-
فیض آباد دھرنا کمیشن کو شہباز شریف کا دیا گیا بیان سامنے آگیا
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
سعودی عرب کے نائب وزیر دفاع جنرل طلال بن عبداللہ آل سعود کی پاک فوج کے سربراہ جنرل سید عاصم منیر سے ملاقات، دفاعی تعاون کو مزید فروغ دینے کے اقدامات پر تبادلہ خیال
-
وفاقی وزیر داخلہ محسن نقوی کی کراچی کے علاقے لانڈھی میں خودکش حملے کی مذمت
-
عدالتوں میں زیر سماعت مقدمات کو زیر بحث نہیں لایا جا سکتا،سپیکر قومی اسمبلی
-
لاہور ہائیکورٹ کا ڈپٹی ڈائریکٹر ماحولیات لاہور اور ڈپٹی ڈائریکٹر شیخوپورہ کو فوری تبدیل کرنے کا حکم
-
وفاقی وزیر داخلہ محسن نقوی کا کچے کے علاقے میں مشترکہ آپریشن کرنے کا فیصلہ
-
ورلڈ پریس فوٹو ایوارڈ: مردہ بچی کو تھامے فلسطینی خاتون کی تصویر کو
-
ٹوبہ ٹیک سنگھ ،باپ ،بھائی کے ہاتھوں قتل ہونے والی ماریہ کی ڈی این رپورٹ میں زیادتی کے شواہدنہیں ملے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.